Saint Augustine, Confessions, Book 10 in Sinhala
10 වන පොත
1 වන පරිච්ඡේදය. මනුෂ්‍යයාගේ බලාපොරොත්තුව සහ ප්‍රීතිය දෙවියන් වහන්සේම පමණි.
1. ස්වාමින් වහන්ස, මට ඔබ වහන්සේ දැනගැනීමට සැලැස්සුව මැනව, මා හඳුනන ඔබ වහන්සේ මට ඔබ වහන්සේ දන්වන සේක්වා, ඔබ වහන්සේ මා දන්නා පරිදි මට ඔබ වහන්සේ දැනගැනීමට සැලැස්සුව මැනව. 1 කොරින්ති 13.12 මාගේ ආත්මයේ ශක්තිය වන ඔබ වහන්සේ, එයට ඇතුළු වී, එය ඔබ වහන්සේට උදෙසා එය සූදානම් කළ මැනව. එවිට කිසිම කැළලක් හෝ පලුද්දක් නොමැතිව එය ඔබ වහන්සේට තබාගත හැකි වනු ඇත. එපීස 5.27 මෙය මාගේ බලාපොරොත්තුවයි, එබැවින් මම කතා කළෙමි; මා සැබවින්ම ප්‍රීති වන විට මේ බලාපොරොත්තුව තුළ මම ප්‍රීති වන්නෙමි. මේ ජීවිතයේ අනෙකුත් දේවල් ගැන දුක් විය යුත්තේ අඩුවෙනි. ඒවා පිළිබඳ වැඩියෙන් දුක් වන තරමට, ඒවා ගැන දුක් විය යුතු ප්‍රමාණයද වැඩි වේ. ඒවා ගැන මිනිසුන් දුක් වන්නේ අඩුවෙනි. මන්ද බැලුව මැනව, ඔබ වහන්සේ සත්‍යයෙහි ජීවත් වන තැනැත්තා ආලෝකයට පැමිණෙන බව දකිමින් ඔබ වහන්සේ සත්‍යයට කැමති වන සේක. යොහන් 3.20 මම මෙම ප්‍රාර්ථනාව ඔබ වහන්සේ ඉදිරියේ මගේ හදවතින් කරන පාපොච්චාරණයේදී සහ බොහෝ සාක්ෂිකරුවන් ඉදිරියේ මගේ ලේඛනයේදී සිදු කරමි.
2 වන පරිච්ඡේදය. සියලුම දේවල් දෙවියන් වහන්සේට ප්‍රකාශ වන බව. උන් වහන්සේ වෙත කරන පාපොච්චාරණය මාංසයේ වචනවලින් නොව ආත්මයේ සහ පරාවර්තනයේ මොරගැසීමෙන් යුක්තව සිදු කරන ලදී.
2. තවද, ස්වාමින් වහන්ස, මිනිසාගේ හෘදයසාක්ෂියේ අගාධය නිරුවතින් දකින ඔබ වහන්සේගෙන්, හෙබ්‍රෙව් 4.13 මා එය ඔබ වහන්සේට පාපොච්චාරණය කිරීමට අකමැති වූවද මා තුළ සැඟවිය හැක්කේ කුමක්ද? මන්ද මා ඔබ වහන්සේගෙන් සැඟවීම නොව මාගෙන් ඔබ වහන්සේ සැඟවීම කළ යුතුව ඇත. එහෙත් දැන්, මා මා ගැනම අමනාප වී සිටින බවට මගේ කෙඳිරිගෑම සාක්ෂි දෙන බැවින්, මා මා ගැනම ලජ්ජාවට පත් වී, මා අත්හැර දමා, ඔබ වහන්සේ තෝරා ගන්නා පිණිසත්, ඔබ වහන්සේ තුළ මිස මා ඔබ වහන්සේ හෝ මාම සතුටු කර නොගන්නා පිණිසත්, ඔබ වහන්සේ බැබළෙන සේක, එසේම මා තෘප්තියට පත් කරන සේක, එසේම එයට ඔබ වහන්සේ ප්‍රේම කරන සේක, ආශා කරන සේක. එබැවින්, ස්වාමින් වහන්ස, මා කුමක් වූවත් ඔබ වහන්සේට විවෘතව පවසන්නෙමි. එසේම මා කතා කළ කිනම් ඵලයකින් මම ඔබ වහන්සේට පාපොච්චාරණය කරන්නෙම්ද. මා එය කරන්නේ මාංසයේ වචනවලින් සහ ශබ්දවලින් නොව, මගේ ආත්මයේ වචනවලින් සහ ඔබ වහන්සේගේ කන දන්නා සිතිවිල්ලේ මොරගැසීමෙනි. මන්ද මා දුෂ්ට වූ විට, ඔබ වහන්සේට පාපොච්චාරණය කිරීම මා ගැනම අමනාප වීම හැරෙන්නට අන් කිසිවක් නොවේ. එහෙත් මා සැබවින්ම අවංක වූ විට, එය මගේ ජීවිතයේ ගුණාංගයක් වීම හැරෙන්නට වෙන කිසිවක් නොවේය. මන්ද, ස්වාමින් වහන්ස, ඔබ වහන්සේ ධර්මිෂ්ඨ තැනැත්තාට ආශීර්වාද කරන සේක. එහෙත්, පළමුවෙන්ම ඔබ වහන්සේ අභක්තික තැනැත්තා ධර්මිෂ්ඨ කරන සේක. රෝම 4.5 එම නිසා, මාගේ පාපොච්චාරණය, මාගේ දෙවියන් වහන්ස, ඔබ වහන්සේ ඉදිරියෙහි නිශ්ශබ්දව ඉදිරිපත් කළ එහෙත්, එය නිශ්ශබ්දව සිදු කරන ලද්දක් නොවේය. මන්ද ශබ්දය සම්බන්ධයෙන් ගත් කල එය නිහඬය; සෙනෙහස සම්බන්ධයෙන් ගත් කල, එය මහ හඬින් මොරගසන්නේය. මන්ද ඔබ වහන්සේ මීට පෙර මාගෙන් අසා නොතිබූ කිසිම දෙයක් මිනිසුන්ට නිවැරදි දෙයක් මම නොකියමි. ඔබ වහන්සේ විසින් මට මුලින් නොකියන ලද එවැනි කිසිම දෙයක් මගෙන් ඔබ වහන්සේට ඇසෙන්නේද නැත.
3 වන පරිච්ඡේදය. දෙවියන් වහන්සේට නිවැරදිව පාපොච්චාරණය කරන තැනැත්තා තමා ගැන හොඳින්ම දනියි.
එසේ නම් මිනිසුන් මාගේ සියලුම රෝග සුව කරන්නාක් සේ, මාගේ පාපොච්චාරණය ඇසීම පිණිස මට මිනිසුන් සමග ඇති ගනුදෙනුව කුමක්ද? අන් අයගේ ජීවිත ගැන දැන ගැනීමට කුතුහලයෙන් සිටින එහෙත් තමන්ගේම කාරණා නිවැරදි කර ගැනීමට ඉක්මන් නොවන වූ ජාතියක්. ඔවුන් කුමක්ද යන්න ඔබ වහන්සේගෙන් ඇසීමට අකමැති ඔවුන්, මා කුමක්ද යන්න යන්න මගෙන් ඇසීමට ඔවුන් කැමති වන්නේ මන්ද? ඔවුන් මාගෙන් මා පිළිබඳ අසන විට, මා පවසන්නේ සත්‍යදැයි ඔවුන් දන්නේ කෙසේද? මනුෂ්‍යයා තුළ තිබෙන ඔහුගේ ආත්මය මිස, මනුෂ්‍යයා තුළ ඇත්තේ කුමක්දැයි කිසිවෙක් නොදනිති. 1 කොරින්ති 2.11 එහෙත් ඔවුන් ඔබ වහන්සේගෙන් ඔවුන් පිළිබඳ යමක් අසන්නේ නම්, ස්වාමින් වහන්සේ බොරු කියන සේක, කියා පැවසීමට ඔවුන්ට නොහැකිය. තමන් ගැනම ඔබ වහන්සේගෙන් අසා දැනගැනීමෙන් මිස, ඔවුන් ගැන ඔවුන් දන්නේ මොනවාද? එසේම තමා ගැනම දන්නා කවුරුන් හෝ ඔහු බොරු කියන්නේ නම් මිස, එය අසත්‍ය යයි කියන්නේ කවුද? එහෙත් ප්‍රේමය සියල්ල විශ්වාස කරන නිසා 1 කොරින්ති 13:7 (සියලු සිද්ධීන් අතරින් එය සමගම ඒකත්වයක් බවට පත් වීමෙන් එය එකක් බවට පත් වන බැවින්), ස්වාමින් වහන්ස, මා පවසන්නේ සත්‍යයද යන්න මට ඔප්පු කළ නොහැකි මිනිසුන්ට එය ඇසෙන පරිදි මමත් ඔබ වහන්සේට පාපොච්චාරණය කරමි. එහෙත් ප්‍රේමය මා වෙනුවෙන් විවෘත කර තිබෙන ඔයවුන්ගේ කන්වලින් අසන ඔවුහු මා විශ්වාස කරති.
4. එහෙත් මාගේ රහසිගත වෛද්‍යතුමන් වන ඔබ වහන්සේ, එය කිරීමෙන් මට නෙළාගත හැකි ඵලය කුමක්දැයි මට පහදා දෙන සේක. ඔබ වහන්සේ සමාව දී ආවරණය කර ඇති මගේ අතීත පාප පාපොච්චාරණ උදෙසා, ඇදහිල්ලෙන් සහ ඔබ වහන්සේගේ සක්‍රමේන්තුවෙන් මගේ ආත්මය වෙනස් කරමින් ඔබ වහන්සේ තුළ ඔබ වහන්සේ මා සතුටු කරන පිණිස, ඒවා කියවන විට සහ අසන විට, මගේ හදවත බලාපොරොත්තු සුන්වීමෙන් නිදා නොගන්නා ලෙසත්, මට බැහැ යයි නොකියන පිණිසත් හදවත අවුස්සාලුව මැනව. එහෙත් ඔබ වහන්සේගේ දයා කරුණාවේ ප්‍රේමයෙන් සහ ඔබ වහන්සේගේ කරුණා අනුග්‍රහයේ මිහිරි බවෙන් අවදි වේවා, එමගින් දුර්වලව සිටින තැනැත්තා ශක්තිමත් වේ, 2 කොරින්ති 12.10 එසේ ඔහු තමාගේ දුර්වලකම ගැන දැනුවත් වෙයි. එසේම යහපත් දෙයක් නම්, ඒ අයගෙ අතීත අකුසල් ගැන අසන්නට ලැබීමෙන් එවැනි ඒවායින් ඔවුන් දැන් නිදහස් වී සිටින බැවින් ඔවුහු සතුටු වෙති. එසේ ඔවුන් සතුටු වන්නේ ඒවා වැරදි නිසා නොවේය, එහෙත් ඔවුන් වරදෙහි සිටි බැවින් සහ තවදුරටත් වරදෙහි නොසිටින බැවිනි. එසේ නම්, මාගේ හෘදයසාක්ෂිය දිනපතා ඇයගේ පාපොච්චාරණය කරන මාගේ ස්වාමින් වහන්සේ වන දෙවියන් වහන්ස, ඇගේ නිර්දෝෂීභාවයට වඩා ඔබ වහන්සේගේ දයාවේ බලාපොරොත්තුව කෙරෙහි වැඩි විශ්වාසයක් තබාගෙන ඇත්තේ කුමන ඵලයක් උදෙසාද – මා මෙම පොතෙන් ඔබ වහන්සේ ඉදිරියෙහි මා සිටි තත්වය නොව එහෙත් දැන් මා සිටින්නේ කුමන තත්වයේද යන්න මිනිසුන්ට පාපොච්චාරණය කරන්නේද කුමන ඵලයක් උදෙසාද? මා දැක ඇති සහ කථා කළ ඒ ඵලය උදෙසා මිස මා දැන් සිටින තත්වය ගැන නොවේය. මා මේ පාපොච්චාරණය ඉදිරිපත් කරන මේ මොහොතේදීම, මා ගැන දන්නා අය හෝ මා ගැන නොදන්නා අය – මා ගැන අසා ඇති හෝ මාගෙන් අසා ඇති හෝ – විවිධ අය දැන ගැනීමට ආශා කරති. එහෙත් මා කොහේ සිටියත්, කුමනාකාරයක සිටියත් ඔවුන්ගේ කන් මගේ හදවතේ නැත. එහෙත් ඔවුහු මා ඇතුළාන්තයෙන් කුමනාකාරද යන්න දැනගැනීමට ආශා කරති. එහෙත් ඔවුන්ට එහි ඇතුළු වී ඇස්, කන, හෝ මනස මගින් එමා සැබවින්ම දැකීමට හැකියාවක් නැත. ඔවුහු විශ්වාස කිරීමට කැමති අය මෙන් එයට ආශා කරති. එහෙත් ඔවුන්ට එය අවබෝධ කරගත හැකිද? ප්‍රේමය සම්බන්ධයෙන්, ඔවුන් යහපත් වන ඒ දේ මා මාගේ පාපොච්චාරණයේදී මා බොරු නොකියන බව ඔවුන්ට පවසයි. ඔවුන් තුළ සිටින ඇය මා විශ්වාස කරයි.
4 වන පරිච්ඡේදය. ඔහුගේ පාපොච්චාරණයේදී ඔහු යහපත කළ හැකි බවත්, ඔහු අන් අය සලකන බවත්ය.
5. එහෙත් ඔවුන් මෙයට ආශා කරන්නේ කුමන ඵලයක් උදෙසාද? ඔබ වහන්සේගේ දීමනාවෙන් මා ඔබ වහන්සේ වෙත ළඟා වන බව ඔවුන් දැනගන්නා විට ඔවුන් මා සමග ප්‍රීති වීමට කැමතිද? එසේම මගේ බර නිසා මා කොපමණ ප්‍රමාද වී ඇත්දැයි ඔවුන් දැනගන්නා කල, ඔවුන් මා වෙනුවෙන් යාච්ඤා කිරීමට කැමතිද? එවැනි අයට මම මා ප්‍රකාශ කරන්නෙමි. මන්ද ස්වාමින් වහන්සේ වන මාගේ දෙවියන් වහන්ස, අප වෙනුවෙන් ඔබ වහන්සේට බොහෝ සෙයින් කෘතඥ වීම සිදු කළ යුතු අතර 2 කොරින්ති 1.11 එය සුළු ඵලයක් නොවේය. එසේම ඔබ වහන්සේ අප උදෙසා බොහෝ අය කරණකොටගෙන ආයාචනා කර ඇති සේක. ඔබ වහන්සේ ප්‍රේම කළ යුතු යැයි උගන්වන මා තුළ ඇති සහෝදරත්වයේ සිත ප්‍රේම කරන අතර, ඔබ වහන්සේ විලාප නැගිය යුතු යයි උගන්වන දේ විලාප දෙයි. සහෝදරයෙකු මිස ආගන්තුකයෙක් මෙය නොකෙරේවා, ඔවුන්ගේ මුඛය නිෂ්ඵල දේ කතා කරන, ආගන්තුක දරුවන් මෙය නොකරාවා. ඔවුන්ගේ ඔවුන්ගේ දකුණු අත බොරුවේ දකුණතකි. එහෙත් ඒ සහෝදරත්වය සහිත තැනැත්තා, ඔහු මා අනුමත කරන විට, ඔහු මා වෙනුවෙන් ප්‍රීතිමත් වෙයි. එහෙත් ඔහු මා අනුමත නොකරන විට මා වෙනුවෙන් කනගාටුවට පත් වෙයි. මන්ද, එය මා අනුමත කළත් නොකළත් මට ප්‍රේම කරන්නේය. වුවත්, එය මට ආදරය කරයි. එවැනි අයට මම මා ප්‍රකාශ කරන්නෙමි. ඔවුන් මගේ යහපත් ක්‍රියාවන්හිදී නිදහසේ හුස්ම ගනු ඇත, එසේම මාගේ නපුරු ක්‍රියාවන්වලදී ඔවුන් ඒවා ගැන සුසුම්ලනු ඇත. මාගේ යහපත් ක්‍රියා වූ කලි ඔබ වහන්සේගේ පදනම් සහ ඔබ වහන්සේගේ දීමනාවන් වේ; මාගේ දුෂ්ට ක්‍රියාවන් වූ කලි මාගේ අපරාධ, සහ ඔබ වහන්සේගේ විනිශ්චයන් වේ. කෙනෙකු සම්බන්ධයෙන් නිදහසේ හුස්ම ගැනීමට සහ අනෙකෙකු සම්බන්ධයෙන් සුසුම්ලෑමට ඔවුන්ට ඉඩ දෙන්න. එසේම මාගේ සහෝදරයන්ගේ හදවත්වලින්, ඔබ වහන්සේගේ සුවඳ දුම් පූජාසනය දෙසට ගීතිකා සහ හැඬීම් ඔබ වහන්සේගේ ඇස් ඉදිරියට නැගේවා. එළිදරව් 8.3 තවද, ස්වාමින් වහන්ස, ඔබ වහන්සේගේ ශුද්ධ මාලිගාවේ සුවඳ දුම් ගැන සතුටු වන සේක, ඔබ වහන්සේගේම නාමය නිසා, ඔබ වහන්සේගේ මහත් දයා කරුණාව අනුව මට අනුකම්පා කළ මැනව. ඔබ වහන්සේ මා තුළ ආරම්භ කළ දේ කිසි හේතුවක් නිසා නතර නොකළ මැනව, ඔබ වහන්සේ මා තුළ වන මගේ අසම්පූර්ණකම් සම්පූර්ණ කළ මැනව.
6. මෙය මා කුමන ආකාරයෙන් සිටියේද යන්න පිළිබඳ නොව, එහෙත් මා දැන් කුමනාකාර අයෙකුද යන්න පිළිබඳ , වෙව්ලීමත් සමග රහස් ප්‍රීතියකින් සහ බලාපොරොත්තුවෙන් යුත් රහසිගත ශෝකයකින් යුක්තව මා විසින් කරනු ලබන මෙම පාපොච්චාරණය, මා ඔබ වහන්සේ ඉදිරියේ පමණක් නොව, එහෙත් විශ්වාසවන්ත මනුෂ්‍ය පුත්‍රයන්ගේ, එනම් මාගේ ප්‍රීතියේ කොටස්කරුවන්ද, මාගේ මරණීය බවේ හවුල්කරුවන්ද, මාගේ සහෝදර-පුරවැසියන්ද, එසේම මාගේ වන්දනා ගමනේ හවුල්කරුවන්ද, මට පෙර සිට මිය ගිය අය සහ මට පසුව පැමිණෙන අය එනම් මාගේ මාර්ගයේ සෙබළුන්ගේ කන්වලට කරන මගේ පාපොච්චාරණයන්ගේ ඵලය වේ. මාගේ සහෝදරයන් වන මොවුහු ඔබ වහන්සේගේ මෙහෙකරුවෝය, ඔවුන් ඔබ වහන්සේගේ පුත්‍රයන් වීමට ඔබ වහන්සේ කැමති වන සේක. ඔබ වහන්සේ සමග සහ ඔබ වහන්සේ උදෙසා මා ජීවත් වීමට ආශා කරන්නේ නම් ඔබ වහන්සේ සේවය කිරීම පිණිස මට අණ කළ මාගේ ස්වාමිවරු මොවුහුය. එහෙත් ඔබ වහන්සේගේ කථා කිරීමෙන් අණ කළ මෙම වචනය එය ක්‍රියාවෙන් ඉටු කිරීමට පෙර මට අල්ප විය. එසේ නම් මෙය මම ක්‍රියාවෙන් සහ වචනයෙන් සිදු කරමි, මෙය ඔබ වහන්සේගේ පියාපත් යටතේ සිදු කරමි. මහා අනතුරකදී, මාගේ ආත්මය ඔබ වහන්සේගේ පියාපත් යටතේ ඔබ වහන්සේ වෙත යතේ නොවන්නේද, එය ඔබ වහන්සේට යටත් වන්නේය. එසේම මාගේ දුර්වලකම ඔබ වහන්සේ දැන සිටි සේක. මම කුඩා කෙනෙකි, එහෙත් මාගේ පියාණන් වහන්සේ සදාකාලයටම ජීවමාන වන සේක, එසේම මාගේ මාගේ ආරක්ෂාකරුවාණන් වහන්සේ මට ප්‍රමාණවත්ය. 2 කොරින්ති 12.9 මන්ද මා උපදවා මා ආරක්ෂා කරන තැනැන් වහන්සේ එක හා සමාන ලෙස වැඩවාසය කරන සේක. ඔබ වහන්සේම මාගේ සියලුම යහපත වන සේක. ඔබ වහන්සේ සර්වබලධාරී වන නමුත්, මා ඔබ වහන්සේ සමග සිටීමට පෙර ඔබ වහන්සේ මා සමග සිටි සේක. එම නිසා, ඔබ වහන්සේ සේවය කිරීම උදෙසා මට අණ කළ එවන් වූ අයට මා සිටියේ කුමනාකරයෙන්ද යන්න නොව, මා දැන් සිටින්නේ කුමනාකාරයෙන්ද යන්න සහ මා තවදුරටත් සිටින්නේ කුමනාකාරයෙන්ද යන්න මම ප්‍රකාශ කරන්නෙමි. එහෙත් මට අන් අය සවන් දෙන පිණිස මම මා ගැනම විනිශ්චය නොකරමි. 1 කොරින්ති 4.3
5 වන පරිච්ඡේදය. මිනිසා සම්පූර්ණයෙන්ම තමා ගැන නොදන්නා බව.
7. මන්ද ස්වාමින් වහන්ස, මා විනිශ්චය කරන්නේ ඔබ වහන්සේය; 1 කොරින්ති 4.4 මන්ද, මිනිසෙකුගේ දේවල් මිනිසෙකු තුළ ඇති ඔහුගේ ආත්මය මිස වෙන කිසිවෙකු නොදන්නා නිසාය. 1 කොරින්ති 2.11 එහෙත්, මිනිසා තුළ ඇති මනුෂ්‍යයාගේ ආත්මය නොදන්නා යමක් තිබේ. එහෙත්, ස්වාමින් වහන්ස, මනුෂ්‍යයා සෑදූ ඔබ වහන්සේ ඔහු සම්පූර්ණයෙන්ම දන්නා සේක. එහෙත්, ඔබ වහන්සේගේ ඇස් හමුයෙහි මා සැබවින්ම මා හෙළා දකින නමුත්, මා දූවිලි හා අළු ලෙස සලකන නමුත්, උත්පත්ති 18.27, මම මා ගැනම නොදන්නා යමක් ඔබ වහන්සේ ගැන දනිමි. ඇත්ත වශයෙන්ම, දැන් අපට මුහුණට මුහුණ ලා නොව, කැඩපතකින් අඳුරු ලෙස පෙනෙන්නේය. 1 කොරින්ති 13.12 එබැවින් මා ඔබ වහන්සේගෙන් ඈත් වී සිටින තාක් කල්, මම ඔබ වහන්සේ සමග වඩා මා සමගම සිටිමි; 2 කොරින්ති 5.6 එසේ වූවද, ඔබ වහන්සේට ප්‍රචණ්ඩත්වය ඉවසිය නොහැකි බව මම දනිමි, එහෙත් මා සම්බන්ධයෙන් ගත් කල මට ප්‍රතික්ෂේප කළ හැකි පරීක්ෂාවන් මොනවාද, මට ප්‍රතික්ෂේප කළ නොහැකි පරීක්ෂාවන් මොනවාද යන්න මම නොදනිමි. එහෙත්, ඔබ වහන්සේ විශ්වාසවන්ත බැවින්, බලාපොරොත්තුව ඇත. ඔබ වහන්සේ අපට දරාගත හැකි ප්‍රමාණයට වඩා අප පරීක්ෂා කිරීමට ඉඩ නොදෙන අතර, අපට පරීක්ෂාව දරාගත හැකි වන පරිදි පරීක්ෂාව සමගම එයින් ගැලවීම පිණිස මාර්ගයක්ද සකස් කර දෙන සේක. 1 කොරින්ති 10.13 එම නිසා, මම මා ගැන දන්නා දේ පාපොච්චාරණය කරමි, මා ගැන නොදන්නා දේද පාපොච්චාරණය කරමි. ඔබ වහන්සේ මා ප්‍රඥාවන්ත කරන බැවින් මා සම්බන්ධයෙන් කාරණා මම දනිමි. එසේම මා පිළිබඳ මා නොදන්නා කාරණා ඔබ වහන්සේගේ ඇස් ඉදිරියෙහි අන්ධකාරය දහවල් මෙන් වන කාලය දක්වා බොහෝ කාලයක් මම නොදැන සිටින්නෙමි. යෙසායා 58.10
6 වන පරිච්ඡේදය. දෙවියන් වහන්සේගේ ප්‍රේමය, සියලු සත්වයින්ට වඩා උන් වහන්සෙගේ උසස් ස්වභාවය තුළ, ඉන්ද්‍රියයන් පිළිබඳ දැනුම සහ තර්කානුකූල ක්‍රියාකාරකම් මගින් ලබා ගනියි.
8. ස්වාමින් වහන්ස, නිසැක නොවන ආකාරයෙන් නොව, එහෙත් නිසැක වූ සිහි කල්පනාවෙන් යුතුව, මම ඔබ වහන්සේට ප්‍රේම කරමි. ඔබ වහන්සේ ඔබ වහන්සේගේ වචනයෙන් මගේ හදවතට පහර දුන් සේක, එසේ මම ඔබ වහන්සේට ප්‍රේම කළෙමි. ඔව්, අහසත් පොළොවත් එහි ඇති සියල්ලත්, බැලුව මැනව, ඒ සියලුම පැතිවලින් ඔබ වහන්සේට ප්‍රේම කළ යුතු බව ඔවුහු මට පවසති. ඔවුන්ට නිදහසට කරුණක් කීමට නොතිබෙන පිණිස ඔවුහු සියල්ලන්ටම එසේ කීම නතර නොකරති. රෝම 1.20 එහෙත් ඔබ වහන්සේ වඩාත් ගැඹුරින් ඔබ වහන්සේ කරුණාව දක්වන තැනැත්තාට ඔබ වහන්සේ කරුණාව දක්වන සේක. එසේම ඔබ වහන්සේ අනුකම්පා කරන තැනැත්තාට ඔබ වහන්සේ අනුකම්පා කරන සේක. රෝම 9.15 එසේ නොමැති නම්, අහස සහ පොළොව යන දෙකම බිහිරි කන්වලට ඔබ වහන්සේගේ ප්‍රශංසාව පවසනු ඇත. එහෙත් මා ඔබ වහන්සේට ප්‍රේම කරන විට මා ප්‍රේම කරන්නේ කුමකටද? අපගේ ඇස්වලට එතරම් ප්‍රියජනක වන ශාරීරික සුන්දරත්වයට හෝ කාලයෙහි තේජවත් බවට හෝ ආලෝකයේ දීප්තිමත් බවට හෝ සියලුම ආකාරයේ විවිධ ගීතවල මිහිරි තනුවලට හෝ මල්වල සුවඳවත් බවට හෝ තෙල්වලට හෝ කුළු බඩුවලට හෝ මන්නා සහ මී පැණිවලට හෝ මාංසය වැලඳගැනීම උදෙසා වන පියකරු අත් පාවලට හෝ නොවේය. මා මගේ දෙවියන් වහන්සේට ප්‍රේම කරන විට, මේ කිසිවකට මම ප්‍රිය නොකරමි; එහෙත් මා යම් ප්‍රමාණයක ආලෝකයට, සහ ශබ්දයට, සහ සුවඳට, සහ ආහාරවලට සහ මාගේ ඇතුළාන්ත මනුෂ්‍යයාගේ ආලෝකය, ශබ්දය, සුවඳ, ආහාර සහ වැලඳ ගැනීම වන දෙවියන් වහන්සේ වන මගේ දෙවියන් වහන්සේට ප්‍රේම කිරීම වැලඳ ගැනීමට මම කැමැත්තෙමි. – කිසිම අවකාශයට අන්තර්ගත කරගත නොහැකි මගේ ආත්මයට බැබළෙන ආලෝකය, කාලය විසින් උදුරාගනු නොලබන එම ශබ්දය, කිසිම සුළඟකින් නැති නොකරන සුවඳවත් බවක් ඇති, කිසි විටක අනුභව කර අවසන් කළ නොහැකි ආහාර සහ කිසි විටක වෙන් කළ නොහැකි සම්පූර්ණත්වයේ ඇලුම්කම සහිත තැනැන් වහන්සේ උන් වහන්සේ වන සේක. මා මගේ දෙවියන් වහන්සේට ප්‍රේම කරන විට මා ප්‍රේම කරන්නේ මෙයටයි.
9. එසේ නම් මෙය කුමක්ද? මම පොළොවෙන් ඇසුවෙමි, එය මට මෙසේ පිළිතුරු දුන්නේය, මම උන් වහන්සේ නොවෙමි. එහි ඇති ඕනෑම දෙයක් මේ ප්‍රකාශයම සිදු කළේය. මම මුහුදෙන් සහ ගැඹුරු තැන්වලින්ද, ජීවත් වන බඩගා යන සතුන්ගෙන්ද ඇසුවෙමි, එවිට ඔවුහු මෙසේ පිළිතුරු දුන්හ. අපි ඔබගේ දෙවියන් වහන්සේ නොවෙමු. අපට ඉහළින් සිටින තැනැන් වහන්සේ සොයන්න. මම සිහිල් සුළඟින් සහ විශ්වීය වාතයෙන් සහ එහි ජීවත් වන සියල්ලන්ගෙන් ඇසුවෙමි. ඔවුහු මට මෙලෙස පිළිතුරු දුන්හ. ඇනක්සිමීනස් රවටනු ලැබුවා. මම දෙවියන් වහන්සේ නොවෙමි. මම අහස, ඉර, හඳ, තරුවලින් ඇසුවෙමි. ඔබ සොයන දෙවියන් වහන්සේ අපි වෙමු, යයි කිසිවෙකුත් පැවසුවේ නැත. මාගේ මාංසයේ දොරකඩ අසල සිටින මේ සියලු දේට මම මෙසේ පිළිතුරු දුනිමි. ඔබ මට මාගේ දෙවියන් වහන්සේ ගැන මට කීවෙහිය. ඔබ උන් වහන්සේ නොවන බව කීවෙහිය. මට උන් වහන්සේ ගැන යමක් පවසන්න. එවිට උන් වහන්සේ අප සෑදු සේක, යනුවෙන් මහත් හඬකින් ඔවුහු පැවසූහ. මම ඔවුන්ගෙන් ප්‍රශ්න කිරීම වූ කලි මා ශවුන් නිරීක්ෂණය කිරීම විය, ඔවුන්ගේ පිළිතුර වූ කලි, ඔවුන්ගේ අලංකාරත්වය විය. එසේ මම මාගේ සිතුවිලි මා දෙසටම යොමු කරගෙන මෙසේ කීවෙමි. ඔබ කවුරුන්ද? එවිට මම, මිනිසෙක් වෙමි, යැයි පිළිතුරු දුනිමි. බලන්න, මා තුළ ආත්මයක් සහ ශරීරයක් තිබේ. එඑකක් බාහිරින් සහ අනෙක ඇතුළතින් වශයෙනි. මා මාගේ දෙවියන් වහන්සේ සෙවිය යුත්තේ මේ කවර එකකින්ද? මම උන් වහන්සේ පොළොවේ සිට ස්වර්ගය දක්වා, මට පණිවිඩකරුවන් යැවීමට හැකි තාක් දුරට ශරීරය තුළින් සෙව්වෙමි – මගේ ඇස්වල කිරණකි. එහෙත් වඩාත්ම හොඳ අභ්‍යන්තර කොටසයි. මන්ද එයට මුලසුන සහ විනිශ්චය ලෙස, මාගේ සියලුම ශාරීරික පණිවිඩකරුවන් අහසේ සහ පොළොවේ සහ එහි ඇති සියල්ලේ පිළිතුරු වාර්තා කළ අතර, ඔවුහු මෙලෙස පැවසුවෝය. අපි දෙවියන් වහන්සේ නොවෙමු, එහෙත් උන් වහන්සේ අප මැවූ සේක. මේ දේවල් මාගේ බාහිර මනුෂ්‍යයාගේ සේවයෙන් මාගේ අභ්‍යන්තර මිනිසා දැනගත්තේය. මම, එනම් ආත්මය, මගේ ශරීරයේ ඉන්ද්‍රියයන් තුළින් – අභ්‍යන්තර මිනිසා වන මම මේවා දැන සිටියෙමි. මම මගේ දෙවියන් වහන්සේ ගැන මුළු පොළොවෙන්ම ඇසුවෙමි, එවිට එය මට උත්තර දෙමින්, මම උන් වහන්සේ නොවෙමි, එහෙත් උන් වහන්සේ මා සෑදු සේක, යයි කීවේය.
10. ඉන්ද්‍රියයන් විකෘති නොවූ සියල්ලන්ටම පෙනෙන්නේ මේ අලංකාරයම නොවේද? එසේ නම් එය සැම කෙනෙකුටම ඒ දෙයම කතා නොකරන්නේ මන්ද? කුඩා හා විශාල සතුන් එය දකින නමුත්, එය ප්‍රශ්න කිරීමට ඔවුන්ට නොහැකිය. මන්ද ඔවුන් වාර්තා කරන දේ විනිශ්චය කිරීමට තර්කයක් ගොඩනැගීමට හැකියාව ඔවුන්ගේ ඉන්ද්‍රියයන්ට ලබා දී නොමැති බැවිනි. එහෙත් මිනිසුන්ට එය ප්‍රශ්න කිරීමට පුළුවන. එවිට දෙවියන් වහන්සේගේ අදෘශ්‍යමාන දේ පැහැදිලිව පෙනෙන අතර, සාදන ලද දේවලින් ඒවා අවබෝධ වේ. රෝම 1.20 එහෙත් ඔවුන්ට ප්‍රේම කිරීම කරණකොටගෙන ඒවා ඔවුන්ට යටත් කරනු ලැබ ඇත. එසේ යටත් කරන ලද අයට විනිශ්චය කළ නොහැකිය. තවද සත්වයන්ගෙන් ප්‍රශ්න කරනු ලැබුවද, ඔවුන්ට විනිශ්චය කළ හැකි නම් මිස ඔවුන් හට පිළිතුරු දිය නොහැකිය. ඔවුන් ඔවුන්ගේ හඬ වෙනස් කරන්නේද නැත (එනම්, ඔවුන්ගේ අලංකාරත්වය), එසේ නම්, එක් මිනිසෙකු පමණක් දකිනවා නම්, තවත් කෙනෙකු ඒ මිනිසාට එක් ආකාරයකින් පෙනෙන ආකාරයට දැක ඒ පිළිබඳ ප්‍රශ්න කරන්නේ නම්, තවත් කෙනෙකු එය සිදු කරන්නේ නම්, දෙදෙනාටම එකම ආකාරයකින් පෙනෙන්නේ නම්, එය මේ සම්බන්ධයෙන් නිහඬ වන අතර, එය අනෙක් දෙයට කතා කරයි. ඔව්, සැබවින්ම එය සියල්ලන්ට කථා කරන නමුත් ඔවුන්ට එය වැටහෙන්නේ පිටතින් ලැබුණු ඒ හඬ අභ්‍යන්තරයේ ඇති සත්‍යය සමග සසඳන අයට පමණි. මන්ද සත්‍යය මට මෙසේ පවසයි. අහස හෝ පොළොව හෝ වෙනත් ශරීරයක් හෝ නුඹේ දෙවියන් වහන්සේ නොවේය. මෙය, ඔවුන්ගේ ස්වභාවය ඔවුන් දකින තැනැත්තාට මෙසේ පවසයි. ඔවුහු ස්කන්ධයකි; ස්කන්ධයක් වූ කලි සම්පූර්ණ දෙයකින් කොටසකි. දැන්, මාගේ ආත්මය, ඔබ මගේ වඩාත්ම හොඳ කොටසයි. ඔබට මම කථා කරමි. මන්ද ඔබ එයට ජීවය ලබා දෙමින් ඔබගේ ශරීරයේ ස්කන්ධය ජීවත් කරවයි. එය කිසිම ශරීරයක් ශරීරයට ලබා නොදෙන නමුත් ඔබේ දෙවියන් වහන්සේ ඔබට ජීවනය ලබා දෙන ජීවනය වන සේක.
7 වන පරිච්ඡේදය. ශරීරයේ හෝ ආත්මයේ බලයෙන් දෙවියන් වහන්සේ සොයාගත නොහැකි බව.
11. ඒසේ නම් මා මගේ දෙවියන් වහන්සේට ප්‍රේම කරන විට මා ප්‍රේම කරන්නේ කුමකටද? මගේ ආත්මයේ හිසට ඉහළින් සිටින උන් වහන්සේ කවුරුන්ද? මගේ ආත්මයෙන්ද මම උන් වහන්සේ වෙතට ඉහළට නගින්නෙමි. මා මගේ ශරීරයට සම්බන්ධ වී සිටින මගේ බලයට ඔබ්බෙන් මම ඉහළට නැග, ඒ සම්පූර්ණ සැකිල්ල ජීවයෙන් පුරවන්නෙමි. ඒ බලයෙන් මට මගේ දෙවියන් වහන්සේ සොයාගත නොහැකිය. එසේ වුවහොත් අවබෝධයක් නැති අශ්වයා සහ කොටළුවා උන් වහන්සේ සොයාගනු ඇත. මන්ද ඔවුන්ගේ ශරීර පවා ජීවත් වන්නේ එම බලයෙන්ම වන නිසාය. එහෙත් තවත් බලයක් ඇත, මා ජීවත් කරවන ලද බලය පමණක් නොව, ස්වාමින් වහන්සේ මා වෙනුවෙන් සකස් කර ඇති මගේ මාංසය ඉන්ද්‍රියයෙන් පෝෂණය කිරීමට ලබා දී ඇති බලයයි. ඇසට නොඅසන ලෙසත් කනට නොදකින ලෙසත් අණ කිරීම, එහෙත් එය, එනම් ඇස මට පෙනෙන පිණිසත්, කන මට ඇසෙන පිණිසත් එම එකිනෙක ඉන්ද්‍රියන්ට ඔවුන්ගේ අදාළ ස්ථානය සහ කාර්ය ලබා දී ඇත. එය එකිනෙකට වෙනස්ව, තනි මනස වන මම ඒවා පාලනය කරමි. මේ දෙය අශ්වයා සහ කොටළුවාට ඇත. මන්ද ඔවුන් ශරීරයෙන් වටහා ගන්නා බැවිනි.
8 වන පරිච්ඡේදය. ස්වභාවය සහ මතකයේ විස්මයජනක බලය පිළිබඳ.
12. එවිට මම මගේ ස්වභාවයට ඔබ්බෙන් වන මෙම බලයෙන් මා සෑදූ උන් වහන්සේ වෙතට අංශක ගණනකින් ඉහළට නැඟී යන්නෙමි. තවද, ඉන්ද්‍රියයන්ගේ සියලුම ආකාරයන්ගෙන් ගෙන එන ලද අසංඛ්‍යාත රූප නිධානයන් තිබෙන මගේ මතකයේ කෙත්වතු හා ඉඩකඩ සහිත මාලිගා වෙත මම පැමිණෙමි. ඉන්ද්‍රියන්ට වෙත පැමිණි දේවල් විශාල කිරීමෙන් හෝ අඩු කිරීමෙන් හෝ වෙනත් ආකාරයකට වෙනස් කිරීමෙන් හෝ අප සිතන දේ අනුව ඕනෑම දෙයක් නිධාන කර ඇත. ඔව්, එයට භාර දී ගබඩා කර ඇති වෙනත් ඕනෑම දෙයක්, අමතක වීම මගින් තවමත් ගිලී හා වළලනු නොලැබූ දෙයක් මෙලෙස නිධාන කර ඇත. මා එම ගබඩා කාමරයෙහි සිටින විට මා කැමති දේ ගෙන එනු ලබනවාට මම ඉල්ලා සිටිමි. එවිට සමහර දේවල් ක්‍ෂණිකව පැමිණේ. තවත් සමහර දේ අභ්‍යන්තර භාජනයකින් ලබා ගන්නා ආකාරයකට ඒවා දිගු කලක් සෙවිය යුතුය. නැවතත්, තවත් සමහර දේ වේගයෙන් විශාල ගණනක් පැමිණෙන අතර, තවත් දෙයක් සොයා ඒ පිළිබඳ විමසිය යුතුය. ඒවා මතු පිටට පෙනෙන්නට ඉක්මනින් පැමිණෙයි. ඒ ඇතැම් විට ඒවා අප නොවේය යනුවෙන් පැවසීමට මෙනි. මා කැමති දේ එහි රහස් ස්ථානයෙන් එළිදරව් වී පෙනෙන තෙක් මේවා මම මගේ හදවතේ හස්තයෙන්, මගේ මතකයේ මුහුණෙන් දුරු කරමි. අනෙකුත් ඒවා කිසිම අපහසුවකින් තොරව, අඛණ්ඩ පිළිවෙළට, ඒවා ඉල්ලා සිටින ආකාරයටම ඉක්මනින් පැමිණේ. ඉදිරියෙන් සිටින අය පසුව එන අයට ඉඩ සලසා දෙයි. එසේ මා කැමති විට එයට පැමිණීමට ඉඩ දීම සඳහා ඉදිරිය උදෙසා ගබඩා කරනු ලැබ ඇත. මම යමක් මතකයෙන් නැවතත් පවසන කල මේ සියලුම දේ සිදු වේ.
13. මේ සියලුම දේ, තම තමුන්ගේම මාර්ගයෙන් පැමිණ ඇති අතර, වෙන් වෙන් වශයෙන් සහ සාමාන්‍ය ප්‍රධානීන් යටතේ සංරක්ෂණය කරනු ලැබ ඇත. නිදසුනක් ලෙස, ඇස් මගින් ආලෝකය සහ සියලු වර්ණ සහ ශරීර ආකාරයන්, කන් මගින් සියලු ආකාරයේ ශබ්ද; නාස්පුඩු මාර්ගයෙන් සියලුම ආකාරයේ සුවඳ; මුඛයෙන් සියලුම වර්ගයේ රස; මෙන්ම මුළු ශරීරයේම සංවේදනය මගින්, දැඩි හෝ මෘදු බව, උණුසුම් හෝ සීතල බව, රළු හෝ සියුම් බව, බර හෝ සැහැල්ලු බව, ශරීරයට පිටතින්ද නැතිනම් ශරීරය ඇතුළතින්ද යන්න දක්වයි. මේ සියල්ල මතකයේ මහා භාජනය මගින් සිදු කෙරේ. එහිදී එහි බොහෝ වූ සහ විස්තර කළ නොහැකි ආයතන මගින් ලබාගෙන, අවශ්‍ය වේලාවට ඉදිරියට ගෙන ඒම පිණිස තබාගෙන ඇත. ඒ එකිනෙක තම තමාගේම දොරටුවෙන් ඇතුළු වී එහි සැඟවී තැන්පත් වී ඇත. එහෙත් කාරණා ඒවා විසින්ම එයට ඇතුළු වන්නේ නැත. එහෙත් මතකයට නැඟීමට සිතීමට සූදානම්ව ඇත්තේ වටහාගත් දේවල රූප පමණි. මෙම රූප සැදී ඇත්තේ කෙසේද යන්න පැවසිය හැකි කවරෙකුටද? කෙසේ වූවත්, ඒවා එක් එක් ඉන්ද්‍රියයෙන් ගෙනැවිත් ගබඩා කර ඇති බව පැහැදිලිව පෙනෙන්නේය. මන්ද මා අඳුරේ සහ නිශ්ශබ්දතාවයේ වාසය කරන විට පවා, මා කැමති නම් වර්ණ මගේ මතකයට ගෙන ඒමට සහ කළු සහ සුදු මෙන්ම මා කැමති අනෙක් පාට වෙන් කර හඳුනාගැනීමට මට පුළුවන. එසේත් නොමැති නම්, මගේ ඇස්වලින් ඇතුළට ඇද ගන්නා ලද රූපයට, මා සලකා බලන දෙයට ශබ්ද කඩා වැටී බාධා කරන්නේ නැත, ඒවාද එහි තිබෙන ආකාරයට ඇති බව දැක, සඟවා තබනු ලැබ, වෙන් කර තබා තැන්පත් කරනු ලැබ ඇත. මා කැමති නම් මේවාද මට කැඳවිය හැකි අතර, එවිට ඒවා ක්‍ෂණයකින් පැමිණෙයි. එසේ මගේ දිව විවේකයෙන් සිටියද, මගේ උගුර නිහඬව තිබුණද, මට කැමති උපරිම ආකාරයෙන් මට ගායනා කළ හැකිය. එමෙන්ම එම වර්ණවල රූප, කෙසේ වෙතත් එහි තිබුණත්, කන තුළින් ගලා ආ වෙනත් නිධානයක් සලකා බලන විට මැදිහත් නොවී තමන්ටම බාධා නොකර සිටියි. එබැවින් අනෙකුත් ඉන්ද්‍රියයන් විසින් ගොඩ ගසා ඇති අනෙකුත් දේවල්, මම මගේ සතුටේදී සිහිපත් කරමි. එසේම මම කිසිම සුවඳක් නැතත්, වයලට් මල්වලින් ලිලී මල්වල සුවඳ වෙන් කර හඳුාගනිමි. එසේම මම මිහිරි මිදි යුෂවලට වඩා මී පැණිවලටත්, රළු දේවලට වඩා සිනිඳු දේවලටත් කැමැත්තෙමි. ඒ අවස්ථාවේ මා රස බැලීම හෝ ඒවා ඇල්ලීම සිදු නොකළත්, මගේ මතකයෙන් පමණක් එය සිදු කරමි.
14. මගේ මතකයේ විශාල කාමරයක් තුළ මේ දේවල් මම ඇතුළාන්තයෙන් සිදු කරමි. මන්ද, අමතක වූ දේ හැරුණුකොට මා සමීපයේ අහස, පොළොව, මුහුද සහ මට එහි මතක් කරගත හැකි ඕනෑම දෙයක් ඇති නිසාය. එහිදී මට මා මුණගැසෙන අතර, මා පිළිබඳ සිහිපත් කරමි. එනම් මා යම් කුමන දෙයක් කළේද, ඒ දෙය කළේ කවදාද, කොතැනදීද, සහ මා ඒ දෙය කළ පසුව මට එය බලපෑවේ කෙසේද යන කාරණා සිහි කරමි. මගේම පෞද්ගලික අත්දැකීම් මත හෝ වෙනත් කෙනෙකුගේ ඇදහිල්ල මත මට මතක ඇති සියල්ලම එහි තිබේ. එම සැපයුමෙන් මමම අතීතය සමග දැන් මෙය ගොඩනඟමි. දැන් මා අත්විඳින ලද හෝ, අත්විඳීමෙන් විශ්වාස කළ දේවල්වල සමානකම ගොඩනගමි; ඉන්පසු නැවතත් අනාගත ක්‍රියාවන්, සිදුවීම් සහ බලාපොරොත්තු, මේ සියල්ල ගැන නැවතත් මම ඒවා වර්තමානයේ පවතින්නාක් සේ මෙනෙහි කරමි. මම මේ දෙය හෝ ඒ දෙය හෝ කරන්නෙමි, යනුවෙන් මගේ මනස නමැති මහා භාජනය තුළ මම මටම පවසා ගනිමි. එහි බොහෝ හා බොහෝ උසස් දේවල රූප ගබඩා කර ඇත. එසේ මෙය හෝ එය පසුව පැමිණෙනු ඇත. අහෝ, මෙය හෝ එය සිදු විය හැකි නම්! දෙවියන් වහන්ස, මෙය හෝ එය වැළැක්වුව මැනව! එබැවින් මම මටම කතා කරමි. එසේ මා කතා කරන කල, මා කතා කරන සෑම අයෙකුගේම රූප පැමිණෙන්නේ එකම මතක ගබඩාවෙනි. එසේ ඒ පින්තූර නැති නම් ඒවා ගැන කිසිම දෙයක් මට කීමට නොහැකිය.
15. මේ මතක ශක්තිය මහත්ය, අති මහත්ය, අහෝ මගේ දෙවියන් වහන්ස, විශාල හා අසීමිත වූ කුටියක්! එහි ගැඹුර අවබෝධ කරගත්තේ කවුරුන්ද? එහෙත් මෙය මගේ බලයක් වන අතර එය මගේ ස්වභාවයට අයත් වේ. මා සිටින සියල්ල මටම වැටහෙන්නේ නැත. මා කවුදැන්ද යන්න මටම අවබෝධ කරගත නොහැකිය. ඒ නිසා මනස එයම අන්තර්ගත කර රඳවා තබාගත නොහැකි තරමට පටුද. එසේම එය එයම අන්තර්ගත කර නොගත්තේ නම් එය කොහේ තිබේවිද? එය එය තුළම පවතින්නේ නැතිව බාහිරව පවතීද? එසේ නම් එයට තමා ගැනම නොතේරෙන්නේ කෙසේද? පුදුමාකාර ප්‍රශංසාවක් මා තුළින් පැන නැගෙයි. විස්මපත් බව මා අල්ලා ගනියි. තවද මිනිස්සු කඳු මුදුන්, මුහුදේ බලවත් රළ, ගංගාවල පුළුල් ගලා යාම, සාගරයේ සීමාවන් සහ තාරකාවල පරිපථ අගය කිරීමට චාරිකාවල යෙදෙති. එසේ වූවත් ඒවා ගැන විස්මපත් වීම නොසලකා හරිති. මා මේ සියලුම දේවල් ගැන කතා කරන විටද ඔවුහු පුදුමයට පත් නොවෙති. මා දැක තිබෙන කඳු, රළ පහරවල්, ගංගා, තරු සහ මා විශ්වාස කරන ඒ සාගරය, යන ඒවා දෙස මගේ දෑසින් බලා සිටියේ නැත. එහෙත් මා ඒවා විදේශයන්හිදි දුටු විට තිබූ එම විශාල අවකාශයන් සහිතවම මගේ මතකයේ ඇතුළතින් මා දුටුවේ නම් මිස, මට ඒවා ගැන කතා කළ නොහැකි විය. එහෙත් මා මගේ ඇස්වලින් ඒවා දෙස බැලූ විට ඒවා අගය කරන්නේ ඒවා දැකිමෙන් නොවේය. ඒවා මා සමීපයේ ඇති දේවල්ද නොවේය. එහෙත් ඒවායෙන් රූප වේ. එසේම ඒ එකිනෙක මගේ සිතට කුමනාකාර ශාරීරික හැඟීමක් කාවැද්දුවේද යන්න මම දැනගෙන සිටියෙමි.
9 වන පරිච්ඡේදය. දේවල් පමණක් නොව, සාහිත්‍යය සහ රූපද මතකයෙන් ලබාගන්නා අතර, ඒවා මතක තබා ගැනීමේ ක්‍රියාවෙන් පිටතට ගෙන එනු ලැබේ.
16. එහෙත් මගේ මතකයේ මැනිය නොහැකි ධාරිතාව රඳවා ගන්නේ මේවා පමණක් නොවේය. ලිබරල් විද්‍යාවන් ගැන උගත් කාරණා සහ තවමත් අමතක නොවූ සියල්ලද මෙහි ඇත. ඒවා යම් අභ්‍යන්තර ස්ථානයකට ඉවත් කළාක් මෙන් ඉවත් කර ඇත. එය ස්ථානයක් නොවේය. එසේම ඒවා රඳවාගෙන තිබෙන රූප දේවල්මය. මන්ද, සාහිත්‍යය යනු කුමක්ද, වාද විවාද කලාවෙහි ඇති නිපුණත්වය කවරේද, මා දන්නා මේ ඕනෑම ආකාරයක ප්‍රශ්න තිබේද, ඒ සියල්ල මගේ මතකයෙහි ඇත. ඒ මා රූපයට නොගෙන ඒ දෙය ඉවත් කර නැති නිසාය. නැතිනම් ඒ හෝඩුවාවෙන් කනේ සටහන් වූ කටහඬක් මෙන් එය ඇසෙන්නටත්, පහව යා යුතු බවත්, එය තවදුරටත් එසේ නොකරන විට එය ශබ්දයක් මෙන් පටිගත කළ හැකි වන නිසාය. නොඑසේ නම්, සුවඳක් ලෙස එය පහව ගොස් සුළඟට අතුරුදහන් වී සුවඳ දැනීමට බලපායි, එය මතකය තුළට තමාගේ රූපය සම්ප්‍රේෂණය කරන්නේ කොතැනින්ද යන්න එය මතකයේ තබා ගැනීමේදී අපට වැටහේ. නැතිනම් ආහාර මෙන්, නිසැකවම බඩේ දැන් රසයක් ඇත්තේ නැත, එහෙත් මතකයේ යම් ආකාරයක රසයක් ඇත. එසේත් නැතිනම් ස්පර්ශ කිරීමෙන් ශරීරයට දැනෙන, අපෙන් ඉවත් වූ විට පවා මතකයෙන් මවා ගන්නා ඕනෑම දෙයක් වැනිය. මන්ද, මේ දේවල් තමන් තුළට නොදැමූ නමුත්, ඒවායේ රූප පමණක් පුදුම සහගත වේගවත් බවකින් අල්ලාගෙන, ඉතා පුදුමාකාර ලෙස සකස් කර, අප ඒවා මතක් කරගන්නා විට අපූරු ලෙස මතු කර පිටතට ගෙන එන්නේය.
10 වන පරිච්ඡේදය. සාහිත්‍යය ඉන්ද්‍රියයන් හරහා මතකයට හඳුන්වා දී නැත, එහෙත් එහි වඩාත් රහසිගත ස්ථානවලින් පිටතට මතු කර ගෙන එනු ලැබේ.
17. ඒත් සැබවින්ම දැන් මට, එවැනි දෙයක් තිබේද? – එය කුමක්ද? – එය කුමනාකාරයේ දෙයක්ද? යන තුන් ආකාරයේ ප්‍රශ්න ඇති බව ඇසෙයි. එවිට ඇත්තෙන්ම මම ඒ වචනවලින් රචනා කරන ලද ශබ්දවල රූප රඳවාගෙන සිටිමි. එසේම එම ශබ්ද වාතය හරහා ශබ්දයක් ඇතිව ගමන් කරන බවත් ඒවා දැන් නැති බවත් මම දනිමි. එහෙත් ඒ ශබ්දවලින් නිශ්චිත ලෙස හැඟවෙන දේවල්, මට කෙදිනකවත් මගේ ශරීරයෙහි කිසිම ඉන්ද්‍රියකින් ළඟා වුණේ නැත. එසේම මගේ මනසින් හැරුණුකොට කිසිම ආකාරයකින් මා අවබෝධ කරගත්තේද නැත. එසේම මාගේ මතකයෙහි මා ගබඩා කරගෙන තබා ඇත්තේ ඒවායෙහි රූප නොව ඒවාමය. ඒවා මා තුළට ඇතුළු වූයේ කෙසේද යන්න ඒවාට හැකි නම් ඒවා පවසාවා. මන්ද මා මාගේ මාංසයේ සියලු දොරටු පරීක්ෂා කර බලන නමුත් ඒවායින් කුමන මාර්ගයකින් ඒවා ඇතුළු වූයේද යන්න මට සොයාගත නොහැකිය. මන්ද, ඒ රූප වර්ණවත් නම්, අපි ඒවා ගැන වාර්තා කළෙමු, යනුවෙන් ඇස් පවසයි. ඒවා ශබ්ද කරන්නේ නම්, අපි ඒවා ගැන පැවසුවෙමු, යනුවෙන් කන් පවසයි. ඒවා සුවඳ නම්, ඒවා අප අසලින් ගියා යනුවෙන් නාස් පුඩු පවසයි. ඒවාට රසයක් නොමැති නම්, මගෙන් අහන්න එපා, යනුවෙන් රසයෙහි ඉන්ද්‍රිය පවසයි. ස්පර්ශය පවසන්නේ, එයට ශරීරයක් නොමැති නම්, මා එය හැසුරුවේ නැත. එසේ මා එය කිසි විටක හැසුරුවේ නැතිනම්, මා ඒ පිළිබඳ කිසි විටක දැනුම් දුන්නේ නැත, යනුවෙනි. මේ දේවල් මගේ මතකයට ඇතුළු වුණේ කොහෙන්ද සහ ඒවා ඇතුළු වුණේ කොහොමද? ඒ කෙසේද යන්න මම නොදනිමි. මන්ද මා ඒවා දැනගත් විට, මා වෙනත් මිනිසෙකුගේ මනසට ඒ සම්බන්ධ ගෞරවය නොදී, මම මගේම මනසින් ඒවා හඳුනාගත්තෙමි. එසේම ඒවා සත්‍ය බවට අනුමත කරමින්, මට අවශ්‍ය විට ඒවා පිටතට ගෙන ඒමට හැකි වූ ආකාරයට ඒවා තැබුවෙමි. මා ඒවා දැනගැනීමට පෙර සිටම ඒවා එසේ තිබුණි. එහෙත් ඒවා මගේ මතකයේ නොතිබිණි. එසේ නම් ඒවා තිබුණේ කොහේද, නැතිනම් කුමක් සඳහාද, ඒවා කතා කරන විට, මම ඒවා පිළිගතිමි. එසේ එය එසේය, එය සත්‍යය වේ, යනුවෙන් පවසමි. ඒවා ඒ වන විටත් මතකයේ තිබේ නම් මිස, එසේ නැවත තවත් රහසිගත ගුහා තුළ දමා සඟවාගෙන සිටියත්, ඒවා වෙනත් කෙනෙකුගේ උපදෙසකින් පිටතට ගෙන නොගියේ නම්, සමහර විට මට ඒවා අවබෝධ කර ගැනීමට නොහැකි වනු ඇත.
11 වන පරිච්ඡේදය. දැනගැනීමට සහ සිතා බැලීමට ඇති දේ.
18. ඒ නිසා අප මේ දේවල් දැනගන්නේ කුමක් සඳහාද, ඒවායෙහි රූප අප දැනගන්නේ අපේ ඉන්ද්‍රියයන් මගින් නොව, එහෙත් ඒවා ඒ ආකාරයෙන්ම අපි අවබෝධ කරගන්නෙමුව. රූප නොමැතිව, මෙනෙහි කිරීම මෙන් භාවනාවෙන් මිස අන් කිසිවකින් නොවේ. එසේම මතකයෙහි පෙර සඟවා තැබූ, විසිරුණු සහ නොසලකා හරින ලද එම කාරණා නිරීක්ෂණය කිරීමෙන්, ඒවා සැඟවී, විසිරී සහ නොසලකා හරිනු ලැබීමට පෙර, ඒවා තිබෙන ආකාරයට එම මතකයේම සමීපයෙහි ස්ථානගත කර ඇත. ඒ නිසා වඩාත් පහසුවෙන් ඒවා නිරීක්ෂණය කිරීමට හුරු පුරුදු මනසට වඩාත් පහසුවෙන් ඉදිරිපත් කරනු ලබයි. තවද, මා කී පරිදි, දැනටමත් සොයාගෙන ඇති, අප දැනගත්, දැන සිටි බව පවසන, ලබා ගැනීමට සමීපයේ සූදානම්ව තබා ඇති, මේ ආකාරයේ කොපමණ දේවල් මගේ මතකයේ රඳවාගෙන සිටින්නෙම්ද; කුඩා කාල පරාසයන් සඳහා අප මතකයෙන් ගෙන ඒම නැවැත්වුවහොත්, ඒවා නැවතත් ජලයෙන් යට වී ආපසු ලිස්සා යනු ඇත. එසේ ඒවා තිබූ ලෙසින්ම වඩාත් දූරස්ථ කුටි තුළට යනු ඇත. ඒවා නැවත අලුත් ඒවා ලෙසින් මතුපිටට පැමිණ පරිණාමය විය යුතුය (වෙනත් ක්ෂේත්‍ර ඒවායින් කිසිවක් නැත). එසේම ඒවා දැනගැනීම සඳහා නැවත [cogenda/ කොජෙන්ඩා] සකස් කළ යුතුය; එනම්, ඒවා විසුරුවා හැරීමෙන් [colligenda/ කොලිජෙන්ඩ] නැවත එකතු කළ යුතුය. Cogitare/ කොගිටාරේ යන වචනය අපට ලැබී ඇත්තේ එයින්ය. මන්ද කොගො cogo [මම එකතු කරමි] සහ කොගිටෝ/cogito [මට මතකයි] යන වචනවලට ඇගෝ ago සහ ඇගිටෝ/ agito, ෆේසියෝ/ facio සහ සහ ෆේස්ටිටෝ/ factito යන වචනවල මෙන්ම සමාන සම්බන්ධයක් ඇත. එහෙත් මනස විසින් මෙම වචනය [සංජානනය] තමන්ටම අවබෝධ කරගත යුතුව ඇත. එවිට කොතැනකවත් රැස් කරන ලද දේ නොව, මනසෙහි එකතු කරන ලද, එනම් සකස් කරන ලද දේ සංජානනය යැයි නියමාකාරයෙන් කිව හැකිය.
12 වන පරිච්ඡේදය. ගණිතමය දේවල් සිහිපත් කිරීම පිළිබඳ.
19. මතකයෙහි සංඛ්‍යා සහ මානයන් පිළිබඳ හේතු සහ අසංඛ්‍යාත වූ නීතිද අන්තර්ගත වේ. ඒවායින් කිසිවෙකුට වර්ණයක් හෝ ශබ්දයක් හෝ රසයක් හෝ සුවඳක් හෝ ස්පර්ශයක් නොමැති බව දැකීමෙන් ශරීරය පිළිබඳ කිසිදු හැඟීමක් පැහැදෙන්නේ නැත. මේ දේවල් සාකච්ඡා කරන විට අදහස් කරන වචනවල ශබ්දය මම අසා ඇත්තෙමි; එහෙත් ශබ්දය එක් දෙයකි, දේවල් තවත් දෙයකි. මන්ද ශබ්දය ග්‍රීක භාෂාවෙන් එකක් සහ ලතින් භාෂාවට වෙනත් දෙයකි; එහෙත් එම දේවල් ග්‍රීක හෝ ලතින් හෝ වෙනත් භාෂාවක් හෝ නොවේය. නිර්මාණ ශිල්පීන්ගේ ඉරි සැකිලි මම දැක ඇත්තෙමි, ඒවායින් ඉතාම විශිෂ්ට ඒවා පවා මකුළු දැලක් මෙනි. එහෙත් මේවා වෙනත් ආකාරයක ඒවා වේ. ඒවා මාගේ මාංසයේ ඇස මට පෙන්වූ එම රූප නොවේය: ශරීරයක් ගැන කිසිම අදහසක් නොමැතිව තමන් තුළම ඒවා දකින අය ඔහු දනියි. අපගේ ශරීරයේ සියලුම ඉන්ද්‍රියයන්ගෙන් අප ගණන් කරන දේවල සංඛ්‍යාවන්ද මම නිරීක්ෂණය කළෙමි. එහෙත් අප ගණන් කරන දේවල් වෙනත් ආකාරයක ඒවාය. ඒවා මේවායෙහි රූප නොවේය, එබැවින් ඒවා ඇත්ත වශයෙන්ම තිබේ. ඒවා නොදකින තැනැත්තා මා මේ දේවල් පැවසීම ගැන මට සමච්චල් කරයි, ඔහු මට සමච්චල් කරන අතරම මම ඔහුට අනුකම්පා කරන්නෙමි.
13 වන පරිච්ඡේදය. මතකය සියලු දේ රඳවා තබා ගනියි.
20. මේ සියල්ල මම මගේ මතකයෙහි රඳවා ගනිමි. එසේම මා ඒවා ඉගෙනගත් ආකාරය මට මතක තිබේ. එසේම ඒවාට විරුද්ධව බොරුවට විරුද්ධ වූ බොහෝ දේවල්ද මා අසා ඇති අතර, ඒවා මට මතක ඇත. ඒවා අසත්‍ය වුවත්, මට ඒවා මතක ඇති බව බොරුවක් නොවේය. එසේම මා ඒ සත්‍යයන් සහ ඒවාට විරුද්ධව ප්‍රකාශ කළ මේ අසත්‍යයන් අතර වෙනස හඳුනාගෙන ඇති බවද මට මතකය. එසේම මේ දේවල් ගැන ගැන වෙන් කර හඳුනාගැනීම එක් දෙයක් බවත්, ඒවා නිතරම වෙන් කර හඳුනාගැනීම පිණිස නිතර නිතර මෙනෙහි කළ විට මතක් කර ගැනීම වෙනත් දෙයක් බවත් මම දැන් දනිමි. එසේ නම්, මට මේ දෙකම මතක තිබේ. එනම් මා මේ දේවල් බොහෝ විට තේරුම් ගෙන ඇති බව, මා දැන් වෙන්කර හඳුනා ගන්නා දේ මගේ මතකයේ ගබඩා කර තිබෙන බව, මා එය දැන් අවබෝධකරගෙන තිබෙන නිසා මින් පසුව මට එය මතක තිබෙන බවය. එම නිසා, මා මතක තිබෙන බවද මට මතකය. එම නිසා මට මේ දේවල් මතක තබා ගැනීමට හැකි වූ බව මම පසුව සිහිපත් කළහොත්, එය මතකයේ බලයෙන් මම එය සිහිපත් කර ගනිමි.
14 වන පරිච්ඡේදය. ප්‍රීතිය සහ ශෝකය නැවත මනසට සහ මතකයට ගෙන ආ හැකි ආකාරය පිළිබඳ.
21. එම මතකයේම මගේ සිතේ ඇති සෙනෙහසද අන්තර්ගත වේ; එහෙත් ඒ ඒවා දැනෙන විට මගේ මනස ඒවා රඳවාගෙන ඇති ආකාරයට ආකාරයටම නොවේය; එහෙත් ඊට බොහෝ වෙනස්ව, මනසටම විශේෂිත වූ එහිම බලයක් අනුවය. මන්ද ප්‍රීතියට පත් නොවීම මා ප්‍රීතියට පත් වූ බව මට මතකය. එසේම දුකට පත් නොවීම මම මගේ අතීත දුක් සිහිපත් කරමි. මා වරක් බිය වූ කාරණා බියකින් තොරව මම සිහි කරමි. එසේම ආශාවකින් තොරව කලින් මට වූ ආශාවන් මතකයට ගෙන එමි. නැවතත්, ඊට පරස්පරව, මම ප්‍රීතියෙන් සිටින කල අතීතයේ වූ ශෝකයද, දුකෙන් සිටින කල, ප්‍රීතියද සිහිපත් කරමි. ශරීරය සම්බන්ධයෙන් ඒ ගැන පුදුම විය යුතු නැත; මන්ද මනස එක් දෙයකි, ශරීරය තවත් දෙයකි. ඒ නිසා මම ප්‍රීතියෙන් සිටින කල, අතීතයේ ශරීරයේ යම් වේදනාවක් සිහිපත් කරන්නෙම් නම්, එය එතරම් අමුතු කාරණයක් නොවේය. එහෙත් දැන් මේ මතකය වූ කලි මනස වේ (මන්ද අප දෙයක් මතකයෙහි තබා ගැනිමට අණක් ලබා දෙන විට, මෙය මතකයේ තබා ගන්න, යනුවෙන් අපි පවසන්නෙමු. එසේම අපට යමක් අමතක වූ විට, මට එය මතක් වෙන්නේ නැහැ, සහ එය මගේ මනසෙන් ගිලිහුණා, යනුවෙන් අපි පවසමු. එලෙස මතකයට අපි මනස යයි පවසමු), එය එසේ තිබියදී, ප්‍රීතියෙන් සිටින කල මා මගේ අතීත දුක් සිහි කරන විට, සිතට සතුටක්, මතකයට දුකක් ඇති වන්නේ කෙසේද? මනස, නිසැකවම පවසනවා නම්, මතකය මනසේ කුස බව සැකයකින් තොරව අපට කිව හැකිය, එහි ඇති ප්‍රීතිය හා දුක මිහිරි සහ තිත්ත ආහාර මෙන් වේ. ඒවා මතකයට භාර දුන් කල, ඒවා තිබෙන ආකාරයටම බඩට යවනු ලබයි. එහිදී ඒවා නැවතත් ගබඩා කළ හැකිය, එහෙත් ඒවායෙහි රස බැලිය නොහැකිය. මේවා සමාන දේවල් යැයි සිතීම විහිළුවකි; එහෙත් ඒවා සම්පූර්ණයෙන්ම වෙනස් ඒවාද නොවේය.
22. එහෙත්, බලන්න, මම එය මගේ මතකයෙන් රැගෙන එන්නෙමි. මගේ සිතේ ආශාව, ප්‍රීතිය, බිය, ශෝකය යන බාහිර බලපෑම් නිසා වෙනස් වන තත්වයන් හතරක් ඇති බව තහවුරු කරන විට; සහ මට ඒවා සම්බන්ධයෙන් විවාද කළ හැකි ඕනෑම දෙයක් ගැන, එනම් ඒවා එකිනෙක එහි විශේෂිත කාණ්ඩවලට බෙදීමෙන්, සහ එය නිර්වචනය කිරීමෙන්, එසේ මම මගේ මතකයෙන් මා කිව යුතු කාරණය මම සොයා ගනිමි, එතැන් සිට මම එය ඇදගන්නෙමි. එහෙත් මා ඒවා මතකයට නගන කල මා ඒවා සිහිපත් කරන විට, මේ කිසිම බාහිර බලපෑම් නිසා වෙනස් වන තත්වයන්ගෙන් මම බාධාවට පත් නොවෙමි. එසේම මා ඒවා මතක තබාගෙන සමාලෝචනය කිරීමට පෙර, ඒවා එහි තිබිණි. එම නිසා, ඒවා සිහි කිරීමෙන් නැවතත් ඒවා එහි ගෙන ආ හැකි විය. එසේ නම්, ඇතැම් විට වැමෑරීමෙන් මස් බඩෙන් ඉවතට ගෙන ආ හැකි ආකාරයටම, මනසට සිහි කැඳවීමෙන්ද මේවා මතකයෙන් පිටතට ඇදගත හැකිය. එසේ නම්, මෙසේ සිහිපත් කරමින්, ඔහුගේ භාවනාවේ මුවින් ප්‍රීතියේ මිහිරියාව සහ දුකෙහි කටුක බව සම්බන්ධයෙන් විවාද නොකරන්නේද? මෙහිදී මෙම සංසන්දනය සමාන නොවන්නේ සෑම කරුණකම එක සමාන නොවන නිසාද? මන්ද, මෙම විෂයයන් පිළිබඳ කැමැත්තෙන් දේශන පවත්වන්නේ කවුරුන්ද, අප බොහෝ විට දුක හෝ බිය නම් කරන විට, දුකට හෝ බියට පත් වීමට අපට බල කළ යුතුද? එහෙත් අපට ඒවා පිළිබඳ කිසි විටක කතා කළ නොහැකිය, ශරීරයේ ඉන්ද්‍රියයන් විසින් මනසෙහි මුද්‍රණය කරන ලද රූපවලට අනුව නාම ශබ්ද පමණක් නොව, මාංසයේ කිසිදු දොරකින් අපට නොලැබුණු එහෙත් මනසින් පමණක් ලද දේ පිළිබඳ සංකල්ප අපගේ මතකයේ දක්නට නොලැබේද, ඒවායෙහිම ආශාවන්ගේ අත්දැකීමෙන් හඳුනාගෙන, මතකයට භාර දී ඇත, එසේත් නැතිනම් මතකය ඒවා වෙත භාර නොදී රඳවා තබා ගනී.
15 වන පරිච්ඡේදය. නැති දේවල් සම්බන්ධ රූපද මතකයේ ඇත.
23. එහෙත් රූපවලින් හෝ රූපවලින් තොරව, ඉතා හොඳින් මෙය පැවසිය හැකි වන්නේ කාටද? මන්ද මම ගලක් නම් කරමි, නැතිනම් මම ඉර නම් කරමි, එම දේවල් මගේ ඉන්ද්‍රියයන්ට ඒ මොහොතේ නොපෙනෙන දේවල් වේ. එසේ වූවත් ඒවායේ රූප මගේ මතකයට සමීපය. මම යම් කායික වේදනාවක් නම් කරමි, එහෙත් කිසි වේදනාවක් නැති විට එය මට නොදැනේ: එහෙත් එහි රූපය මගේ මතකයෙහි නැති නම්, ඒ ගැන කුමක් කිව යුතු දැයි මම නොදනිමි. සතුටෙන් වේදනාව වෙන් කර හඳුනා ගැනීම පිළිබඳ විවාද කිරීමෙන් මට ඒ ගැන දැනගත නොහැකිය. මා සෞඛ්‍ය සම්පන්නව සිටින කල මම ශරීර සෞඛ්‍යය නම් කරමි; එය ඇත්තෙන්ම ශාරීරික ලෙස මා සමග ඇත; එහෙත්, එහි රූපයද මගේ මතකයේ නොතිබුණේ නම්, මෙම නමේ ශබ්දය කුමක්අදහස් කරන්නේද යන්න මට කිසි ලෙසකින්වත් සිහිපත් කළ නොහැකිය. ශරීරයෙන් සෞඛ්‍ය සම්පන්න බව නැති වී තිබුණද, එම දෙයම නොතිබුණද, එම රූපයම මතක ශක්තියෙන් රඳවා ගතහොත් මිස, සෞඛ්‍ය සම්පන්න බව නම් වූ විට, රෝගී අය ඒ පිළිබඳ දැන නොගනිති. මම ගණන් කරන අංක මම නම් කරමි; එහෙත් ඒවායෙහි රූප නොදක්වමි. එහෙත් ඒවා මගේ මතකයේ ඇත. මම සූර්යයාගේ රූපය නම් කරමි, එයද මගේ මතකයේ පවතී. මන්ද මට එම රූපයේ රූපය මතක නැත, එහෙත් මට එම රූපයම මතක ඇත. මන්ද එම රූපය මා මතක් කරන කල එහි තිබෙන බැවිනි. මා මතකය නම් කරන අතර, මා නම් කරන දේ මම දනිමි. එහෙත් මතකයෙන් මිස මා එය එය දන්නේ කොතැනින්ද? එයද තමා ලෙසම නොව, තමාගේම රූපයෙන් තමා වෙත නොපැමිණෙන්නේද?
16 වන පරිච්ඡේදය. මතකයේ දුර්වලතාවය අමතක වීමයි.
24. මම අමතක වීම නම් කරන විට සහ මා නම් කරන දේ මා දනනා විට පවා, මට එම මතකයේ නැතිනම් මා එය දැනගන්නේ කොතැනින්ද? මා නමේ ශබ්දය ගැන කතා නොකරන අතර, මා කතා කරන්නේ එයින් අදහස් කරන දෙය ගැනයි. එය මට එය අමතක වී ඇත්නම්, එම ශබ්දයෙන් අදහස් කළේ කුමක්දැයි මට දැනගත නොහැකිය. එම නිසා, මා මතකය සිහි කරන විට, මතකය තමා තුළින්ම, තමා සමගම පවතී: එහෙත් මා අමතක වීම සිහි කරන විට, මතකය සහ අමතක වීම යන දෙකම එහි පවතී – එනම් මට මතක ඇති මතකය, මට මතක ඇති අමතක වීම. එහෙත් අමතක වීම යනු මතකයේ දුර්වලතාවය මිස අන් කුමක්ද? එසේ නම්, මට එය මතක තබා ගැනීමට එහි තිබෙන්නේ කෙසේද? එය කවදා සිට එසේ තිබුණිද යන්න මට මතක නැත. එහෙත් අපට මතක ඇති දේ අප එය මතකයේ තබාගෙන සිටියත්, අමතක වීම අප මතක තබා නොගන්නේ නම්, අපට කිසි විටෙකත් නම ඇසෙන විට එයින් ඇඟවෙන දෙය හඳුනා ගත නොහැකි වනු ඇත. එවිට අමතක වීම මතකයේ රඳවාගෙන ඇත. එම නිසා, එය තිබේ නම් අපට එය අමතක නොවන පිණිසය. එසේම එය එසේ වීමෙන් අපට අමතක වේ. අප මතක තබා ගන්නා විට අමතක වීම මතකයට පැමිණෙන්නේ එය තුළින්ම නොව එහි රූපය තුළින් බව මෙයින් අනුමාන කළ යුතුද; එයට හේතුව අමතක වීම තමන් තුළින්ම පැවතියේ නම්, එය අප මතක තබා ගැනීමට නොව අමතක කිරීමට මඟ පාදයිද? දැන් මේ ගැන විමර්ශනය කරන්නේ කවුද? එය කෙසේ දැයි තේරුම් ගන්නේ කවුද?
25. ස්වාමින් වහන්ස, මම සැබැවින්ම එහි සිටිමි, එසේම මම වෙහෙස වෙමි. මම අධික ශ්‍රමය අවශ්‍ය වන කරදර පසක් බවට පත් වී සිටිමි. මන්ද, අපි දැන් ස්වර්ගයේ පත්‍රිකා නොසොයන්නෙමුව. එසේ නැතහොත් තරුවල දුර මැනීම හෝ පෘථිවියේ බර ගැන විමසීම සිදු නොකරන්නෙමුව. මතක තබා ගන්නේ මනස වන මායි. මා වන දෙය මගෙන් දුරස් නොවන්නේ නම් එය බොහෝ පුදුමයට පත් විය යුතු දෙයක් නොවේ. එහෙත් මට වඩා මට සමීප දේ කුමක්ද? තවද, බලන්න, මට එය නොමැතිව මා නම් කළ නොහැකි වුවද, මගේම මතකයේ බලය තේරුම් ගැනීමට මට නොහැකිය. මට අමතක වීම මතක ඇති බව මට ඉතාම පැහැදිලි වූ විට මා කුමක් කියන්නද? මට මතක දේ මගේ මතකයේ නැති බව මා තහවුරු කරන්නද? එසේත් නැතිනම් මගේ අමතක නොවන දෘෂ්ටිය සහිතව අමතක වීම මගේ මතකයේ ඇති බව පවසන්නද? මේ දෙකම ඉතාම අතාර්කික වේ. එහි ඇති තුන්වන දෘෂ්ටිය කුමක්ද? අමතක වීමේ ප්‍රතිරූපය මගේ මතකය විසින්ම රඳවාගෙන ඇති බවත්, එය සිහිපත් කරන විට අමතක වීමම නොවන බවත් මා ප්‍රකාශ කරන්නේ කෙසේද? එසේම ඕනෑම දෙයක රූපය මතකයේ කාවැදී ඇති බව දැක, එම රූපය මුද්‍රණය කළ හැකි දෙයම අවශ්‍යයෙන්ම තිබිය යුතු බව මා තහවුරු කරන්නේ කෙසේද? ඒ අනුව මට කාර්තේජ් මතක ඇත; ඒ අනුව, මා ගොස් තිබෙන සියලු ස්ථාන මට මතක ඇත; මේ අනුව, මා දැක ඇති මිනිසුන්ගේ මුහුණු සහ අනෙකුත් ඉන්ද්‍රියයන් විසින් වාර්තා කරන ලද දේවල් මට මතකය; මේ අනුව, ශරීරයේ සෞඛ්‍ය සම්පන්න බව හෝ රෝගී බව මට මතක ඇත. මන්ද මෙම වස්තූන් පවතින විට, මගේ මතකයට ඒවායින් රූප ලැබුණි, ඒවා එහි ඇති විට, ඒවා නොමැති විට මා ඒවා සිහිපත් කරන පරිදි,මා ඒවා දෙස බලා මගේ මනසින් නැවත සලකා බැලිට හැකිය.
එබැවින් අමතක වීම මතකයේ රඳවා ගන්නේ එහි රූප තුළින් මිස එය තුළින්ම නොවේ නම්, එහි රූපය ලබා ගත හැකි වන පරිදි එය වරක් එහි තිබිය යුතුය. එහෙත් එය එහි තිබූ කල, අමතක වීම විසින් දැනටමත් සටහන් කර ඇති දේ පවා එහි පැමිණීමෙන් මකා දමන ලද බව දැක එය මතකයේ එහි රූපය සැදුවේ කෙසේද? කෙසේ වෙතත්, එය කුමන ආකාරයකින් වුවද, එය තේරුම්ගත නොහැකි සහ පැහැදිලි කළ නොහැකි වුවද, කෙසේ වූවත් අමතක වීම ද මට මතක ඇති බව මට වඩාත්ම නිසැකය. එමගින් අපට මතක ඇති දේ මකා දමනු ලැබේ.
17 වන පරිච්ඡේදය. තිරිසනුන් සහ පක්ෂීන් සතු මතක ශක්තියෙන් දෙවියන් වහන්සේ වෙත ළඟා විය නොහැකිය.
26. මාගේ දෙවියන් වහන්ස, මතක ශක්තියෙහි බලය විශිෂ්ටය; එය ඉතා අසිරිමත් වේ. එය ගැඹුරු සහ අනන්ත වූ විවිධත්වයකි. මේ දෙය නම් මනසය, මේ දෙය වූ කලි මම ම වෙමි. එසේ නම් මාගේ දෙවියන් වහන්ස, මා කුමක්ද? මා කුමන ස්වභාවයකින් යුක්ත අයෙක්ද? ජීවිතය විවිධාකාර හා බොහෝ දේ සහිත මෙන්ම අති විශාල වූවකි. බලන්න, මගේ මතකයේ තිබෙන ගණන් කළ නොහැකි ක්‍ෂේත්‍රවල, ගුහාවල සහ කුටිවල, ගණන් කළ නොහැකි දේවල් ගණනාවකින් ගණනකින් තොරව පිරී ඇත, ඒවා සියලු ශරීර මෙන් රූප තුළිනි; එසේත් නැතිනම් කලාවන් සේ දේවල්ම එහි තිබීමෙනි; එසේත් නැතිනම් මනසෙහි ඇති ඇල්ම අනුව යම්කිසි අදහසක් හෝ නිරීක්ෂණයක් මගිනි. ඒවා මනස දුක් නොවිඳින නමුත්, එහි මතකය රඳවා තබා ගනියි. එසේ මතකයේ ඇති සියල්ලෙම මනසෙහිද පවතී: මේ සියල්ල තුළින් මම එහෙටත් මෙහෙටත් දුවමි. එසේම පියාසර කරමි; මම මට හැකි පමණින් මේ පැත්තටත් ඒ පැත්තටත් වේගයෙන් ඇතුළු වන්නෙමි, එහි කිසි තැනක කෙළවරක් ඇත්තේ නැත. මතක මෙතරම් විශිෂ්ට වූවකි, මරණීය ජීවිතයක් ඇති මනුෂ්‍යයා තුළ ඇති ජීව බලයද එතරම්ම විශිෂ්ට වූවකි. මාගේ සැබෑ ජීවිතය වන මාගේ දෙවියන් වහන්ස, එසේ නම් මා කුමක් කරන්නද? මතකය නම් වූ මගේ මෙම බලයෙන් ඔබ්බට පවා මම යන්නෙමි – මා මිහිරි ආලෝකය වන ඔබ වහන්සේ වෙතට යන පිණිස මම එයින් ඔබ්බට යන්නෙමි. ඔබ වහන්සේ මට පවසන්නේ කුමක්ද? බලන්න, මට ඉහළින් සිටින ඔබ වහන්සේ දෙසට මම මගේ මනසින් ඉහළට නගින්නෙමි. ඔබ වහන්සේ වෙතට ළඟා විය හැකි තැනින් ඔබ වහන්සේ වෙත ළඟා වීමටත්, ඔබ වහන්සේට ඇලුම් වීමට හැකි තැන ඔබ වහන්සේ වෙත ඇලුම් වීමටත් ආශාවෙන්, මතකය නම් වූ මගේ මෙම බලය ඉක්මවා යන්නෙමි. මන්ද තිරිසනුන්ට සහ කුරුල්ලන්ට පවා මතකය ඇත, එසේ නොවුවහොත් උන්ට නැවත කිසි දිනක උන්ගේ ගුහා සහ කූඩු හෝ උන්ට හුරු පුරුදු වෙනත් බොහෝ දේවල්ද සොයාගත නොහැකි වනු ඇත. එසේම ඇත්ත වශයෙන්ම උන්ගේ මතකයෙන් මිස උන්ට කිසිවකට හුරු පුරුදු වීමට නොහැකි වේ. එසේ නම්, මා මතකයෙන් ඔබ්බට ගොස්, සිව්පා මෘගයන්ගෙන් හා අහසේ පක්ෂීන්ගෙන් මා වෙන් කළ, උන්ට වඩා මා ප්‍රඥාවන්ත බවට පත් කළ තැනැන් වහන්සේ වෙත ළඟා වන්නෙමි. මම මතකයෙන් ඔබ්බටද යන්නෙමි, එහෙත් සැබවින්ම යහපත් සහ නිසැක වූ මිහිරියාව වන තැනැන් වහන්ස, මා ඔබ වහන්සේ සොයා ගන්නේ කොහෙන්ද? එහෙත් මා ඔබ වහන්සේ සොයා ගන්නේ කොහෙන්ද? මට ඔබ වහන්සේ මතකයෙන් තොරව හමු වුවහොත්, මා ඔබ වහන්සේ ගැන නොසිතමි. එසේ නම් දැන් මට ඔබ වහන්සේ මතක නැතිනම් මා දැන් ඔබ වහන්සේ සොයා ගන්නේ කෙසේද?
18 පරිච්ඡේදය. මතකයේ රඳවා ගතහොත් මිස නැති වූ දෙයක් සොයාගත නොහැකිය.
27. මන්ද, තමාගේ ඩ්‍රැක්මා කාසිය නැති වූ විට පහනක් දල්වා එය සෙවූ ස්ත්‍රිය, ලූක් 15.8 ඇයට එය මතක ඇත්නම් මිස ඇය එය කිසිදා සොයා නොගනු ඇත. මන්ද, එය සොයාගත් විට, ඇය එය මතක තබා නොගත්තේ නම් මිස, එය එම කාසියමද යන්න ඇය දැනගත්තේ කොතැනින්ද? බොහෝ දේවල් නැති වූ පසුව ඒවා සොයාගත් බව මට මතක ඇත; එම නිසා මම මෙය දනිමි. මම ඒවායින් කිසිවක් සොයන විට, මේ ඒ දේද? මේ ඒ දේද? යනුවෙන් අසා ඇත්තෙමි. මා සොයන දේ මට ළඟා වන තුරුම මම නැත, යනුවෙන් පවසා ඇත්තෙමි. මට එය ලබා දී තිබුණද – එය කුමක් වූවද – එය මට මතක නැත. එහෙත් මට එය හඳුනාගත නොහැකි වූ නිසා මා එය සොයා නොගනු ඇත. එම නිසා, අප නැති වූ දෙයක් සොයන විට සහ එය සොයා ගන්නා විට එය සැම විටම එසේම සිදු වේ. කෙසේ වෙතත්, කිසියම් දෙයක් අහම්බෙන් අපේ ඇස් මානයෙන් ගිලිහී ගිය විට, එහෙත් මතකයෙන් ගිලිහී නොගිය විට – ඕනෑම දෘශ්‍යමාන ශරීරයක් ලෙස, එහි රූපය තව දුරටත් ඇතුළත රඳවා තබා ගන්නා අතර, එය නැවත පෙනෙන තෙක් එය සොයනු ලැබේ; එය සම්බ වූ විට, ඇතුළත ඇති රූපයෙන් එය හඳුනා ගනු ලැබේ: අප එය හඳුනා ගන්නේ නම් මිස නැති වූ දේ අපට හමු වූවා යැයි අපි නොකියන්නෙමු. අපට එය මතක තිබුණොත් මිස අපට එය හඳුනාගත නොහැකිය. එහෙත් මෙය ඇස්වලින් ගිලිහී ගියත් මතකයේ රඳවා තබාගෙන ඇත.
19 වන පරිච්ඡේදය. මතකයේ තබා ගැනීමට එය කුමක්ද.
28. එහෙත් අප යමක් අමතක කර, අප එය සිහිගන්වා ගැනීමට උත්සහා කරන විට සිදු වන පරිදි අපගේ මතකයෙන් යමක් නැති වූ විට කුමක් සිදුවේද? මතකයේම මිස අවසානයේ අප එය සොයන්නේ කොතැනද? එසේ එහි, එක් දෙයක් වෙනුවට වෙනත් දෙයක් ඉදිරිපත් කළ විට, අප සොයන දෙය අපට හමුවන තුරු අපි එය ප්‍රතික්ෂේප කරන්නෙමු; එසේ එය අපට හමු වූ විට අපි ඒ මේකයි, යනුවෙන් කෑ ගසන්නෙමු! අප එය නැවත හඳුනාගත්තේ නම් මිස අප එය නොකළ යුතුය. අප එය මතක තබා ගන්නේ නම් මිස එය හඳුනා නොගත යුතුය. එම නිසා, නිසැක ලෙසම, අපට එය අමතක වී ඇත. එසේත් නැතිනම්, එහි සම්පූර්ණ මතකය ගිලිහී නොගියේ නම්, නමුත් අප අල්ලාගෙන සිටි කොටසෙන් අනෙක් කොටස සොයනු ලැබුවේ නම්; එහි පැරණි පුරුද්ද විකෘති වීමෙන් මෙන්, එය කලින් වූ පරිද්දෙන් එකට කරකැවෙන්නේ නැති බව සහ නැවතී ඇති බව මතකයට වැටහුණු නිසා, අවශ්‍ය වූ දේ නැවත ලබා දෙන ලෙස ඉල්ලා සිටින්නේය. නිදසුනක් වශයෙන්, අප දන්නා කිසියම් මනුෂ්‍යයෙකු දුටුවහොත් හෝ ඔහු ගැන සිතන්නේ නම් සහ ඔහුගේ නම අමතක වී ඇත්නම්, එය මතකයට නැවත ගෙන ඒමට මහත් අමාරුවෙන් උත්සාහ කරමු. එයට වෙනත් කුමන ආකාරයක දෙයක් ඉදිරිපත් කළද, එයට සම්බන්ධ නොවේ; මන්ද, එය ඔහු සම්බන්ධයෙන් සිතන විට සම්බන්ධ කර සිතීමට පුරුදුව නොසිටි බැවිනි, එබැවින් එය ප්‍රතික්ෂේප කරනු ලැබේ, එම දැනුම එහි හුරුපුරුදු වස්තුව ලෙස සුදුසු පරිදි රැඳී සිටින තුරු එය සිදු වේ. තවද, මතකයෙන්ම රඳවා තබාගෙන, එයම ඉදිරිපත් වන්නේ කොතැනින්ද? මන්ද, එය වෙනත් අයෙකු විසින් එය මනසේ තබා ඇති බව අප හඳුනා ගන්නා විට පවා එය පැමිණෙන්නේ එතැන සිටය. මන්ද අපි එය අලුත් දෙයක් ලෙස විශ්වාස නොකරමු, එහෙත් අප එය සිහිපත් කරන කල, නිවැරදි යැයි පැවසූ දේ පිළිගනිමු. එහෙත් එය මුළුමනින්ම මනසින් මකා දැමුවේ නම්, එය මනසේ තබා ගත් විට පවා අප එය සිහිපත් නොකළ යුතුය. මන්ද අපට අමතක වූ ට අපට මතක ඇති දේ තවමත් අපට සම්පූර්ණයෙන්ම අමතක වී නැත. එසේ නම්, අපට සම්පූර්ණයෙන්ම අමතක වී ඇති නැති වූ සංකල්පයක් අපට සෙවිය නොහැකිය.
20 වන පරිච්ඡේදය. අප එය දැන සිටියේ නම් මිස අප දෙවියන් වහන්සේ සහ ප්‍රීතිමත් ජීවිතයක් සෙවිය යුතු නැත.
29. එසේ නම් ස්වාමින් වහන්ස, මා ඔබ වහන්සේ සොයන්නේ කෙසේද? මන්ද මාගේ දෙවියන් වහන්ස, මා ඔබ වහන්සේ සොයන විට මම ප්‍රීතිමත් ජීවිතයක් සොයන්නෙමි. මාගේ ආත්මය ජීවත් වන පිණිස මම ඔබ වහන්සේ සොයන්නෙමි. ආමොස් 5.4 මන්ද මාගේ ශරීරය මාගේ ආත්මයෙන් ජීවත් වන බැවිනි; එසේම මගේ ආත්මය ඔබ වහන්සේගෙන් ජීවත් වේ. එසේ නම්, එය මා සතුව නොමැති බව දැක, එය ප්‍රමාණවත්, යැයි පැවසිය යුතු තැන මට පැවසිය හැකි වන තෙක්, මා ප්‍රීතිමත් ජීවිතයක් සොයන්නේ කෙසේද? මා එය සොයන්නේ කෙසේද? මට එය අමතක වූ බව දැනගෙනම මට එය අමතක වූවාක් මෙන්, මා එය මතකයට නැංවීමෙන්ද? එසේත් නැතිනම්, එය නොදන්නා දෙයක් ලෙස එය ඉගෙන ගැනීමට කැමති වීමෙන්ද, නැතිනම් මට එය මතක නැති තරමට එය අමතක වී තිබේද? ප්‍රීතිමත් ජීවිතයක් යනු සියල්ලන්ම කැමති වන දෙයක් නොවේද? ඒ සඳහා සම්පූර්ණයෙන්ම කැමති නැති කෙනෙකු සිටීද? එහෙත් ඔවුන් ඒ ගැන ආශා කරන තරමට ඔවුන් එම දැනුම ලබාගත්තේ කොහෙන්ද? ඔවුන් එයට එතරම් ආදරය කිරීම උදෙසා ඔවුන් එය දැක තිබුණේ කොහේද? ඇත්තෙන්ම එය අප සතුව ඇත, එහෙත් ඒ කෙසේද යන්න මම නොදනිමි. ඔව්, යමෙකුට එය ඇති විට, ඔහු සතුටු වන තවත් ආකාරයක්ද තිබේ. තවත් සමහරු බලාපොරොත්තුව තුළ සතුටු වෙති. ඇත්ත වශයෙන්ම සතුටින් සිටින අයට වඩා පහත් ආකාරයේ ඒවා තුළ තිබේ; එහෙත්, ඇත්තෙන්ම හෝ බලාපොරොත්තුව තුළ සතුටින් සිටින අයට වඩා ඔවුන් හොඳය. මේ අය පවා, යම් ආකාරයකින් ඔවුන් එසේ නොකළේ නම්, සතුටින් සිටීමට එතරම් ආශාවක් නොදක්වනු ඇත, එයට ඔවුන් කැමති බව නිසැකය. ඔවුන් එය දැන ගන්නේ කෙසේද යන්න මට කිව නොහැකිය. එහෙත් එය ඔවුන් සතුව ඇත්තේ මා නොදන්නා යම් ආකාරයක දැනුමක් මගිනි, මම එය මතකයේ තිබේද යන්න ගැන බොහෝ සැකයෙන් පසු වන්නෙමි. මන්ද, එය එහි තිබේ නම්, අපි වරක් සතුටින් සිටිමුයෙද; සියල්ලෝම තනි තනිව හෝ පළමුවෙන්ම පව් කළ මිනිසා, එනම් ඔහු තුළ අප සියල්ලන්ම මිය වන කෙනා මෙන්ද, අප සියල්ලන්ම දුක්ඛිතව ඉපදීමට හේතු වූ තැනැත්තා මෙන්ද, යන්න මම දැන් නොඅසමි. එහෙත් ප්‍රීතිමත් ජීවිතය තිබෙන්නේ මතකයේද යන්න මම අසමි. මන්ද අපි එය නොදැන සිටියෙමු, අප එයට ආදරය නොකළ යුතුය. අපට නම ඇසෙන අතර, අපි සියල්ලෝම එම දෙයට ආශා කරන බව පිළිගනිමු; මන්ද අපි ශබ්දයෙන් පමණක් සතුටු නොවෙමු. මන්ද ග්‍රීකයෙකු ලතින් භාෂාවෙන් එය කථා කරන බව ඇසූ විට, ඔහු කතා කරන්නේ කුමක්දැයි නොදන්නා නිසා ඔහුට සතුටක් දැනෙන්නේ නැත. එහෙත් ඔහු ග්‍රීක භාෂාවෙන් එය ඇසුවොත් ඔහු සතුටු වන අතරම, අපිද සතුටට පත් වන්නෙමු. මන්ද එම දේ ග්‍රීක හෝ ලතින් නොවන බැවිනි. එය ග්‍රීක සහ ලතින් සහ අනෙකුත් සියලුම භාෂා කතා කරන මිනිසුන් ඉතා උනන්දුවෙන් ලබා ගැනීමට කැමති බැවිනි. එසේ නම් එය සියල්ලන්ටම දැනගැනීමට ලැබී ඇති අතර, ඔවුන් සතුටින් සිටීමට කැමතිදැයි එක හඬින් ඔවුන්ගෙන් ඇසිය හැකිය. කිසිම සැකයකින් තොරව ඔවුන් සියල්ලන්ම සතුටින් සිටීමට කැමති යයි පිළිතුරු දෙනු ඇත. නම වූ එම දෙයම ඔවුන්ගේ මතකයේ තබා නොගතහොත් මෙය සිදු විය නොහැකිය.
21 වන පරිච්ඡේදය. ප්‍රීතිමත් ජීවිතයක් මතකයේ රඳවා ගන්නේ කෙසේද යන්න පිළිබඳ.
30. ඒත් කාර්තේජ් හිදී දුටු අයෙකු එය සිහි තබාගන්නේ එලෙසද? නැත. ප්‍රීතිමත් ජීවිතයක් ඇසට නොපෙනේ, එයට හේතුව එය ශරීරයක් නොවන බැවිනි. එසේ නම් එය අප ඉලක්කම් සිහි තබා ගන්නා ආකාරයේ වේද? නැත. මේ සම්බන්ධයෙන් ඔහුගේ දැනුමෙහි ඇති තැනැත්තා, වැඩි දුරටත් එය ළඟා කර ගැනීමට උත්සාහ නොකරයි; එහෙත් අපගේ දැනුම තුළ ප්‍රීතිමත් ජීවිතයක් අප සතුව ඇත, එබැවින් අපි එයට ප්‍රේම කරමු, අප සතුටින් සිටිය යුතු වන පිණිස එය තව දුරටත් ලබා ගැනීමට ආශාවක් අප සතුව ඇති ඇත. එසේ නම් එය අප කථිකත්වය පිළිබඳ මතකයේ තබා ගන්නා ආකාරයේ වේද? නැත. මන්ද, මෙම නම ද ඇසූ විට ඇතැම් අයට තවමත් හොඳ කථිකත්වයක් නොමැති අය, සහ එසේ වීමට කැමති බොහෝ දෙනෙකු මතකයට නැඟෙන්නේය, එය ඔවුන්ගේ දැනුමෙහි ඇති බව පෙනෙන්නේ කොතැනින්ද? එහෙත් ඔවුහු තම කායික ඉන්ද්‍රියයන් මගින් අන් අය කථිකත්වයෙහි දක්ෂ බව හඳුනාගෙන, ඒ පිළිබඳ ප්‍රීතියට පත් වී, ඒ හා සමාන වීමට කැමති වෙති. ඔවුන් යම් අභ්‍යන්තර දැනුම ලැබීමට කැමති නොවන්නට පුළුවන. ඔවුන් සතුටට පත් නොවූයේ නම් එසේ වීමට ඔවුන් කැමති නොවනු ඇත. එහෙත් ප්‍රීතිමත් ජීවිතයක් පිළිබඳ අපට කායික සංජානනයක් මගින් අන් අය තුළ අත්දැකීමක් ලබා දිය නොහැකිය. එසේ නම් අපට සතුට මතක ඇති ආකාරයටද? එය එසේ විය හැකිය. මන්ද මගේ ප්‍රීතිය දුකින් සිටින විට පවා මට මතක ඇත, එලෙසම දුක්ඛිත ජීවිතයක් ගත කරන විට මම සතුටුදායක ජීවිතයක් සිහි කරමි. ශරීරයෙහි සංජානනයන් වන දැකීම, ඇසීම, සුවඳ, රස, හෝ ස්පර්ශ කිරීම මගින් මම කිසි විටෙකත් මගේ ප්‍රීතිය දැනනොගත්තෙමි. එහෙත් මා ප්‍රීතියට පත් වූ විට මගේ මනසින් මම එය අත්වින්දෙමි; ඒ පිළිබඳ දැනුම මගේ මතකයේ රැඳී ඇති නිසා, එය විටෙක උපේක්ෂාවෙන් සහ තවත් විටෙක ආශාවෙන් සිහියට කැඳවා ගත හැකි විය. මට දැන් මතක ඇති දේවල්වල වෙනස අනුව මා ප්‍රීති වූ බව මට මතක ඇත. මන්ද අපිරිසිදු දේවලින් පවා මා යම් ප්‍රීතියකින් ස්නානය කර ඇත්තෙමි. ඒවා දැන මනසට මතක් වන විට මම ඒවාට වෛර කරන අතර ඒ ගැන උදාසීන ලෙස සිතමි. තවත් සමහර විටෙක, හොඳ සහ අවංක දේවල්වලින්, ආශාවෙන් යුක්තව මම සිහියට නංවමි. ඒවා දැන් මා සමීපයේ නැතත්, පසුව දුකෙන් යුක්තව මම කලින් ප්‍රීතියක් සිහිපත් කරමි.
31.එසේ නම්, මා මතකයට සිහි කළ යුතු, ප්‍රේම කළ යුතු සහ ඒ සඳහා ආශා කළ යුතු මගේ ප්‍රීතිමත් ජීවිතය මා අත්විඳින්නේ කොහොදීද සහ කවදාද? ඒ සතුටින් සිටීමට කැමති මා පමණක් නොවේ, එසේම තවත් කිහිප දෙනෙකු පමණක් නොවේ, එහෙත් සැබවින්ම සියල්ලෝම සතුටින් සිටීමට කැමති වෙමුව. අප දැන සිටි යම් නිශ්චිත දැනුමකින් මිස, එසේ නිශ්චිත කැමැත්තක් සහිතව අප අපේක්ෂා නොකළ යුතුය. එහෙත් මෙය සිදු වන්නේ කෙසේද, එනම් මිනිසුන් දෙදෙනෙකුගෙන් ඔවුන් යුද්ධයට යාමට කැමතිදැයි ඇසූ විට, එක් කෙනෙක්, සමහර විට, ඔහු යන බවට පිළිතුරු දෙයි, අනෙකා, ඔහු එසේ නොයන බවට පිළිතුරු දෙයි; එහෙත් ඔවුන් සතුටින් සිටින්නට කැමතිදැයි ඔවුන්ගෙන් ඇසුවහොත්, ඔවුන් දෙදෙනාම කිසිදු පැකිළීමකින් තොරව ක්‍ෂණිකව ඔව්, යයි පවසනු ඇත. එසේ මේ පුද්ගලයා සේවය කිරීමට කැමති වන්නේ සහ අනෙක් තැනැත්තා සේවය කිරීමට කැමති නොවන්නේ අන් කිසිම හේතුවක් නිසා නොව, සතුටින් සිටිමේ අභිමතාර්ථය නිසා නොවේද? එසේ නම් ඇතැම් විට, කෙනෙක් මේ දෙයින් සහ තවත් කෙනෙක් වෙන දෙයකින් ප්‍රීති වන අතර, සියලුම මිනිස්සු ඔවුන්ගේ සතුට ලබා ගැනීමට ඇති කැමැත්ත සම්බන්ධයෙන් එකඟ වෙති. ඔවුන් එසේ සතුටු වීමට කැමති බවට එකඟ වන නිසා, ඔවුන්ගෙන් ප්‍රීතිය ලැබීමට ඇති කැමැත්ත පිළිබඳ විමසූ විට, මේ ප්‍රීතිය ඔවුන් සතුටින් සිටින ජීවිතයක් බව පවසයිද? එක්කෙනෙක් මේ ආකාරයෙන් ප්‍රීති වන අතර, තව කෙනෙක් තවත් ක්‍රමයකින් ප්‍රීතිය ලබා ගත්තද, සියල්ලන්ටම එක් අරමුණක් ඇත, ඔවුහු එය අත්කර ගැනීමට උත්සාහ කරති, එනම් ප්‍රීතිය ලබා ගැනීමයි. මේ ජීවිතය වූ කලි, තමන් අත්දැක්කේ නැති දෙයක් බවට කිසිවෙකුට පැවසීමට දෙයක් වන බැවින්, එය මතකයේ දක්නට ලැබෙන අතර ප්‍රීතිමත් ජීවිතයක නම සඳහන් කරන සෑම විටම එය හඳුනාගනියි.
22 වන පරිච්ඡේදය. ප්‍රීතිමත් ජීවිතයක් යනු දෙවියන් වහන්සේ තුළ සහ දෙවියන් වහන්සේ උදෙසා ප්‍රීති වීම වේ.
32. ස්වාමින් වහන්ස, මෙහි ඔබ වහන්සේට පාපොච්චාරණය කරන ඔබ වහන්සේගේ මෙහෙකරුවාගේ හදවතින් එය බොහෝ දුරස් වේවා, එය බොහෝ දුරස් වේවා, මා සතුටින් සිටින බව සිතීම මාගෙන් බොහෝ දුරස් වේවා. එය කුමන ප්‍රීතියක් වූවත් එසේ සිතීම මාගෙන් බොහෝ දුරස් වේවා. මන්ද අභක්තිකයන්ට ලබා නොදෙන ලද ප්‍රීතියක් තිබේ, යෙසායා 48.22 එහෙත් ඔබ වහන්සේට කෘතඥතාවයෙන් යුක්තය නමස්කාර කරන, ඔවුන්ගේ ප්‍රීතිය ඔබ වහන්සේම වන අයට ඒ ප්‍රීතිය ලබා දී ඇත. තවද ප්‍රීතිමත් ජීවිතය මෙයයි – ඔබ වහන්සේ කෙරෙහි, ඔබ වහන්සේ තුළ, ඔබ වහන්සේ උදෙසා ප්‍රීති වීමයි; මෙය ප්‍රීතියයි, වෙන යමක් ඇත්තේ නැත. මන්ද, එක් ප්‍රීතියකට පසුව තවත් ප්‍රීතියක් හඹා යාමට ඇතැයි සිතන අය, සැබෑ ප්‍රීතිය නොව වෙනත් දෙයක් පසුපස හඹා යති. කෙසේ වෙතත්, ඔවුන්ගේ කැමැත්ත ප්‍රීතියේ යම් සෙවණැල්ලකින් ඉවතට හැරී නැත.
23 වන පරිච්ඡේදය. සත්‍යය තුළ ප්‍රීති වීමට සියල්ලෝම ප්‍රාර්ථනා කරති.
33. එසේ නම් සියලු මනුෂ්‍යයෝ සතුටින් ජීවත් වීමට කැමති වෙති යන්න නිසැක නොවේ, මන්ද වන්නට නොකැමති අය ඇති බැවිනි. ඔබ වහන්සේ තුළ ප්‍රීති වීම පමණක් සැබෑ සතුටෙහි ජීවිතය වේ. ඔවුහු සැබවින්ම සතුටු ජීවිතයට ආශා නොකරති. එසේත් නැතිනම් සියලු මිනිස්සු මෙයට ආශා කරති, එහෙත් මාංසය ආත්මයට විරුද්ධවත්, ආත්මය මාංසයට විරුද්ධවත් තෘෂ්ණාවෙන් පසු වන නිසා, ඔවුන්ට කළ යුතු දේ කිරීමට ඔවුන්ට නොහැකි වේ. ගලාති 5.17 ඔවුහු තමන්ට හැකි දේ කිරීම කෙරෙහි නැඹුරු වෙති. එසේම එයින් සෑහීමට පත් වෙති. මන්ද, ඔවුන්ට කළ නොහැකි දේ, එය ඔවුන්ට කළ හැකි වන පිණිස ඔවුහු කැමති නොවන්නෝද? මන්ද මම සැම මනුෂ්‍යයෙකුගෙන්ම මෙසේ අසමි, එනම් ඔහු සත්‍යය තුළ ප්‍රීති වීමට කැමතිද නැතිනම් බොරුව තුළ ප්‍රීති වීමට කැමතිද? ඔවුන් සතුටින් සිටීමට කැමතියි, යන්න පවසනවාට වඩා ඔවුන් සත්‍යය තුළ ප්‍රීති වීමට කැමති බව කීමට කිසි විටෙකත් පැකිලෙන්නේ නැත, මන්ද ප්‍රීතිමත් ජීවිතයක් යනු සත්‍යය තුළ ප්‍රීති වීමය: මන්ද මෙය සත්‍යය වන ඔබ වහන්සේ තුළ ප්‍රීති වීම වේ. යොහන් 14.6 මගේ ආලෝකය වන මාගේ දෙවියන් වහන්ස, මගේ මුහුණේ පෙනුමෙහි සෞඛ්‍ය සම්පන්න බව වන තැනැන් වහන්සේ සහ මාගේ දෙවියන් වහන්සේය. සියල්ලෝම මෙම ප්‍රීතිමත් ජීවිතයට ආශා කරති; සියල්ලන්ම ආශා කරන ජීවිතය මෙයයි, එකම සතුටුදායක ජීවිතය එයයි. සැබෑව තුළ ප්‍රීති වීම සියලු දෙනාම ආශා කරන දෙයයි. රැවටීමට කැමති බොහෝ අය මට හමු වී ඇත; එහෙත් රැවටීමට ලක් වීමට කැමති එක්කෙනෙකු හෝ මට හමු වී නැත. එසේ නම්, ඔවුන් සත්‍යය දැනගත් තැනින් හැරුණුකොට මෙම සතුටුදායක ජීවිතය ඔවුන් දැනගත්තේ කොතැනින්ද? මන්ද ඔවුන් රැවටෙන්නේ නැති නිසා ඔවුහුද එයට ප්‍රිය කරති. එසේ ඔවුන් ප්‍රීතිමත් ජීවිතයකට ප්‍රේම කරන විට, එනම් සත්‍යය තුළ ප්‍රීති වීම හැරුණුකොට අන් කිසිවක් නොවන එම ජීවිතයට ඔවුන් ප්‍රේම කරන විට, නිසැක ලෙසම ඔවුහු ඔවුන් සත්‍යයටද ප්‍රේම කරති. ඒ ගැන යම් දැනුමක් මතකයේ නොතිබුණේ නම් ඔවුන් තවමත් එයට ප්‍රේම නොකරනු ඇත. එසේ නම් ඔවුන් ඒ ගැන සතුටු නොවන්නේ ඇයි? ඔවුන් සතුටින් පසු වන්නේ නැත්තේ මන්ද? එයට හේතුව, ඔවුන් සතුටට පත් කිරීමට තිබෙන දේ යන්තමින් මතක තබා ගන්නා අතර, එයට වඩා,ඔවුන් දුක්ඛිත තත්වයට පත් කිරීමට ඇති වෙනත් දේ කෙරෙහි ඔවුන් දැඩි ලෙස යොමු වී ඇති බැවිනි. මන්ද මිනිසුන් තුළ තවමත් කුඩා ආලෝකයක් තිබේ. අන්ධකාරය ඔවුන් අල්ලා නොගන්නා පිණිස ඔවුහු ඒ තුළ ඇවිදිත්වා, යොහන් 12.35.
34. එසේ නම්, සත්‍යය වෛරය උපදවන්නේ සහ සත්‍යය දේශනා කරන ඔබ වහන්සේ මිනිසා යොහන් 8.40 ඔවුන්ට සතුරෙකු වන්නේ ඇයි? කෙසේ වෙතත්, සත්‍යය තුළ ප්‍රීති වීම හැරුණුකොට අන් කිසිවක් නොවන ප්‍රීතිමත් ජීවිතයකට ප්‍රේම කිරීම; එම සත්‍යයට ප්‍රේම කිරීම අන් කිසිවකට ප්‍රේම කරන අය තමන් ප්‍රේම කරන සත්‍යය එය වීමට ප්‍රාර්ථනා කරන අතර, ඔවුන් රැවටීමට ලක් වීමට කැමති බැවින්, තමන් එසේ බවට ඒත්තු ගන්වනු ලැබීමට අකමැති වන්නේද? එබැවින් ඔවුහු සත්‍යය වෙනුවට තමන් ප්‍රේම කරන දෙය වෙනුවෙන් සත්‍යයට ද්වේෂ කරති. සත්‍යය ඔවුන් කෙරෙහි බබළන කල ඔවුහු එයට ප්‍රේම කරති. එසේම සත්‍යය ඔවුන්ට අවවාද කරන විට ඔවුහු ඇයට වෛර කරති. මන්ද ඔවුන් රැවටීමට ලක් වීමට අකමැති නිසාත්, රවටන්නේනට කැමති නිසාත්, ඇය ඔවුන්ට තමාම එළිදරව් කරන කල ඔවුන් ඇයට ප්‍රේම කරන අතර, ඇය ඔවුන් එළිදරව් කරන විට ඔවුහු ඇයට වෛර කරති. ඒ සම්බන්ධයෙන් ඇය ඔවුන්ගෙන් පළිගනු ඇත. එනම් ඇය කරණකොටගෙන එළිදරව් වීමට අකමැති අය ඇය ඔවුන්ගේ කැමැත්තට විරුද්ධව එළිදරව් කරයි, එසේම ඇයම ඔවුන්ට ප්‍රකාශ නොවේ. මේ අනුව, එසේ ය, එසේ ය, මෙසේ අන්ධ වූත්, රෝගී වූත්, දූෂිත වූත්, නපුරු වූත් මනුෂ්‍යයාගේ මනස සැඟවී සිටීමට කැමතිය. එහෙත් එයින් කිසිවක් සඟවනු ලැබීමට කැමති නැත. එහෙත් එයට ප්‍රතිවිරුද්ධ දේ එයට දෙනු ලබන්නේය. එනම් එයම සත්‍යයෙන් සැඟවී නැති වීමයි. එහෙත් සත්‍යය එයින් සැඟවී ඇත. එසේ එය කාලකන්නි, දුක්ඛිත වුවද, එය අසත්‍යයට වඩා සත්‍යය තුළ ප්‍රීති වීමට කැමතිය. එවිට එය සතුටින් තිබෙනු ඇත. බාධාවක් ඇති නොවන විට, අන් සියල්ල සත්‍යය වන එම එකම සත්‍යය තුළ එය ප්‍රීති වනු ඇත.
24 වන පරිච්ඡේදය. සත්‍යය සොයා ගන්නා තැනැත්තා දෙවියන් වහන්සේ සොයා ගනියි.
35. බලන්න, ස්වාමින් වහන්ස, ඔබ වහන්සේ සොයමින් මා මගේ මතකයේ මොනතරම් විශාල කරගෙන ඇත්ද? අහෝ ස්වාමින් වහන්ස, එහෙත් එයින් පරිබාහිරව මම ඔබ වහන්සේ සොයා නොගත්තෙමි. ඔබ වහන්සේ ගැන දැනගත් කාලයේ සිට මගේ මතකයේ රඳවාගත් කාරණා හැරෙන්නට මම ඔබ වහන්සේ ගැන කිසි දෙයක් දැන නොගත්තෙමි. මන්ද මා ඔබ වහන්සේ දැනගත් දා සිට මම විසි විටෙතක් ඔබ වහන්සේ මතක නැති නොකළෙමි. මන්ද මා සත්‍යය සොයාගත් ස්ථානයේදී, සත්‍යයම වන මගේ දෙවියන් වහන්සේ සොයාගත්තෙමි. එය මා දැනගත් කාලයේ සිටම මම එය අමතක නොකළෙමි. එම නිසා මා ඔබ වහන්සේ දැනගත් කාලයේ සිටම ඔබ වහන්සේ මගේ මතකයේ වාසය කරන සේක; මා ඕනෑම අවස්ථාවක ඔබ වහන්සේ සිහි කරන විට මට ඔබ වහන්සේ එහිදී හමු වෙයි. එසේ මම ඔබ වහන්සේ තුළ ප්‍රීති වෙමි. මේවා මාගේ ශුද්ධ වූ ප්‍රීතිය වන්නේය. එය මාගේ දරිද්‍රතාවය සැලකිල්ලට ගෙන ඔබ වහන්සේගේ දයා කරුණාවෙන් මට දුන් මාගේ ශුද්ධ ප්‍රීතියයි.
25 වන පරිච්ඡේදය. දෙවියන් වහන්සේ ඔහුගේ මතකයේ වාසය කිරීම ගැන ඔහු සතුටු වෙයි.
36. එහෙත් ස්වාමින් වහන්ස, මාගේ මතකයේ ඔබ වහන්සේ වාසය කරන්නේ කොහේද? ඔබ වහන්සේ එහි වාසය කරන්නේ කොහේද? ඔබ වහන්සේ උදෙසා ඔබ වහන්සේ කුමන ආකාරයේ කුටියක් එහි නිර්මාණය කළ සේක්ද? ඔබ වහන්සේ ඔබ වහන්සේ වෙනුවෙන් කුමන ආකාරයේ ශුද්ධස්ථානයක් ගොඩනඟා තිබේද? ඔබ වහන්සේ මෙම ගෞරවය මගේ මතකයට ලබා දී ඇති සේක, එනම් මගේ මතකයෙහි වාසය කිරීමේ ගෞරවය; එහෙත් ඔබ වහන්සේ එහි කුමන කොටසක වාසය කරන සේක්ද යන්න මම සලකා බලමි. මන්ද, ඔබ වහන්සේ ගැන සිහිපත් කිරීමේදී, තිරිසනුන්ට පවා තිබෙන එම කොටස්වලින් ඔබ්බට මම ගියෙමි, මන්ද, මා ශාරීරික දේවල ස්වරූප අතර ඔබ වහන්සේ සොයා නොගත් බැවින්, සහ මම මගේ මනසේ ඇල්ම කැප කළ එම කොටස්වලට පැමිණියෙමි, එහිදීද මට ඔබ වහන්සේ හමු වූයේ නැත. එසේම මනස මනසද මතක තබා ගන්නා බැවින් මම මගේ මනසේ ආසනයටම ඇතුළු වුණෙමි. එහෙත් ඔබ වහන්සේ එහි නොසිටි සේක. මන්ද ඔබ වහන්සේ ශාරීරික ස්වරූපයක් හෝ ජීවියෙකුගේ ඇල්මක් හෝ නොවන බැවින්, අප ප්‍රීති වන විට, අනුකම්පා කරන විට, ආශා කරන විට, බිය වන විට, සිහිපත් කරන විට, අමතක කරන විට සහ ඒ ආකාරයේ ඕනෑම දෙයක් කරන විට කරන්නා සේ නොකරන සේක. එසේම ඔබ වහන්සේ මනසම නොවන සේක. මන්ද ඔබ වහන්සේ මනසෙහි ස්වාමින් වහන්සේ වන දෙවියන් වහන්සේය. මේ සියලු දේම වෙනස් වී ඇත, එහෙත් ඔබ වහන්සේ සියල්ලට ඉහළින් නොවෙනස්ව සිටින සේක, එසේ වූවත් මා ඔබ වහන්සේ දැනගත් දා සිට මගේ මතකයේ වාසය කිරීමට පොරොන්දු වී ඇති සේක. එහෙත් එහි තැන් තිබෙන්නාක් මෙන් ඔබ වහන්සේ එහි කුමන ස්ථානයේ සිටින සේක්ද යන්න දැන් මා සොයන්නේ ඇයි? මා ඔබ වහන්සේ දැනගත් දා සිටම ඔබ වහන්සේ මතකයේ සිටින බැවින් ඔබ වහන්සේ එහි වාසය කරන බව මට විශ්වාසය, එසේම මා ඔබ වහන්සේ සිහිපත් කරන කල මට ඔබ වහන්සේ එහිදී හමු වෙයි.
26 වන පරිච්ඡේදය. දෙවියන් වහන්සේ සෑම තැනකම උන් වහන්සේගෙන් උපදෙස් ලබා ගන්නා අයට පිළිතුරු දෙන සේක.
37. එසේ නම්, මට ඔබ වහන්සේ ගැන දැනගත හැකි වන පිණිස මට ඔබ වහන්සේ හමු වුණේ කොහෙන්ද? මන්ද මා ඔබ වහන්සේ දැනගැනීමට පෙර මගේ මතකයේ ඔබ වහන්සේ නොසිටි සේක. එසේ නම්, මට ඉහළින් සිටින ඔබ වහන්සේ තුළ මිස, මා ඔබ වහන්සේ දැනගැනීමට ඔබ වහන්සේ හමු වුයේ කොතැනින්ද? එවැනි කිසිම ස්ථානයක් ඇත්තේ නැත; අපි පසුපසට හා ඉදිරියට යන්නෙමු. යෝබ් 23.8 එසේ එවැනි තැනක් ඇත්තේ නැත. සත්‍යය වන තැනැන් වහන්ස, ඔබ වහන්සේගෙන් අවවාද අසන සියල්ලන්ටම ඔබ වහන්සේ මගපෙන්වන සේක්ද, එසේම නොයෙකුත් කාරණා පිළිබඳ ඔවුන් ඔබ වහන්සේගේ උපදෙස් විමසුවද ඔවුන්ට ඔබ වහන්සේ එක් වරම පිළිතුරු දෙන සේක්ද. සියල්ලන්ටම පැහැදිලිව ඇසෙන්නේ නැතත්, ඔබ වහන්සේ පැහැදිලිව පිළිතුරු දෙන සේක. සියලු දෙනාම ඔවුන් කැමති දේ පිළිබඳ ඔබ වහන්සේගෙන් විමසති. එසේ වූවත්, ඔවුන්ට සැම විටම ඔවුන් කැමති දේ අසන්නට නොලැබේ. තමාම කැමති දේ ඔබ වහන්සේ වෙතින් ඇසීමට බලාපොරොත්තු නොවන ඔහු ඔබ වහන්සේගේ ඉතාම හොඳ සේවකයෙකි. ඒ වෙනුවට ඔහුට ඔබ වහන්සෙගෙන් අසන්නට ලැබෙනු ඇතැයි ඔහු ප්‍රාර්ථනා කරයි.
27 වන පරිච්ඡේදය. දෙවියන් වහන්සේ නොමැතිව ඔහු මෙතරම් කාලයක් සිටීම පිළිබඳ ඔහු දුක් වෙයි.
38. සාධාරණ තැනැන් වහන්ස, පුරාතන තැනැන් වහන්ස, එහෙත් ඉතාම අලුත් දෙවියන් වහන්ස, මා ඔබ වහන්සේට ප්‍රේම කළේ ඉතා ප්‍රමාද වීය! බලන්න, ඔබ වහන්සේ ඇතුළතින් සිටි සේක, මම බාහිරව සිටියෙමි. එහි මම ඔබ වහන්සේ සෙව්වෙමි. විරූපී මම ඔබ වහන්සේ සෑදූ එම අලංකාර රූප අතරට ඇද වැටුණෙමි. ඔබ වහන්සේ මා සමග සිටි සේක. එහෙත් මම ඔබ වහන්සේ සමග නොසිටියෙමි. ඒ දේවල් මා ඔබ වහන්සේගෙන් ඈත් කර තැබුවේය, ඒවා ඔබ වහන්සේ තුළ නොමැති නම්, කිසිසේත් නොතිබුණි. ඔබ වහන්සේ මා කැඳවා, මොරගසමින්, මගේ බිහිරි බව නැති කළ සේක. ඔබ වහන්සේ බැබළෙමින්, දීප්තිමත්ව මගේ අන්ධභාවය විසුරුවා හැරි සේක. ඔබ වහන්සේ සුවඳ පැතිරෙවූ සේක, මම එය විඳ ඔබ වහන්සේ පසුපස ආශාවෙන් පැමිණියෙමි. මම රස බැලුවෙමි, එසේ බඩගින්න සහ පිපාසය නැති විය. ඔබ වහන්සේ මා ස්පර්ශ කළ සේක, මම ඔබ වහන්සේගේ සාමය උදෙසා පිච්චී ගියෙමි.
28 වන පරිච්ඡේදය. මිනිස් ජීවිතයේ දුක්ඛිතභාවය පිළිබඳ.
39. මම මගේ මුළු සත්තාවෙන්ම, පැවැත්මෙන්ම ඔබ වහන්සේට ඇලුම් කරන විට, මට කිසිම දෙයකින් දුකක් හෝ වෙහෙසක් ඇති වන්නේ නැත. එසේම මාගේ ජීවිතය සම්පූර්ණයෙන්ම ඔබ වහන්සේගෙන් පිරී පවතිනු ඇති අතර, එය යථාර්ථයේ ජීවිතයක් වනු ඇත. එහෙත් දැන් ඔබ වහන්සේ පුරවන තැනැත්තා, ඔබ වහන්සේ ඔසවන බැවින්, මා ඔබ වහන්සේගෙන් පිරී නැති නිසා මම මටම බරක් වෙමි. දුක්ඛිත ප්‍රීතිය ප්‍රීතිමත් ශෝකය සමග අරගල කරයි: එසේ කුමන පාර්ශ්වය ජයග්‍රහණය කරන්නේද යන්න මම නොදනිමි. මට දුක් වේ! ස්වාමින් වහන්ස, මට අනුකම්පා කළ මැනව. මගේ නපුරු දුක මගේ යහපත් ප්‍රීතිය සමග සටන් කරන්නේය; එසේ කුමන පාර්ශ්වය ජයග්‍රහණය කරන්නේද යන්න මම නොදනිමි. මට දුක් වේ! ස්වාමින් වහන්ස, මට අනුකම්පා කළ මැනව. මට දුක් වේ! ස්වාමින් වහන්ස මම මගේ තුවාල නොසඟවන්නෙමි; ඔබ වහන්සේ වෛද්‍යවරයාණන් වහන්සේ වන සේක, මම රෝගියා වෙමි; ඔබ වහන්සේ කාරුණික තැනැන් වහන්සේ වන සේක, මම කාලකන්නි තැනැන්තා වෙමි. මිහිපිට මිනිසාගේ ජීවිතය පරීක්ෂාවක් නොවේද? කරදර සහ දුෂ්කරතාවලට කැමති තැනැත්තා කවරෙක්ද? ඔබ වහන්සේ ඔවුන්ට අණ කරන්නේ ප්‍රේමය ලැබීමට නොව විඳ දරාගැනීමටයි. මන්ද කිසිම මිනිසෙක් තමා විඳ දරාගැනීමට ප්‍රේම කළත්, තමා විඳ දරාගන්නා දේට ප්‍රේම නොකරයි. මන්ද කෙසේ වෙතත් ඔහු විඳ දරාගැනීමට සතුටු වුවද, ඔහුට විඳ දරාගැනීමට කිසිවක් නොතිබුණි නම් වඩාත් සතුටු වනු ඇත. විපත්තියේදී මම සමෘද්ධිය අපේක්ෂා කරමි, සමෘද්ධියේදී මම විපත්තිවලට බිය වෙමි. එසේ නම්, මනුෂ්‍යයාගේ ජීවිතයම පරීක්ෂාවක් නොවන මේ දෙක අතරමැද ඇති මැද තැන කුමක්ද? නැවත නැවතත් විපත්තිවලට බියෙන් හා ප්‍රීතිය දූෂණය වීමෙන් ඇති වන ලෝකයේ සමෘද්ධියට දුක් වේ! නැවත නැවතත්, සහ තුන් වන වරටත්, සෞභාග්‍යය සඳහා ඇති ආශාවෙන් ඇති වන මේ ලෝකයේ විපත්තිවලට දුක් වේ. එයට හේතුව නම් විපත්තියම දුෂ්කර කාරණයක් වන නිසාත්, එය විඳ දරාගැනීම බිඳී යාමට හේතු වන නිසාත්ය! මිහිපිට මිනිසාගේ ජීවිතය කිසිදු විවේකයකින් තොරව ඇති පරීක්ෂාවක් නොවන්නේද?
29 වන පරිච්ඡේදය. සියලු බලාපොරොත්තුව දෙවියන් වහන්සේගේ දයා කරුණාව තුළය.
40. මාගේ සියලු බලාපොරොත්තුව ඇත්තේ ඔබ වහන්සේගේ අතිමහත් දයා කරුණාව මතය. ඔබ වහන්සේ අණ කරන දේ දුන මැනව, ඔබ වහන්සේ කැමති දේ අණ කළ මැනව. ඔබ වහන්සේ අප ස්වයං පාලනයට යොමු කරන සේක; කෙසේ වෙතත්, මා එය ඒත්තු ගත් කල, දෙවියන් වහන්සේ මට එය දුනහොත් මිස, මට එය නොලැබිය හැකි බව මම තේරුම් ගතිමි, යයි කෙනෙක් පවසති. … එය කවරෙකුගේ ත්‍යාගයක්ද යන්න දැනගැනීම පවා ප්‍රඥාවෙහි කොටසක් විය. ප්‍රඥාව 8.21 මන්ද අප බොහෝ දෙනෙකු ලෙස විසිරී සිටි විට, ස්වයං පාලනයෙන් අප බඳිනු ලැබ එක්කෙනෙකු බවට ගෙනැවිත් ඇත. මන්ද, ඔබ වහන්සේට ආදරය නොකරන තැනැත්තා, ඔබ වහන්සේ සමග තිබෙන ඕනෑම දෙයකට ප්‍රේම කරන ඔහු ඔබ වහන්සේට ප්‍රේම කරන්නේ ඉතා අඩුවෙනි. සදාකාලයටම දැල්වෙන ප්‍රේමය වන තැනැන් වහන්ස, ඔබ වහන්සේ කිසිදිනක නොනිවෙන සේක! මාගේ දෙවියන් වහන්සේ වන ප්‍රේමය, මා දැල්වුව මැනව! ඔබ වහන්සේ ස්වයං පාලනයට අණ කරන සේකඔබ වහන්සේ අණ කරන දෙය මට දුන මැනව, ඔබ වහන්සේ කැමති දේ අණ කළ මැනව.
30 වන පරිච්ඡේදය. ඉවත් කරනු ලැබීමට ඔහු කැමති සිහිනවල විකෘති රූප.
41. සැබැවින්ම, මෙට මාංසයේ තෘෂ්ණාවෙන්ද, ඇස්වල තෘෂ්ණාවෙන්ද, ජීවිතයේ උඩඟුකමෙන්ද ස්වයං පාලනයකට යොමු වන ලෙස ඔබ වහන්සේ අණ කරන සේක. ඔබ වහන්සේ විවාහයට සීමා වී උපභාර්යාවන්ගෙන් වැළකී සිටීමට මට අණ කළ සේක. ඔබ වහන්සේ අවසර දී ඇති දෙයට වඩා යහපත් දෙයක් උදෙසා ඔබ වහන්සේ උපදෙස් දී ඇති සේක. එසේ ඔබ වහන්සේ එය දුන් බැවින්, මා ඔබේ සක්‍රමේන්තුව බෙදාහරින්නෙකු වීමට පෙර එය සිදු කරන ලදී. එහෙත් තවමත් මගේ මතකයේ – මම බොහෝ දේ කතා කර ඇති – එහි සවි කර ඇති මගේ නරක පුරුද්ද වැනි දේවල රූප රැඳී තිබේ. මා අවදිව සිටින විට ශක්තියක් නැති වූවත්, මේවා මගේ මනසට වේගයෙන් පැමිණෙයි, එහෙත් නින්දේදී, ඒවා එසේ පැමිණෙන්නේ සතුට ලබා දීමට පමණක් නොව, කැමැත්ත ලබා ගැනීමට සහ යථාර්ථයට බොහෝ දුරට සමාන දේ ලබා ගැනීමට උදෙසාය. ඔව්, එවන් වූ දුරකට මගේ ආත්මයේ සහ මගේ මාංසයේ රූපයේ මායාව මෙතෙක් පවතී, අවදි වන විට සත්‍යයට කළ නොහැකි දේ පිළිබඳ නිදා සිටින විට බොරුව මා ඒත්තු ගන්වයි. මාගේ දෙවියන් වහන්සේ වන ස්වාමින් වහන්ස, ඒ මොහොතේ නම් මම මා නොවන්නෙම්ද? එසේ වුවද, මා අවදියෙන් සිට නින්දට යන කල හෝ නින්දෙහි සිට අවදි වන ඒ මොහොත තුළ මා සහ මා අතර විශාල වූ වෙනසක් තිබේ! එසේ නම්, අවදියෙන් සිටින කල එවැනි යෝජනාවලට විරුද්ධ වන හේතුව ඇත්තේ කොහිද? තවද, ඒ දේවල් කිරීමට ඒවා බල කළහොත්, මම නොසැලී සිටිමි. එය මාගේ ඇස්වලින් වැසී තිබේද? නොඑසේ නම් එය ශරීරයේ ඉන්ද්‍රියයන් සමග නින්දට ගොස් තිබේද? එහෙත් නින්දේදී පවා අප බොහෝ විට විරුද්ධ වන, අපගේ මනසෙහි හිතාමතාම රඳවා තබාගෙන සිටිමින්, වඩාත් නිර්මලව එහි රැඳී සිටීමෙන්ද, එවැනි පෙලඹවීම්වලට කිසිදු අනුමැතියක් ලබා නොදෙන දේ සිදු වන්නේ කොතැනින්ද? එසේ වුවද, එය වෙනත් ආකාරයකින් සිදු වූ විට, අ‍ෙ අවදි වූ විට හෘදයසාක්ෂියේ සාමයට නැවත පැමිණීමෙහි විශාල වූ වෙනසක් තිබේ. එසේ මෙම වෙනස මගින්ම එය අප කළ දෙයක් නොවන බවට අපි සොයා ගන්නෙමු. එසේම එය යම් ආකාරයකින් අප තුළ සිදු වූ බව සම්බන්ධයෙන් අපි කනගාටු වෙමු.
42. සර්වබලධාරී දෙවියන් වහන්ස, මාගේ ආත්මයේ සියලු රෝග සුව කිරීමට ඔබ වහන්සේගේ හස්තය සහ මාගේ නින්දේ අපිරිසිදු චලනයන් පවා නිවා දැමීමට ඔබ වහන්සේගේ වඩාත් බහුල කරුණා අනුග්‍රහය බලවත් නොවේද! ස්වාමින් වහන්ස, ඔබ වහන්සේ මා තුළ ඔබ වහන්සේ දීමනා වඩ වඩාත් වැඩි කරන සේක. ඒ කාම තෘෂ්ණාවේ දැලෙන් මා මිදී මාගේ ආත්මය ඔබ වහන්සේ අනුගමනය කරන පිණිසය. එසේම එය තමාට විරුද්ධව කැරලි නොගසන පිණිසය, සිහිනවලදී පවා, ඉන්ද්‍රිය රූප හරහා, එම දූෂණයේ විකෘති කිරීම්, මාංසය දූෂණය කිරීමට පවා සිදු නොකරන පිණිසය. එහෙත් එය ඒවාට එකඟ වීමට පවා ඉඩ නොදේ. මන්ද අප ඉල්ලන හෝ සිතන දේවලට ඉහළින් කිරීමට හැකියාව ඇති මහෝත්තම දෙවියන් වහන්සේට එය මහත් දෙයක් නොවේය. එපීස 3.20 එනම් එවැනි බලපෑමක් ඇති නොවන සේ වෙනස් කිරීම – එහි ලකුණකින් හෝ සුළුවෙන් හෝ බාධාවක් නොවීම – එයින් නිදා සිටින කෙනෙකුගේ පවා නිර්මල සෙනෙහස තෘප්තියට පත් කළ යුතුය. එසේ එය මේ ජීවිතයේදී පමණක් නොව, මගේ වර්තමාන වයසේදී පවා සිදු වේ. එහෙත් මා තවමත් මේ මගේ අසනීප විශේෂයේ සිටින්නේ කුමක් සඳහාද යන්න මම මගේ යහපත් ස්වාමින් වහන්සේට පාපොච්චාරණය කළෙමි; ඔබ වහන්සේ මට දුන් දෙය ගැන වෙව්ලීමෙන් යුක්තව ප්‍රීති වෙමින්, මා තවමත් අසම්පූර්ණව සිටින නිසා ඒ ගැන වැලපෙමින්; මරණය ජයග්‍රහණයෙන් ගිලගත් විට, 1 කොරින්ති 15:54 ඇතුළත හා පිටත ඇති දේ දෙකම ඔබ වහන්සේ සමග ඇති සාමයේ පූර්ණත්වය දක්වා ඔබ වහන්සේ ඔබ වහන්සේගේ දයා කරුණාව මා තුළ පරිපූර්ණ කරනු ඇතැයි විශ්වාස කරමින් සිටිමි.
31 වන පරිච්ඡේදය. මාංසයේ තෘෂ්ණාවේ පෙලඹවීම් ගැන කතා කිරීම, කෑමට සහ බීමට ඇති ආශාව සම්බන්ධයෙන් ඔහු මුලින්ම පැමිණිලි කරයි.
43. තවද මට එය ප්‍රමාණවත් නම් දවසේ තවත් නපුරක් ඇත. මතෙව් 6.34 මන්ද, ඔබ වහන්සේ ආහාර සහ බඩ යන දෙකම විනාශ කරන තෙක්, කමින් බොමින් අපි අපගේ ශරීරයේ දෛනික දිරාපත්වීම් අලුත්වැඩියා කරන්නෙමු. එවිට ඔබ වහන්සේ මගේ හිස් බව පුදුමාකාර පූර්ණත්වයකින් නසා, මෙම දිරන සුලු දේ සදාකාලික නොදිරන සුලු බවින් පලඳන සේක. 1 කොරින්ති 15.54 එහෙත් දැන් අවශ්‍යතාවය මට මිහිරිය. එසේ එය මා අල්ලා නොගන්නා පිණිස මිහිරි රසයට විරුද්ධව මම සටන් කරන්නෙමි. එසේ බොහෝ විට මගේ ශරීරය යටත් කර ගනිමින් මම නිරාහාරව සිටීම මගින් දෛනික යුද්ධයක් පවත්වා ගෙන යන්නෙමි, 1 කොරින්ති 9.27 එසේ මාගේ වේදනා තෘප්තිය මගින් පහවන්නේය. මන්ද බඩගින්න සහ පිපාසය යම් ආකාර වේදනාවකි; පෝෂණයේ ඖෂධය අපගේ පිහිටට නොපැමිණෙන්නේ නම්, ඒවා උණ මෙන් අප දවා විනාශ කර දමයි. භූමිය, ජලය සහ වාතය අපගේ දුර්වලතාවයට සේවය කරන ඔබ වහන්සේගේ ත්‍යාගවල සැනසීම තුළින් එය අප සමීපයේ ඇති බැවින් අපගේ විපත තෘප්තිය ලෙස හැඳින්වේ.
44. මා ආහාර ඖෂධයක් ලෙස ගැනීමට මාම ගෙන ආ යුතු බව ඔබ වහන්සේ මට උගන්වා ඇති සේක. එහෙත් මා අවශ්‍යතාවයේ නොසන්සුන්තාවයෙන් සංතෘප්තියේ සන්සුන්භාවය දක්වා ගමන් කරන කාලය තුළ, එම කාලය තුළ පවා එම උගුලේ දැල මා ඇද ගැනීමට බලා සිටියි. මන්ද, එම කාලයම සතුටක් වන අතර, අවශ්‍යතාවය අපට සමත් වීමට බල කිරීම හැර එයින් ගැලවීමට වෙනත් මාර්ගයක් එහි නොමැත. සෞඛ්‍ය සම්පන්න බවට ආහාර ගැනීම සහ බීම හේතුව වන අතර, අතින් සකස් කරන ලද භයානක ප්‍රීතියක් ලෙස එය අත්වැල් බැඳගනියි. සෞඛ්‍ය සම්පන්න බව වෙනුවෙන් මා ඇය වෙනුවෙන් මා කරන කියන දේ හෝ කිරීමට කැමති දේ හෝ කරන පිණිස එය බොහෝ දුරට එයට පෙර යාමට උත්සහා කරයි. ඒ දෙකටම එකම සීමාවක් ඇත්තේ නැත; මන්ද සෞඛ්‍ය සම්පන්න බවට ප්‍රමාණවත් දේ සතුට ලැබීමට ඉතා අල්ප වන බැවිනි. බොහෝ විට එය තවමත් පෝෂණය ඉල්ලා සිටින ශරීරයට අවශ්‍ය රැකවරණයද, නැතහොත් ආශාවේ සංවේදී උගුලක් එහි සේවය ලබා දෙනවාද යන්න සැක සහිතය. මෙම අවිනිශ්චිතතාවය තුළ මගේ අසතුටුදායක ආත්මය ප්‍රීති වෙයි, එසේම එය ආරක්ෂාවක් ලෙස නිදහසට කරුණක් සූදානම් කරයි, එය සෞඛ්‍ය සම්පන්න බවේ මධ්‍යස්ථභාවය සඳහා ප්‍රමාණවත් පරිදි පෙන්නුම් නොවීම ගැන සතුටු වෙයි, එබැවින් සෞඛ්‍ය සම්පන්න බව යන මුවාවෙන් එය විනෝදාස්වාදයේ කටයුත්ත සැඟවිය හැකි වන බැවිනි. මෙම පෙලඹවීම්වලට එරෙහි වීමට මම දිනපතා උත්සාහ කරමි, මම ඔබ වහන්සේගේ දකුණත මගේ උදව්වට කැඳවමි, එසේ මගේ උද්යෝගය ඔබ වහන්සේ වෙත යොමු කරමි, මන්ද තවමත් මට මේ කාරණය සම්බන්ධයෙන් විසඳුමක් නොමැති බැවිනි.
45. අධික කෑදරමෙන්ද බීමත්කමෙන්ද මේ ජීවිතයේ වෙහෙසින්ද නුඹලාගේ සිත් බර නොවන හැටියට බලාගන්න, ලූක් 21.34 යනුවෙන් මාගේ දෙවියන් වහන්සේ අණ කරන හඬ මට ඇසේ. බේබදුකම මගෙන් දුරස්ය; එය මා ළඟට නොපැමිණෙන ලෙස ඔබ වහන්සේ දයා කරුණාව දක්වන සේක. එහෙත් සමහර විට කෑදරකම ඔබ වහන්සේගේ සේවකයා මත රිංගා ගනියි. එය මගෙන් දුරස් වන පිණිස ඔබ වහන්සේ දයාව දක්වන සේක. මන්ද ඔබ වහන්සේ එය ලබා දුනහොත් මිස කිසිවෙකුට ස්වයං පාලනයක් කරගත නොහැකිය. ඔබ වහන්සේ අප යාච්ඤා කර ඉල්ලන බොහෝ දේ අපට ලබා දෙන සේක, එසේම අප යාච්ඤා කිරීමට පෙර අපට ලැබුණු යහපත් දේ ඔබ වහන්සේගෙන් අපට ලැබී ඇත. එයට හේතුව එම දේ ඔබ වහන්සේගෙන් ලැබුණු බව පසුව අප දැනගන්නා පිණිසය. මම කිසි විටෙකත් බේබද්දෙකු වි නොසිටියෙමි, එහෙත් ඔබ වහන්සේ විසින් බේබද්දන් සන්සුන් මිනිසුන් බවට පත් කරන ලද බව මම දැන සිටියෙමි. එසේ නම්, ඔබ වහන්සේ එසේ කළේ, කිසිදා එසේ නොවූ අය එසේ නොවන්නටය, ඔබ වහන්සේගෙන් පැමිණෙන දෙයක් නිසා, මීට පෙර එසේ සිටි අය සැම විටම එසේ නොසිටිනු ඇත. එසේම ඔබ වහන්සේ කෙරෙන් එය පැමිණි දෙදෙනාම දැනගන්නා පිණිසය. මට ඔබ වහන්සේගේ තවත් හඬක් ඇසුණි, එනම් ඔබේ ආශාවන් පසුපස නොයන්න, එහෙත් ඔබ තෘෂ්ණාවලින් වළකින්න. සිරාක් 18:30 තවද, ඔබ වහන්සේගේ කරුණා අනුග්‍රහයෙන්, මා ඉතා ප්‍රිය කරන මේ කියමනද මම අසා ඇත්තෙමි. කෑම නිසා අප වඩා හොඳ අය වන්නේ හෝ අප නොකන නිසා අප වඩා නරක අය වන්නේ නැත. 1 කොරින්ති 8:8 එනම්, එක් දෙයක් මගින් මා උසස් වීමටවත්, අනෙක මගින් මා කාලකන්නි වීමටවත් නොසලසන බවය. මට තවත් හඬක්ද ඇසිණි, මන්ද මා කුමන තත්වයක සිටියත්, එයින් තෘප්තිමත් වීමට, මම ඉගෙනගෙන සිටිමි, මම පහත්ව සිටින්ට දනිමි. එසේම උසස්ව සිටින්ටද දනිමි … මා ශක්තිමත් කරන ක්‍රිස්තුස් වහන්සේ තුළින් මට සියල්ල කළ හැකිය. පිලිප්පි 4:11-14 මෙන්න! ස්වර්ගීය කඳවුරේ සොල්දාදුවෙකි – අප මෙන් දූවිලි නොවේය එහෙත් මතක තබා ගන්න, ස්වාමින් වහන්ස, අප දූවිලි බවත්, ඔබ වහන්සේ මිනිසා දූවිලිවලින් නිර්මාණය කළ බවත් සිහි කළ මැනව; උත්පත්ති 3:19 ඔහු නැති වී සිට නැවත සම්බ විය. ලූක් 15:32 ඔහුට මේ දේවල් ඔහුගේම බලයෙන් සිදු කල නොහැකිය. මා ඉතා ආදරය කරන තැනැත්තා දැක, ඔබ වහන්සේගේ ආනුභාවයෙන් මේ දේවල් කී තැනැත්තාද එම දුවිල්ලෙන්ම මවනු ලැබ ඇත. මා බලවත් කරන්නා වු උන් වහන්සේ තුළින් මට සියල්ල කළ හැකි බව ඔහු පවසයි. පිලිප්පි 4:13 මට හැකි වන පිණිස මා ශක්තිමත් කළ මැනව. ඔබ වහන්සේ අණ කරන දේ ලබා දුන මැනව, ඔබ වහන්සේ කැමති දේ අණ කළ මැනව. ඔහු ලැබූ දේ පිළිබඳ ප්‍රකාශ කරන්නේය. ඔහු ගරුකම් කියන කල ඔහු ස්වාමින් වහන්සේ තුළ ගරුකම් කියාගනියි. 1 කොරින්ති 1:31 තවත් කෙනෙකු ඔහුට ලැබෙන පිණිස කන්නලව් කරනු මට ඇසී ඇත. – මගේ බඩේ කෑදරකම මගෙන් ඉවත් කල මැනව. සිරාක් 23:6 එහි පෙනෙන ආකාරයට, මාගේ ශුද්ධ වූ දෙවියන් වහන්ස, ඔබ වහන්සේ කරන ලෙස අණ කළ දේ ඉටු වූ විට ඔබ වහන්සේ ලබා දෙන සේක.
46. යහපත් පියාණන් වහන්ස, පවිත්‍ර අයට සියල්ල පවිත්‍ර බව ඔබ වහන්සේ මට උගන්වා ඇති සේක. තීතස් 1:15 එහෙත් අමනාපයෙන් කන මිනිසාට එය නපුරකි. රෝම 14:20 එසේම ඔබ වහන්සේගේ සෑම මැවිල්ලක්ම යහපත්ය, ස්තුති දීමෙන් යුක්තව එය පිළිගන්නේ නම්, ප්‍රතික්ෂේප කළ යුතු කිසිවක් නැත. 1 තිමෝති 4:4 එසේම එම මස් දෙවියන් වහන්සේ පිලිබඳ නොව අප පිළිබඳ දක්වයි; 1 කොරින්ති 8:8 එසේ කිසිම මිනිසෙකෙු මස් සම්බන්ධයෙන් හෝ බීම සම්බන්ධයෙන් හෝ අප විනිශ්චය නොකළ යුතුය. කොලොස්සි 2:16 එමෙන්ම කන තැනැත්තා, නොකන තැනැත්තා හෙළා නොදකීවා. නොකන තැනැත්තා කන තැනැත්තා විනිශ්චය නොකරාවා. රෝම 13:23 මම මේ දේවල් ඉගෙන ගත්තෙමි, මාගේ කන්වලට තට්ටු කර මාගේ සිත පහදවන මාගේ දෙවියන් වහන්ස, ගුරුවරයාණන් වහන්ස, ඔබ වහන්සේට ස්තුතිය හා ප්‍රශංසාව වේවා. සියලු පරීක්ෂාවලින් මා මුදාගත මැනව. මා බිය වන්නේ මස්වල අපිරිසිදුකමට නොව, එහෙත් තෘෂ්ණාවේ අපිරිසිදු බවටයි. කෑමට සුදුසු සෑම වර්ගයකම මස් අනුභව කිරීමට නෝවාට අවසර දී ඇති බව මම දනිමි. උත්පත්ති 9:3 එලියාට මාංසයෙන් පෝෂණය කරන ලද බව; 1 රාජාවලිය 17:6 යොහන්, පුදුමාකාර ලෙස වැළකී සිටීමකින් යුක්තව, ඔහු පෝෂණය ලද ජීවීන් මගින් අපවිත්‍ර නොවූ බව (එනම් පළඟැටියන් මතෙව් 3:4) දනිමි. ඒසව් කොල්ලුවලට තෘෂ්ණාවෙන් රැවටුණු බවද මම දනිමි. උත්පත්ති 25:34 එමෙන්ම ජලයට ආශා කිරීම ගැන දාවිත් තමාටම දොස් පවරාගත් බවත්, 2 සාමුවෙල් 23:15-17 සහ අපගේ රජතුමාණන් වහන්සේ පරීක්ෂා කරනු ලැබුවේ මාංසයෙන් නොව රොටිවලින් බවත් දනිමි. මතෙව් 4:3 තවද පාළුකරයේ සිටි සෙනඟද තරවටු ලැබීමට සුදුස්සන් වූයේ, ඔවුන් මස්වලට ආශා වූ නිසා නොව, ආහාර සඳහා ඔවුන්ට තිබූ ආශාව නිසා ඔවුන් ස්වාමින් වහන්සේට විරුද්ධව මැසිවිලි නැඟූ බැවිනි.
47. එසේ නම්, මෙම පෙලඹවීම් මධ්‍යයේ, ආහාර පාන සඳහා ඇති ආශාවට එරෙහිව සිටීමට මම දිනපතා උත්සාහ කරමි. මන්ද, එය මට උපභාර්යාවන් සමග කළ හැකි වූවාක් මෙන්, එය එක් වරක් කපා හැර, පසුව එය ස්පර්ශ නොකිරීමට අධිෂ්ඨාන කර ගැනීමට හැකි වන ආකාරයේ ස්වභාවයක් නොවේය. එම නිසා, උගුරේ වළල්ල, ලිහිල් හා තද ගතිය මැද තබා ගත යුතුව ඇත. තවද, ස්වාමින් වහන්ස, යම් ප්‍රමාණයකින් හෝ අවශ්‍යතාවන්ගේ සීමාවෙන් ඔබ්බට ගෙන යන්නේ නැතිව සිටින්නේ කවරෙක්ද? ඔහු කවුරුන් වූවත්, ඔහු ශ්‍රේෂ්ඨ අයෙකි; ඔහු ඔබ වහන්සේගේ නාමයට ප්‍රශංසා කරාවා. එහෙත් මා පව්කාර මිනිසෙකු බැවින් මම එවැනි අයෙකු නොවෙමි. ලූක් 5:8 එහෙත් මම ඔබ වහන්සේගේ නාමය මහිමයට පත් කරන්නෙමි. එසේම ලෝකය ජයගත් තැනැන් වහන්සේ යොහන් 16:33 මාගේ පව් වෙනුවෙන් ඔබ වහන්සේ වෙත මැදහත්කම් කරන සේක, රෝම 8:34 උන් වහන්සේගේ ශරීරයේ දුර්වල අවයවයන් අතරට මා ගණන් ගන්නා සේක, 1 කොරින්ති 12:22 මන්ද ඔබ වහන්සේගේ ඇස් ඔහු තුළ ඇති අසම්පූර්ණකම දැක ඇත. එසේම ඔබ වහන්සේගේ පොතේ සියල්ලම ලියා ඇත.
32. වන පරිච්ඡේදය. වඩාත් පහසුවෙන් ජයගත හැකි සුවඳ විලවුන්වල ආකර්ෂණය.
48. සුගන්ධ ද්‍රව්‍යවල ආකර්ෂණයන්ගෙන් මම බොහෝ කරදරයට පත් නොවෙමි. ඒවා නැති විට මම ඒවා නොසොයන්නෙමි; ඒවා ඇති විට මම ඒවා ප්‍රතික්ෂේප නොකරමි. ඒවා නොමැතිව සිටීමට සැමවිටම මම සූදානම්ව සිටිමි. ඕනෑම අවස්ථාවක, මම මා සිටින ආකාරයෙන්ම පෙනී සිටිමි; සමහර විට මා රැවටී තිබෙන්නට පුළුවන. මන්ද, එයද දුක්ඛිත අන්ධකාරයකි, එහි මා තුළ ඇති මගේ හැකියාව සැඟවී ඇත, එවිට මගේ මනස, ඇගේම බලතල ගැන ඇය ගැනම විමසා බලන විට, තමාටම ණය වීමට ඉක්මන් නොවන්නේය. මන්ද, අත්දැකීම එය එළිදරව් නොකළහොත්, දැනටමත් එහි ඇති දේ බොහෝ දුරට එහි ඇති බැවින් සහ බොහෝ කොටස් සඟවනු ලැබ ඇති බැවිනි. තවද කිසිම මිනිසෙකුට මේ ජීවිතයේ සුරක්ෂිත බවක් දැනිය යුතු නැත, එහි සමස්තය පරීක්ෂාවක් ලෙස හැඳින්වේ, ඔහු නරක දෙයින් යහපත් දෙයකට හැරවිය හැකි අතර, යහපත් දෙයින් නරක අතට හැරිය නොහැකිය. අපගේ එකම බලාපොරොත්තුව, අපගේ එකම විශ්වාසය, අපගේ එකම සහතික පොරොන්දුව, ඔබ වහන්සේගේ දයා කරුණාවයි.
33 වන පරිච්ඡේදය. ඔහු දේවස්ථානයේදී ගායනා කළ දෙයෙහි අන්තර්ගතයෙන් නොව, ගීතයෙන් ඔහු නිතර සතුටට පත් වුවද, ඔහු කන පිනවීමෙන් ජය ගත්තේය.
49. කන පිනවීම වඩාත් බලවත් ලෙස මා යටපත් කර ජය ගෙන ඇත, එහෙත් ඔබ වහන්සේ මා මුදා හැර නිදහස් කළ සේක. දැන්, ඔබ වහන්සේගේ වචනවලින් ආත්මය ආශ්වාස කරන වාතය තුළ, මිහිරි සහ පුහුණු වූ කටහඬකින් ගායනා කරන විට, මම තරමක් විවේක ගන්නෙමි; එහෙත්, ඒවාට ඇලී ගැලී සිටීමට නොව, මා කැමති විටක මා නිදහස් කර ගැනීම පිණිසය. එහෙත්, ඔවුන්ගේ ජීවිතය වන වචන, ඒවා මා තුළට ඇතුළු වන පිණිස, මගේ හදවතේ යම් ගෞරවනීය ස්ථානයක් ලබා ගැනීමට උත්සාහ කරයි. එසේ මට ඒවාට ගැළපෙන ස්ථානයක් පැවරිය නොහැකිය. සමහර විට මම ඒවාට සුදුසු ස්ථානයට වඩා වැඩි ගෞරවයක් ලබා දීමට පෙනී සිටිමි. එයට හේතුව එම ශුද්ධ වූ වචන එසේ ගායනා කරන විට, ඒවා ගායනා නොකරන විට වඩා, අපගේ මනස භක්තිවන්ත බවින් සහ උනන්දුවෙන් යුතුව දැහැමි ගිනි දැල්ලකට ඔසවනු ලබන බව මට වැටහෙන නිසාය; එසේම අපගේ ආත්මයේ සියලු සෙනෙහස, ඔවුන්ගේම විවිධත්වය අනුව, කටහඬ සහ ගායනය තුළ ඒවාට සුදුසු මිනුම් ඇති බව, ඔවුන් කුමන රහසිගත සම්බන්ධතාවයක් උත්තේජනය කරන්නේදැයි මා නොදන්නා නිසාය. එහෙත් ඉන්ද්‍රිය ඉවසීමෙන් ඇයව අනුගමනය කිරීමට තරම් හේතුවක් මත නොපැමිණෙන අතර, කිසි විටෙකත් උද්වේගකර වීමට සිත නොදිය යුතු මගේ මාංසයේ තෘප්තිය බොහෝ විට මා රවටා ගනී. එහෙත් ඇය වෙනුවෙන් පමණක් ප්‍රවේශය ලබා ගත් එය ඇය ඉදිරියෙහි දුව ගොස් ඇගේ නායකයා වීමට පවා උත්සාහ කරයි. මෙසේ මේ කාරණාවලදී මම නොදැනුවත්වම පව් කරමි, එහෙත් පසුව මම එය දැනගනිමි.
50. වෙනත් අවස්ථාවලදී, ඕනෑවට වඩා උනන්දුවෙන් මෙම රැවටිල්ලෙන්ම වැළකී සිටිමින්, මම ඉතා දැඩි ලෙස වරදවා වටහා ගනිමි; එසේම සමහර විට එම මට්ටමට, දාවිත්ගේ ගීතිකා සඳහා භාවිත කරන මිහිරි සංගීතයේ සමස්ත පද නිර්මාණය මගේ කන්වලින් සහ සභාවෙන්ද දුරු වේවා; එම ආකාරය මට වඩා ආරක්ෂිත බව පෙනේ, ඇලෙක්සැන්ඩ්‍රියාවේ රදගුරු ඇතනේසියස්තුමාගේ වචන බොහෝ විට සම්බන්ධ වූ බව මට මතක ඇත. එනම් ඔහු ගීතාවලිය කියවන්නාට එය ගායනා කිරීමට වඩා කතා කිරීමට සමාන වන තරමට සියුම් කටහඬකින් එය උච්චාරණය කිරීමට බැඳී සිටියේය. කෙසේ වෙතත්, මගේ යථා තත්ත්වයට පත් වූ ඇදහිල්ලේ ආරම්භයේදී ඔබ වහන්සේගේ සභාවේදී ඇසුණු ගීතිකාවලින් මා වැගිරූ කඳුළු මා සිහිපත් කරන විට; එසේම දැන් පවා මා ඒවා පැහැදිලි කටහඬකින් සහ වඩාත් සුදුසු පුහුණු කරන ලද එකකින් ගායනා කරන විට ගායනයෙන් මිස ගායනා කරන දේවලින් මගේ හදවත වෙනස් වන්නේ නැති බව සිහි කරන කල, මම මේ චාරිත්‍රයේ විශිෂ්ට ප්‍රයෝජනය පිළිගනිමි. මේ අනුව, මම තෘප්තියේ භයානක බව සහ විශ්වසනීය බව අතර චලනය වෙමි; එහිදී (මේ විෂය සම්බන්ධයෙන් අවසන් මතයක් මා ප්‍රකාශ නොකරන නමුත්) සභාවේ ගායනය භාවිත කිරීම අනුමත කිරීමට වඩා නැඹුරු වීම, කනෙහි සතුට මගින් දුර්වල මනස භක්ති රාමුවකට උත්තේජනය කළ හැකිය. එහෙත්, ගායනා කරන ලද වචනවලට වඩා කටහඬින් වඩාත් සංවේදී වීම මට සිදු වූ විට, මම අපරාධමය වශයෙන් පව් කළ බවට පාපොච්චාරණය කරමි. එයට පසුව සංගීතය නොඇසුණා නම් මට වඩාත් හොඳය. දැන් මා සිටින තත්වය බලන්න! ඔබගේ අභ්‍යන්තර හැඟීම් පාලනය කරන ඔබට යහපත් ප්‍රතිඵල උදා වේ. ඔබ මා සමග අඬන්න, මා වෙනුවෙන් අඬන්න. එවන් ආකාරයට ක්‍රියා නොකරන ඔබට, මේ දේවල් ඔබට අදාළ නොවේ. එහෙත්, මාගේ දෙවියන් වහන්සේ වන ස්වාමින් වහන්ස, ඔබ වහන්සේ සවන් දෙන සේක, බලන සේක, දකින සේක, එසේම මා කෙරෙහි දයානුකම්පාවෙන් සිටින සේක, මා සුව කරන සේක. ඔබ වහන්සේ ඉදිරියෙහි මම මටම ගැටලුවක් වී සිටිමි. එය මාගේ දුර්වලතාවයි.
34 වන පරිච්ඡේදය. ඇස්වල ඉතා භයානක ආකර්ෂණයන් පිළිබඳ; රූපයේ අලංකාරය නිසා, මැවුම්කරුවාණන් වහන්සේ වන දෙවියන් වහන්සේට ප්‍රශංසා කළ යුතු බව.
51. ඔබ වහන්සේගේ මාලිගාවේ කන්වලට සවන් දීම සඳහා මගේ පාපොච්චාරණය කිරීමට මගේ මාංසයේ මේ ඇස්වල සතුට ඉතිරිව පවතී. එම සහෝදරත්වයේ සහ භක්තිමත් කන්; සහ මාංසයේ තෘෂ්ණාවේ පරීක්ෂාවන් අවසන් කිරීම සඳහා, 1 යොහන් 16 එය තවමත් මට පහර දෙමින්, ස්වර්ගයේ සිට මගේ නිවස පැලඳීමට දැඩි ලෙස කෙඳිරිගාමින් සහ ආශාවෙන් සිටියි. 2 කොරින්ති 5.2 ඇස් සාධාරණ සහ විවිධ ස්වරූපවලට සහ දීප්තිමත් සහ මෘදු වර්ණවලට ප්‍රේම කරයි. මේවා මාගේ ආත්මය අල්ලා ගැනිමට ඉඩ නොහැරිය මැනව; ඒ වෙනුවට, ඇත්තෙන්ම මේ දේවල් ඉතා යහපත් ලෙස සෑදූ දෙවියන් වහන්සේට එය අල්ලා ගැනීමට ඉඩ දෙන්න, උත්පත්ති 1.31 එසේ වුවත් මේවා නොව උන් වහන්සේ මගේ යහපත්කම වන සේක. අවදිව සිටින දහවල් කාලයේදි මේවා මට බලපායි, මුළු දවසම, ඒවාවලින් එනම් සංගීතමය හඬවල්, සමහර විට නිහඬව, සියලු දෙයින් මට විවේකයක් ලබා නොදෙයි. මන්ද වර්ණවල රැජින, අප දකින සියල්ල කෙරෙහි විහිදෙන ආලෝකය, මා දවස පුරා කොතැනක සිටියත්, විවිධ ස්වරූපවලින් මා අසලින් ලිස්සා යයි, වෙනත් දේවල යෙදී කාර්යබහුලව සිටින විට, එය නොදැනුවත්වම මා සනසයි. එය කෙතරම් තදින් ඇලී තිබේද යත්, එය හදිසියේ ඉවත් වුවහොත්, එය ආශාවෙන් සොයා යන අතර, එහි දිගු කාලීනව නොපැමිණේ නම්, මනස දුකට පත් වේ.
52. තෝබියස්, ඔහු තම ඇස් වසාගත් විට දුටු ආලෝකය වන ස්වාමින් වහන්ස, ඔහු තම පුතාට ජීවනයේ මාර්ගය ඉගැන්වීය; කිසිදා මංමුළා නොවී ප්‍රේමයේ මග ගමන් කරමින් ඔහු එසේ කළේය. එසේත් නැතිනම් ඊසාක් ඔහුගේ මහලු විය නිසා, තම මාංසමය දෑස් අඳුරු වී ඔහුට දැකීමට නොහැකි වූ කල, උත්පත්ති 27.1 ඔහු නොදැනුවත්ව ඔහුගේ පුතුන්ට ආශීර්වාද කිරීමට නොව, එහෙත් ඔවුන් දැන ගැනීම පිණිස ආශීර්වාද කිරීමට ඔහුට අවසර ලැබිණි. එසේත් නැතිනම් යාකොබ් ඔහුගේ මහලු වියේදී අන්ධව, දීප්තිමත් හදවතකින්, ඔහුගේ පුතුන්ගේ පුද්ගලයන් තුළ එය දුටු විට, අනාගත මිනිසුන්ගේ විවිධ ජාතීන්ට ආලෝකය විහිදුවීය, ඔවුන්ට කලින්ම විශේෂිත දේවලින් ආශීර්වාද කළේයඓසේම යෝසෙප් තම මුණුබුරන් මත තම දෑත් තැබූ විට අබිරහස්මය ලෙස අත් මාරු කර තැබීය. එහිදී තම පියා මෙන් බාහිර වශයෙන් බලා නොව, ඔහුම ඔවුන් වෙන් කොට හඳුනාගෙන එය නිවැරදි කළේය. උත්පත්ති 48.13-19 මෙය ආලෝකයයි, එකම ආලෝකයයි. එය දකින සහ එයට ප්‍රේම කරන සියල්ලෝම එක්කෙනෙකි. එහෙත් මා කතා කරමින් සිටි එම භෞතික ආලෝකය වූ කලිඇගේ අන්ධ පෙම්වතුන් සඳහා ජීවිතයේ ඍතු, පෙලඹවීම් හා මාරාන්තික මිහිරි බවකින් යුක්ත වේ. එහෙත් දෙවියන් වහන්ස, ලෝකයේ ශ්‍රේෂ්ඨතම ගෘහ නිර්මාණ ශිල්පියාණෙනි, ඒ ගැන ඔබ වහන්සේට ප්‍රශංසා කරන්නේ කෙසේද යන්න දන්නා අය, එය ඔබ වහන්සේගේ ගීතිකාවෙන් රැගෙන යනවා මිස ඔවුන්ගේ නින්දේදී එය රැගන නොයති. මම එවන් වූ අයෙකු වීමට කැමැත්තෙමි. ඔබ වහන්සේගේ මාර්ගයෙහි මා ඉදිරියට යන මගේ පාද පැටලෙන්නේ නැති වන පිණිස, මම ඇස්වල රැවටීම්වලට විරුද්ධ වෙමි. මාගේ පාද දැලෙන් උදුරා ගැනීමට ඔබ වහන්සේ සතුටු වන පිණිස මම ඔබ වහන්සේ වෙත මාගේ නොපෙනෙන ඇස් ඔසවන්නෙමි. ඒවා උගුලට හසු වී ඇති බැවින් ඔබ වහන්සේ ඒවා නොකඩවා උදුරා දමන සේක. ඔබ වහන්සේ ඔවුන් උදුරා ගැනීම කිසි විටකත් නතර නොකරන සේක. එහෙත් මම, මා වටා අටවා ඇති උගුල්වල නිරතුරුවම රැඳී සිටිමි. මන්ද ඉශ්‍රායෙල් පාලනය කරන ඔබ වහන්සේ නිදියන්නේවත්, නිදිමත වන්නේවත් නැත.
53. අපගේ ඇඟලුම්, සපත්තු, භාජන උපකරණ සහ සෑම ආකාරයකම වැඩවල, පින්තූරවල පවා, විවිධ රූපවලද, විවිධ කලාවන් සහ නිෂ්පාදන ආයතනවලින් සාදන ලද කෙතරම් අසංඛ්‍යාත දේවල් තිබේද? මේවා මේවා අත්‍යවශ්‍ය සහ මධ්‍යස්ථ භාවිතය සහ ශුද්ධ සලකුණ ඉක්මවා යයි. එයින් ඇස් ආකර්ෂණය කර ගැනීම සඳහා මිනිසුන් එකතු කරයි; එහිදී ඔවුහු ඔවුන් විසින් සාදන ලද දේ පිටතින් අනුගමනය කරමින්, ඔවුන් සාදන ලද තැනැන් වහන්සේ ඇතුළතින් අත්හරිමින් ගත කරති. එසේ ඔවුහු ඔවුන් විසින්ම සාදන ලද දේ විනාශ කරති! එහෙත් මගේ දෙවියන් වහන්ස සහ මගේ ප්‍රීතිය වන තැනැන් වහන්ස, මම ඔබ වහන්සේට ගීතිකාවක් ගායනා කර, මා ශුද්ධවත් කර තැනැන් වහන්සේට ප්‍රශංසා පූජාවක් පුද කරන්නෙමි, මන්ද මිනිසුන්ගේ ආත්මයන් තුළින් ඔවුන්ගේ කලාත්මක දෑත්වලට සම්ප්‍රේෂණය වන එම සුන්දර රටාවන්, දිවා රෑ නොබලා මගේ ආත්මය සුසුම්ලමින් සිටින අපගේ ආත්මයට ඉහළින් ඇති එම සුන්දරත්වයේ තැනැන් වහන්සේගෙන් නික්මෙන බැවිනි. එහෙත් එම බාහිර අලංකාරයන් සාදන්නන් සහ ඒවායෙහි අනුගාමිකයන් සම්බන්ධයෙන් ගත් කල, ඔවුන් එතැන් සිට ඒවා අනුමත කිරීමේ මාර්ගය ලබා ගන්නා නමුත් ඔවුහු ඒවා භාවිත නොකරති. ඔවුන් උන් වහන්සේ නොදකින නමුත්, ඔවුන් නොමඟ නොයන පිණිසත්, ඔවුන්ගේ ශක්තිය ඔබ වහන්සේ වෙනුවෙන් තබා ගන්නා පිණිසත්, රසවත් කම්මැලිකම මත එය විසුරුවා නෙහරින් පිණිසත් උන් වහන්සේ එහි සිටින සේක. එසේම මා මෙය කියා එය අවබෝධ කරගත්තද, එවැනි අලංකාරයන්ගෙන් මම මගේ ගමනට බාධා කරගන්නෙමි. එහෙත් ඔබ වහන්සේ මා ගලවා ගන්නා සේක. ස්වාමින් වහන්ස, ඔබ වහන්සේ මා ගලවා ගන්නා සේක. මන්ද ඔබ වහන්සේගේ ප්‍රේමණීය දයා කරුණාව මාගේ ඇස් ඉදිරියෙහි තිබේ. මන්ද මම දුක්ඛිත ලෙස අල්ලාගන්නා ලදුව සිටියෙමි, ඔබ වහන්සේ දයා කරුණාවෙන් මා මුදාගත් සේක. සමහර විට එය තේරුම් නොගෙන, මම පැකිලෙමින් ඒවා වෙත පැමිණ සිටියෙමි. මා ඒවා විසින් තදින් අල්ලාගන්නා ලදුව සිටි නිසා තවත් විටෙක වේදනාවෙන් සිටියෙමි.
35 වන පරිච්ඡේදය. තවත් ආකාරයක පරීක්ෂාව වන්නේ කුතුහලයයි, එය ඇස්වල තෘෂ්ණාවෙන් උත්තේජනය වන්නේය.
54. මෙයට අමතරව තවත් ආකාරයක පරීක්ෂාවක් ඇත්තේය, එය එහි අන්තරාකර බවින් වඩාත් සංකීර්ණ වේ. මන්ද, සියලු ඉන්ද්‍රියයන් සහ තෘප්තිමත් කිරීම තුළ පවතින මාංසයේ කාම තෘෂ්ණාවට අමතරව, ඔබ වහන්සේගෙන් ඈත්ව සිටින එහි වහලුන් විනාශයට පත් වේ. ඒවා ශරීරයේ එකම ඉන්ද්‍රියයන් තුළින් ආත්මයට අදාළ වේ. ඒ මාංසයෙන් සතුටක් ලැබීමට නොව, මාංසයෙන් අත්හදා බැලීම් කිරීමට දැනුම සහ උගත්කම යන නාමයෙන් වසාගත් යම් නිෂ්ඵල හා කුතුහලයෙන් පිරුණු ආශාවක් එහි ඇති බැවිනි. මෙම ආශාව, එය දැනුම උදෙසා වන රුචියකින් හටගන්නා නිසාත්, දැනුම ලබාගැනීමේදී ඉන්ද්‍රියයන් අතර පෙනීම ප්‍රධාන වන නිසාත්, දිව්‍යමය භාෂාවෙන් එය ඇස්වල තෘෂ්ණාව ලෙස හඳුන්වනු ලැබේ. 1 යොහන් 2:16 මන්ද දැකීම නිසි ලෙස ඇස්වලට අයත් වේ. එහෙත් දැනුම සෙවීමේදී අප ඒවා ක්‍රියාත්මක කරන විට, අපි මෙම වචනය වෙනත් ඉන්ද්‍රියයන්ටද අදාළ කරන්නෙමුව. මන්ද, එය බැබළෙන ආකාරය අසන්න, එය දිදුලන ආකාරය සුවඳ බලන්න, එය බබළන ආකාරය රස බලන්න, හෝ එය දැල්වෙන ආකාරය දැනීම ලබන්න යනුවෙන් නොපවසා, මේ සියල්ල පෙනෙන බව කියන බැවිනි. එහෙත් අපි එය බැබළෙන ආකාරය බලන්න, යයි කීමෙන් ඇස්වලට පමණක් එය වටහාගත හැකි බව නොපවසන්නෙමු. එහෙත්, එය ශබ්ද කරන ආකාරය බලන්න, එය සුවඳ දැනෙන ආකාරය බලන්න, එය රස දැනෙන ආකාරය බලන්න, එය කොතරම් දුෂ්කරදැයි බලන්න, යයි අපි අදහස් කරමු. මෙසේ දැකීමේ කාර්යේදී ඇසට ප්‍රමුඛත්වය හිමි වන බැවින්, ඉන්ද්‍රියයන්ගේ සාමාන්‍ය අත්දැකීම ඇස්වල තෘෂ්ණාව ලෙස හැඳින්වේ. ඔවුන් යම් දැනුමක් සොයන ඕනෑම අවස්ථාවකදී විට අනෙකුත් ඉන්ද්‍රියයන් සමානාත්මතාවයෙන් එයට සම්බන්ධ වේ.
55. එහෙත් ඉන්ද්‍රියයන් මගින් තෘප්තිය හා කුතුහලය ලුහුබඳින විට මෙය වඩාත් පැහැදිලිව වෙන් කර වටහාගත හැකිය. මන්ද, අලංකාර, තාලානුකූල, සුවඳවත්, රසවත්, මෘදු වූ වස්තුවලින් තෘප්තිය ගෙන එයි. එහෙත් කුතුහලය, අත්හදා බැලීම් සඳහාය, එය මේවායෙහි ප්‍රතිවිරෝධ තත්වය සොයන්නේය – ඒ අසහනයට පත් වීමේ දෘෂ්ටියකින් නොව, ඒවා අත්හදා බැලීමේ සහ දැනගැනීමේ ආශාවෙනි. මන්ද ඔබ වෙව්ලීමට පත් කරන මස් ඉරී කැඩී ගිය ඉරි තැළුණු මළ සිරුරක, එය දැකීමෙන් ඇති වන සතුට කුමක්ද? එහෙත්, එය සමීපයේ තබා තිබුණහොත් අපි එහි රොක් වෙමු. එහිදී දුකට පත් වීම සහ සුදුමැලි වීම සිදු වේ. නින්දේදී පවා ඔවුන්ට එය පෙනේ යැයි ඔවුහු බිය වෙති. ඒ ඔවුන් අවදිව සිටින විට කවුරුන් හෝ එය බැලීමට යාමට ඔවුන්ට බල කළාක් මෙන් හෝ එහි අලංකාරය පිළිබඳ ඕනෑම වාර්තාවක් ඔවුන් ආකර්ෂණය කර ගත්තාක් මෙනි! එයද අනෙකුත් ඉන්ද්‍රියයන් සමගද අපට ලුහුබැඳීම වෙහෙසකර වූවකි. මෙම කුතුහලයේ ව්‍යාධියෙන් රඟහලේ ප්‍රදර්ශනය වන අරුම පුදුම දර්ශනගත වේ. එබැවින් අපි ස්වභාවධර්මයේ රහස් බලයන් (ඒවා අපගේ අවසානයට පසෙකින් ඇත) සෙවීමට ඉදිරියට යන්නෙමු, ඒවා දැන ගැනීමෙන් ලාභයක් ඇත්තේ නැත. එම නිසා මිනිස්සු දැන ගැනීමට හැරුණුකොට අන් කිසිවකට කැමති නොවෙති. එහෙයින් එම විකෘති වූ දැනුමේ කොටසකින්ම අපි ඉන්ද්‍රජාලික ශාස්ත්‍ර පරිශීලනය කරන්නෙමු. එබැවින්, නැවතත්, ආගම තුළ පවා, කිසිදු ගැලවීමේ අවසානයක් අපේක්ෂා නොකර, එහෙත් පරීක්ෂා කර බැලීම උදෙසා පමණක් ලකුණු සහ අරුමපුදුම දේ උන් වහන්සේගෙන් උනන්දුවෙන් ඉල්ලා සිටින විට දෙවියන් වහන්සේ පරීක්ෂාවට ලක් වේ.
56. උගුල්වලින් හා අන්තරායන්ගෙන් පිරී ඇති මේ මහා පාළුකරයේ, බැලුව මැනව, මාගේ ගැලවීමේ දෙවියන් වහන්ස, ඔබ වහන්සේ මට කිරීමට හැකියාව දුන් පරිදි, මම ඒවායෙන් බොහෝ දේවල් මා විසින් ඉවත් කර, මගේ හදවතින් නෙරපා හැර ඇත්තෙමි. එසේ වුවද, මේ ආකාරයේ බොහෝ දේවල් අපගේ දෛනික ජීවිතය වටා ඝෝෂා කරන බැවින් එසේ කියන කල මම බිය වෙමි. එවැනි කිසි දෙයක් බැලීමට ඒවා මා තුළ අදහස් ඇති නොකරන බව හෝ ඒවා මා තුළ නිෂ්ඵල හුදෙකලා බවක් ඇති කරන බව මම පැවසීමට නිර්භීත වන්නෙම්ද? සිනමාහල් කිසි විටෙකත් මා එහි රැගෙන නොයන බවත්, තාරකාවල ගමන් මග දැනගැනීමට මට දැන් සැලකිල්ලක් නැති බවත්, මගේ ආත්මය කිසි විටෙක නික්ම ගිය ආත්මයන්ගෙන් උපදෙස් ලබාගෙන නැති බවත් සැබෑවකි. සියලු පූජාවලින් කරන දිවුරුම් මම පිළිකුල් කරමි. මාගේ දෙවියන් වහන්සේ වන ස්වාමින් වහන්ස, නිහතමානීව සහ එකම හදවතකින් සේවය කිරීමට මා ණයගැති තැනැන් වහන්ස, ඔබ වහන්සේගෙන් යම් ලකුණක් ඉල්ලා සිටීමට සතුරා මට බලපෑම් කරන්නේ කුමන සූක්ෂ්ම යෝජනාවකින්ද! එහෙත් අපගේ රජතුමාණන් වහන්සේ කරණකොටගෙන සහ අපගේ නිර්මල දේශය වන යෙරුසලම මගින්, මම ඔබ වහන්සේගෙන් මෙසේ අයදිමි, එනම් එවැනි සිතුවිලිවලට යම් එකඟතාවයක් මගෙන් දුරස් වේවා, එවිට එය සැම විටම දුරින් දුරටම යනු ඇත. එහෙත් ඕනෑම කෙනෙකුගේ ගැලවීම උදෙසා මා ඔබ වහන්සේගෙන් අයැද සිටින විට, මා අරමුණු කරන අවසානය බොහෝ වෙනස් වන අතර, ඔබ වහන්සේ කැමති දේ ඔබ වහ්සේ සිදු කරන සේක. ඔබ වහන්සේ කැමති දේ ලබා දෙමින් කැමැත්තෙන් එය මට ඔබ වහන්සේ අනුගමනය කරන පිණිස ලබා දෙන සේක. යොහන් 21:22
57. එසේ වුවද, අපගේ කුතුහලය දිනපතා පරීක්ෂාවට ලක් වන බොහෝ කුඩා දේවල් සහ නින්දිත දේවල් කොපමණ තිබේද, එසේම අප කොපමණ වාරයක් යටත් වේදැයි ගණන් කළ හැක්කේ කවරෙකුටද? මිනිසුන් නිෂ්ඵල කතා කියන විට, අප දුර්වලයන් කෙරෙහි අමනාප නොවන පිණිස ඒවා ඉවසා සිටීම සිදුකර, පසුව ක්‍රමයෙන් අප කැමැත්තෙන් ඒවාට කොපමණ වාරයක් සවන් දෙනවාද! මම දැන් මේ දවස්වල බල්ලෙකු විසින් හාවෙක් එලවනු ලබනු බැලීමට බලන්නට නොයමි. එහෙත් අහම්බෙන් මම එවැනි කාරණයක් ක්‍ෂේත්‍රයහි දුටුවහොත්, එය යම් බැරෑරුම් සිතුවිල්ලකින් පවා මා අවධානය වෙනතකට යොමු කර, එය පසුපස මා ඇද ගනියි – එහිදී මම මගේ මෘගයාගේ ශරීරය ඒ පැත්තට හරවන්නේ නැත. එහෙත් මගේ මනසෙහි නැඹුරුව යොමු කරමි. තවද, ඔබ වහන්සේ, මගේ දුර්වලකම මට පෙන්වා දෙමින්, දැකීම තුළින්ම හෝ යම් කිසි ආවර්ජනයකින් හෝ ඔබ වහන්සේ වෙතට නැඟී සිටීමට හෝ සම්පූර්ණයෙන්ම එය හෙළා දැක එය පසුකර යාමට හෝ මට ඉක්මනින් අනතුරු අඟවන සේක් නම් මිස, නිෂ්ඵල තැනැත්තෙකු වන මම එයින් අවශෝෂණය කර ගනු ලබන්නෙමි. නිවසෙහි සිටින විට, හූනෙක් මැස්සෙකු අල්ලන විට, නැත්නම් මකුළුවෙකුගේ දැලට උන් වේගයෙන් ගොස් එහි පැටලෙන විට, බොහෝ විට මා එයින් අල්ලාගන්නේ නැද්ද? මොවුන් කුඩා ජීවීන් නිසා කුතුහලයේ හැඟීම එකම නොවන්නේද? සියලු දේවල විස්මිත මැවුම්කරුවාණන් වහන්සේ සහ සැලසුම්කරුවාණන් වහන්ස, ඔවුන්ගෙන් මම ඔබ වහන්සේට ප්‍රශංසා කිරීම ආරම්භ කරමි. එහෙත් මගේ අවධානය මුලින්ම ආකර්ෂණය කර ගන්නේ මෙය නොවේ. ඉක්මනින් නැඟිටීම එකකි, නොවැටීම තවත් එකකි, එබඳු දේවලින් මගේ ජීවිතය පිරී තිබේ. මාගේ එකම බලාපොරොත්තුව ඇත්තේ ඔබ වහන්සේගේ අති මහත් දයා කරුණාව තුළයි. මන්ද, අපගේ මේ හදවත එවැනි දේවල බඳුනක් බවට පත් කරගෙන, මෙම බහුල වූ නිෂ්ඵලත්වයේ කාරණා දරා සිටින විට, ඒ හේතුව නිසා අපගේ යාච්ඤාවලට බොහෝ විට බාධාවන් ඇති වේ. ඔබ වහන්සේ අබිමුඛයෙහි සිටින කල අප අපගේ හදවතේ හඬ ඔබ වහන්සේ කන් දෙසට යොමු කරන අතර, මෙය විශාල කාරණයක් ගලා ඒමෙන් බිඳී ඇති අතර ඒ කුමන නිෂ්ඵල සිතුවිලිවලින්ද යන්න මම නොදනිමි.
36 වන පරිච්ඡේදය. තුන්වන වර්ගයක් වන්නේ උඩඟුකමයි. එය දෙවියන් වහන්සේ නොව මිනිසා ප්‍රිය කරන්නකි.
58. එසේ නම්, ඔබ වහන්සේ අප වෙනස් කිරීමට පටන් ගෙන ඇති බැවින්, අපි මෙයද සැහැල්ලුවෙන් සැලකිය යුතු දේවල් අතරට ගණන් ගනිමුද, නැතහොත් ඔබ වහන්සේගේ සම්පූර්ණ දයා කරුණාව ලැබීමට යමක් අප බලාපොරොත්තු වීම සඳහා නැවත ඇති වන්නේද? ඔබ වහන්සේ දැනටමත් මා කොතරම් දුරට වෙනස් කර ඇත්දැයි ඔබ වහන්සේ දන්නා සේක. ඔබ වහන්සේ පළමුවෙන්ම මා ආරක්ෂා කරමින් මාගේ තෘෂ්ණාව සුව කර ඇති සේක. එසේ කළේ ඔබ වහන්සේ මාගේ ඉතිරි සියලු අයුතුකම්වලට සමාව දීම පිණිසත්, මාගේ සියලු රෝග සුව කිරීම පිණිසත්, මාගේ ජීවිතය දූෂණයෙන් මුදන පිණිසත්, ප්‍රේමණීය දයා කරුණාවෙන් සහ මෘදු අනුග්‍රහයේ ඔටුනු පලඳවන පිණිසත්, මාගේ ආශාවන් යහපත් දෙයින් තෘප්තියට පමුණුවන පිණිසත්ය. ඔබ වහන්සේ මාගේ අහංකාරකම ඔබ වහන්සේගේ ගරු බියෙන් පාලනය කළ සේක. එසේම මගේ බෙල්ල ඔබ වහන්සේගේ වියගහට යටත් කළ සේක. දැන් මම එය දරාගෙන සිටිමි, එය මට සැහැල්ලුය, මතෙව් 11:30, මන්ද ඔබ වහන්සේ එසේ කරන බවට පොරොන්දු වී, එය ඉටු කර ඇති සේක, මා එය භාර ගැනීමට බිය වූ විට, මා එය නොදැන සිටියත්, එය සත්‍ය වශයෙන්ම සිදු විය. එහෙත්, ස්වාමින් වහන්ස, – ඔබ වහන්සේ පමණක්ම අහංකාරයෙන් තොරව රජකම් කරන සේක, මන්ද ස්වාමියෙකු නොමැති එකම සැබෑ ස්වාමින් වහන්සේ ඔබ වහන්සේ වන නිසාය – මේ තුන්වන ආකාරයේ පරීක්ෂාව මා හැර ගොස් තිබේද, නැතහොත් එයට මේ ජීවිත කාලය තුළ මා හැර යා හැකිද?
59. මිනිසුන්ට බිය වීමට හා ආදරය කිරීමට ඇති ආශාව, එහි ඇති ප්‍රීතියක් නොවන ප්‍රීතියක් මට අත්විඳිය හැකි බව හැර වෙනත් දෘෂ්ටියකින් තොරව සිටීම දුක්ඛිත ජීවිතයකි, එසේම නොගැළපෙන මවාපෑමකි. ඒ නිසා විශේෂයෙන්ම අප ඔබ වහන්සේට ආදරය නොකරන බව සහ ඔබ වහන්සේට භක්තියෙන් බිය නොවන බව මතු වෙයි. එබැවින් ඔබ වහන්සේ උඩඟු අයට විරුද්ධ වන නමුත් යටහත් පහත් අයට කරුණාව දෙන සේක. යාකොබ් 4:6 එසේම ඔබ වහන්සේ ලෝකයේ අභිලාෂකාමී සැලසුම් මත ගිගුරුම් හෙළන සේක. කඳුවල අත්තිවාරම් වෙව්ලයි. මන්ද දැන් මිනිස් සමාජයේ ඇතැම් නිලතල දරන අය මිනිසුන්ට ආදරය කිරීමට හා බිය වීමට අවශ්‍ය වී ඇති බැවිනි. අපගේ සැබෑ ආශීර්වාදයේ විරුද්ධවාදියා අප කෙරෙහි දැඩි ලෙස බලපෑම් කරයි. එසේ ඔහු සෑම තැනකම හොඳින් ක්‍රියා කළා, හොඳින් ක්‍රියා කළා, යන ඔහුගේ උගුල් විසුරුවා හරිමින් සිටියි; ඒ අප ඒවා උනන්දුවෙන් ලබා ගන්නා අතරතුර අප නොදැනුවත්වම එයට හසු විය හැකිය, එසේ අපගේ ප්‍රීතිය ඔබ වහන්සේගේ සත්‍යයෙන් වෙන් කර, මිනිසුන්ගේ වංචාවන් කෙරෙහි එය යොමු කළ හැකිය. එසේ ඔබ වහන්සේ උදෙසා නොව නමුත් ඔබ වහන්සේ වෙනුවට ආදරය ලැබීම හා බිය වීම ගැන සතුටු විය හැකිය. එසේ කිරීමෙන් ඔහු හා සමාන කරන ලදුව ඔහුට ඒවා ඔහුගේම දේවල් කරගත හැකිය. එය සිදුවන්නේ ප්‍රේමයේ එකඟතාවයකින් නොව, දඬුවමේ සහයෝගීතාවයෙනි. ඔහු අන්ධකාරය සහ සීතල ඔහුට සේවය කරන පිණිස උතුරේ තම සිංහාසනය උසස් කිරීමට අපේක්ෂා කළ තැනැත්තාය, යෙසායා 14:13-14 එසේ කිරීමෙන් ඔහු ඔබ වහන්සේ විකෘති හා වැරදි ආකාරයෙන් අනුකරණය කළේය. එහෙත් අපි, ස්වාමින් වහන්ස, මෙන්න, අපි ඔබ වහන්සේගේ කුඩා රැළ වෙමුව; ලූක් 12.32 ඔබ වහන්සේ අප හිමි කරගන්නා සේක. ඔබ වහන්සේගේ පියාපත් අප මත විහිදුවන සේක. අපි ඒවා යට සුරක්ෂිත වෙමුව. ඔබ වහන්සේ අපගේ මහිමය වුව මැනව; ඔබ වහන්සේ නිසා අපට ප්‍රේම කරනු ලැබේවා, ඔබ වහන්සේගේ වචනයට අප තුළ බයාදුකම ඇති වේවා. ඔබ වහන්සේ දොස් පවරන විට මිනිසුන්ගේ පැසසුම ලැබීමට කැමති අය, ඔබ වහන්සේ විනිශ්චය කරන විට මිනිසුන් විසින් ආරක්ෂා කරනු නොලබනු ඇත; ඔබ වහන්සේ ඔවුන් හෙළා දකින විට ඔවුන් ගැළවෙන්නේද නැත. එහෙත් පව්කාරයා ඔහුගේ ආත්මයේ ආශාවන් තුළ වර්ණනාවට ලක් නොවෙයි. අසාධාරණකම් කරන අයට ආශීර්වාද නොලැබෙයි. එහෙත් ඔබ වහන්සේ මනුෂ්‍යයාට ලබා දෙන ලද යම් ත්‍යාගයක් හේතුවෙන් ඔහු ප්‍රශංසාවට ලක් වෙයි. එසේ ඔහු තමාට ප්‍රශංසා කරන තෑග්ග පිළිබඳ ඔහු සතු වෙනවාට වඩා, තමා ගැන ප්‍රශංසා කිරීමෙන් ඔහු තෘප්තිමත් වේ. ඔබ වහන්සේ දොස් පවරන විට එබඳු තැනැත්තා ප්‍රශංසාවට ලක් වෙයි. තවද ප්‍රශංසාවට ලක් වන තැනැත්තාට වඩා ප්‍රශංසා කළ තැනැත්තා ඇත්තෙන්ම හොඳය. මන්ද මනුෂ්‍යයා තුළ දෙවියන් වහන්සේගේ ත්‍යාගය එක් කෙනෙකුට ප්‍රසන්න වූ අතර අනෙකා දෙවියන් වහන්සේගේ දීමනාවට වඩා මිනිසාගේ ත්‍යාගය ගැන සතුටු විය.
37 වන පරිච්ඡේදය. ප්‍රශංසාවට ඇති ආදරයෙන් ඔහු බලහත්කාරයෙන් අල්ලා ගනු ලැබේ.
60. ස්වාමින් වහන්ස, මේ පරීක්ෂාවලින් අපි දිනපතා පරීක්ෂාවට ලක් වන්නෙමු. ඔව්, අපි නොනවත්වාම අපි පරීක්ෂාවට ලක් වනුනෙමු. අපගේ දෛනික උදුන වන්නේ මිනිස් දිවයි. තවද, මේ කාරණයෙන්ද ඔබ වහන්සේ අපට ස්වයං පාලනයෙන් සිටින ලෙසට අණ කරන සේක. ඔබ වහන්සේ අණ කරන දේ දුන මැනව, ඔබ වහන්සේ කැමති වන දේ අණ කළ මැනව. මේ කාරණය සම්බන්ධයෙන්, ඔබ වහන්සේ මගේ හදවතේ කෙඳිරිගෑමද, මගේ ඇස්වල කඳුළු ගංගාද දන්නා සේක. විලාප ගී 3:48 මන්ද, මන්ද මා මෙම වසංගතයෙන් කොපමණ දුරකට පවිත්‍ර වී ඇත්දැයි දැන ගැනීමට මට නොහැකි වන අතර, මගේ රහස් වැරදිවලට මම බොහෝ සේ බියෙන් සිටිමි, එය මගේ ඇස්වලට නොපෙනෙන නමුත්, ඔබ වහන්සේගේ ඇස්වලට පෙනෙයි. මන්ද වෙනත් ආකාරයේ පරීක්ෂාවන්වලදී මා විසින්ම මා පරීක්ෂා කරනු ලැබීමට මට යම් ආකාරයක බලයක් ඇත. එහෙත් මෙහි එවැනි වූ කිසිවක්ම ඇත්තේ නැත. මන්ද මාංසයේ තෘප්තිය සහ නිෂ්ක්‍රීය කුතුහලය යන දෙකම සම්බන්ධයෙන් ගත් කල, ඒවා නොමැතිව සිටින විට මගේ මනස කොතරම් දුරට පාලනය කර ගැනීමට මට හැකි වී ඇත්දැයි මට පෙනේ. එය ස්වෙච්ඡාවෙන් හෝ ඒවා සමීපයේ නොමැති නිසා විය හැකිය. මන්ද ඒවා නොමැතිකම මට කොතරම් අඩු හෝ වැඩි කරදරයක්දැයි මම මගෙන්ම විමසා සිටිමි. මේ කාම තෘෂ්ණාවන් තුනෙන් එකකට හෝ දෙකකට හෝ ඒ සියල්ලට හෝ සේවය කිරීම පිණිස සත්‍ය වශයෙන්ම සොයන ධනය, ඒවා ඇති විට, ඒවා හෙළා දකින බව පැහැදිලිව දැකීමට මනසට නොහැකි නම්, ඒවා එක පැත්තකට හෙළා දමනු ලැබේ. ඒ මගින් එය ඔප්පු කළ හැකිය. එහෙත් ප්‍රශංසාව නොමැතිව ක්‍රියා කිරීමේ අපගේ බලය පරීක්ෂා කිරීමට අපට අවශ්‍ය නම්, අප රෝගාතුරව ජීවත් විය යුතුය. එසේ වන්නේ අප හඳුනන සෑම කෙනෙකුම අප පිළිකුල් කරන තරමට ඉතා ධෛර්ය සම්පන්න සහ මධ්‍යස්ථ ලෙස සිටින පිණිසද? මෙයට වඩා විශාල උමතුවක් පිළිබඳ පැවසීමට හෝ තේරුම් ගැනීමට හැකිද? එහෙත් ප්‍රශංසාව නම්, මේ දෙකම යහපත් ජීවිතයක සහ යහපත් ක්‍රියාවන්හි සහකරු විය යුතු සහ එසේ නොවන බවය. යහපත් ජීවිතයක් ලෙස අප එහි මිත්‍රත්වය සුළු වශයෙන් ප්‍රතික්ෂේප කළ යුතුය. එහෙත් යමක් නොමැති වේ නම් මිස, එය නොමැතිව සිටීමෙන් මා සෑහීමකට පත්වේද කරදර වේද යන්න මම නොදනිමි.
61. එසේ නම්, ස්වාමින් වහන්ස, මේ ආකාරයේ පරීක්ෂාවකදී මා ඔබ වහන්සේට පාපොච්චාරණය කළ යුතු කුමක්ද? මා ප්‍රශංසාවෙන් සතුටු වනවාට වඩා සත්‍යය නිසා සතුටු වනවා නම් මා ප්‍රශංසාවෙන් තෘප්තිමත් වනවා යන්න කුමක්ද? මන්ද, සියලු මිනිසුන්ගේ ප්‍රශංසාවට ලක් වී මා පිස්සුවෙන් සිටියත්, නොඑසේ නම් සියලු කාරණාවලින් මංමුළාව ගියත්, මගේ තෝරාගැනීම මට තිබේ නම් කුමක්ද, එසේ නැතහොත්, සත්‍යය තුළ ස්ථිරව සහ නොසැලී සිටීම නිසා සියල්ලන් විසින් දොස් පවරනු ලැබේ නම්, මා තෝරාගත යුත්තේ කුමක්දැයි මම දකිමි. එසේ වුවද, මා සතුව ඇති ඕනෑම යහපතක් සඳහා වෙනත් කෙනෙකුගේ අනුමැතිය මගේ ප්‍රීතියට එකතු කිරීමට මම අකමැති වනු ඇත. එහෙත් එමගින් එය වැඩි කරන බව මම පිළිගනිමි, එසේම, ඊට වඩා, අපකීර්තිය එය අඩු කරන්නේය. මගේ මේ දුක්ඛිත තත්වය ගැන මා කලබල වූ විට, එය මා වෙත නිදහසට කරුණක් ඉදිරිපත් කරයි, දෙවියන් වහන්ස, ඔබ වහන්සේ එහි වටිනාකම දන්නා සේක, මන්ද එය මා අවිනිශ්චිත කරන බැවිනි. මන්ද, ඔබ වහන්සේ අපට අණ කර ඇත්තේ ස්වයං පාලනයෙන් සිටීමට පමණක් නොවේය. එනම්, අපගේ ආදරය වළක්වාගත යුතු දේවල් ගැන පමණක් නොවේය. එහෙත් ධර්මිෂ්ඨකම ගැනද අපට අණ කර ඇති සේක. එනම්, එය ලබා දිය යුත්තේ කුමකටද යන්නය. එසේම ඔබ වහන්සේ අප ඔබ වහන්සේට ප්‍රේම කිරීම පමණක් නොව අපගේ අසල්වැසියාට ප්‍රේම කිරීමද බලාපොරොත්තු වන සේක. බොහෝ විට, බුද්ධිමත් ප්‍රශංසාවෙන් තෘප්තිමත් වන විට, මගේ බොහෝ විට, බුද්ධිමත් ප්‍රශංසාවෙන් සතුටු වන විට, මගේ අසල්වැසියාගේ ප්‍රවීණතාවයෙන් හෝ මා පිළිබඳ සැලකිල්ලෙන් මා තෘප්තිමත් වන බව මට පෙනේ. එහෙත් නැවතත්, ඔහුට නොතේරෙන දේ හෝ යහපත් දේහෝ ඔහු හෙළා දකින බව මට ඇසෙන විට ඔහු තුළ ඇති නපුර ගැන මම කනගාටු වෙමි. මන්ද, මම සමහර විට මගේම ප්‍රශංසාව ගැන දුක් වෙමි. ඒ මා තුළ ඇති මා අප්‍රසන්න වූ දේවල් මා තුළ වර්ණනා කරන විට හෝ ඔවුන් අගය කළ යුතු දෙයට වඩා අඩු සහ සුළු කාරණා ඒවා විය යුතු ප්‍රමාණයට වඩා වැඩි අගයකින් වර්ණනා කරන විටදීය. එහෙත්, නැවතත්, මට මෙසේ බලපෑම් එල්ල වී ඇත්දැයි මා දන්නේ කෙසේද, මන්ද මට ප්‍රශංසා කරන තැනැත්තා මා ගැන මගෙන් වෙනස් වූ අදහස් ඇතිව සිටීමට මා අකමැති නිසාය – ඔහු ගැන සැලකිල්ලක් නොදක්වා ඇති නිසා – එහෙත් මා තුළ ඇති මා සතුටු කරන එම යහපත් දේ මගින් තවත් කෙනෙකු සතුටු කරන විට එය මට වඩාත් ප්‍රසන්න වන නිසාද? මන්ද, යම් ආකාරයකින් මා පිළිබඳ මගේ විනිශ්චය මට ප්‍රශංසා නොකරන විට මම ප්‍රශංසාවට ලක් නොවෙමි. මන්ද මට අප්‍රසන්න දේ ප්‍රශංසාවට ලක්වන බැවිනි. එසේත් නැතිනම් ඒවා මා වඩා අඩුවෙන් ප්‍රසන්න කරන ඒවාය. එසේ නම් මේ කාරණයේදී මා මා ගැනම අවිනිශ්චිත බවින් යුක්තද?
62. සත්‍යය වන තැනැන් වහන්ස, බැලුව මැනව, මගේම ප්‍රශංසාවට මා පෙලඹිය යුත්තේ මා වෙනුවෙන් නොව, මගේ අසල්වැසියාගේ යහපත සඳහා බව ඔබ වහන්සේ තුළ මම දකිමි. එය එසේ වේද යන්න සැබවින්ම මම නොදනිමි. මන්ද මේ සම්බන්ධයෙන් මා ඔබ වහන්සේට වඩා මා ගැන දන්නේ අඩුවෙන් බැවිනි. මාගේ දෙවියන් වහන්ස, මා වෙනුවෙන් යාච්ඤා කළ යුතු මගේ සහෝදරයන්ට මා තුළ ඇති දුර්වල යැයි පෙනෙන දේ පාපොච්චාරණය කිරීමට මා හට හැකි වන පිණිස මා එළිදරව් කරන ලෙස මම දැන් ඔබ වහන්සේගෙන් අයදිමි. නැවත වරක් මට වඩාත් උනන්දුවෙන් මා පරීක්ෂා කර බැලීමට ඉඩ දෙන්න. මගේම ප්‍රශංසාව තුළ, මගේ අසල්වැසියා ගැන මා සැලකිල්ලක් දක්වන්නේ නම්, මා නොවන වෙනත් මිනිසෙකු අසාධාරණ ලෙස අපකීර්තියට පත් වුවහොත්, මා අඩුවෙන් පෙලඹෙන්නේ මන්ද? මා ඉදිරියේ අනෙකාට කරන අසාධාරණයට වඩා, මටම එල්ල වන ඒ හා සමාන නින්දාව ගැන මා කෝපයට පත් වන්නේ ඇයි? මා මේ ගැනද නොදන්නේද? එසේත් නැතිනම් මා මාම රවටා ගන්නවාද, ගලාති 6:3 ඔබ වහන්සේ ඉදිරියෙහි මගේ හදවතින් සහ දිවෙන් සත්‍යය සිදු නොකරන්නෙම්ද? 1 යොහන් 1:8 ස්වාමින් වහන්ස, මාගේ හිස ආලේප කිරීමට මාගේ මුඛය පව්කාරයන්ගේ තෙල් නොවන පිණිස එවැනි උමතුවක් මගෙන් ඈත් කළ මැනව.
38 වන පරිච්ඡේදය. නිෂ්ඵල ප්‍රශංසාව යනු ඉහළම අන්තරායයි.
63. මම දිළිඳු සහ අගහිඟකම් ඇතව සිටිමි, එසේ වූවත් වඩා යහපත් දේ සම්බන්ධයෙන් මා රහසිගත කෙඳිරිගාමින් සිටීම වූ කලි මට අප්‍රසන්න දෙයකි. එහිදී මා තුළ ඇති අඩුව නැවත අලුත් කර සම්පූර්ණ කරන තුරු, නොදැනුවත්කමෙන් සිටින්නාගේ ඇස උඩඟු බැවින් එයට සමාදානය ලැබෙන තුරු මම ඔබ වහන්සේගේ දයා කරුණාව සොයන්නෙමි. එහෙත්, මුවින් පිට වන වචනය සහ මිනිසුන් දන්නා ක්‍රියාවන්, ප්‍රශංසාව ලැබීම උදෙසා ඇති ආශාව භයානක පරීක්ෂාවක් වේ. එය අපගේම විශිෂ්ටත්වයක් ස්ථාපිත කිරීම සඳහා, එකට එකතු කිරීමට ඡන්දයක් සොයයි. එය පරීක්ෂාවට ලක් කරයි. ඇතුළතින් මා ඒ ගැන මටම තරවටු කරන විට පවා, එය තරවටු කරන ලද පදනම මත එය තරවටුවට ලක් වෙයි.එසේම බොහෝ විට මිනිසා නිෂ්ඵල ප්‍රශංසාව සම්බන්ධයෙන් බොහෝ විට නිෂ්ඵල ලෙස ප්‍රශංසා කර තෘප්තිමත් වෙයි; එබැවින් එය තවදුරටත් ප්‍රශංසාවට ලක් වන නිෂ්ඵල ප්‍රශංසාවට තෘප්තිය ගෙන නොදෙයි. මන්ද ඔහු ඇතුළතින් ප්‍රශංසා කරන විට එය සැබවින්ම හෙළා නොදකින බැවිනි.
39 වන පරිච්ඡේදය. තමන්ම සතුටු කරන අතරම දෙවියන් වහන්සේ අසතුටු කරන අයගේ දුෂ්ටකම.
64. ඇතුළතින්ද, ඇතුළතින්ද එවැනිම පෙලඹවීමක්, පරීක්ෂාවක් නිසා හටගත් තවත් නපුරක් ඇත; එමගින් තමන් තුළ තමන්ම සතුටු කර ගන්නා අය හිස් බවට පත් වෙති, ඔවුහු සතුටින් සිටියේ නැතත්, නොඑසේ නම්, නොසතුටින් සිටියත්, අන් අය සතුටු කිරීම අරමුණු කරගනිති. එහෙත් ඔවුන් තමනමෙ සතුටට පත්කර ගැනීමේදී, ඔවුහු බොහෝ සෙයින් ඔබ වහන්සේ අසතුටට පත් කරති. එසේ කරන්නේ ඔවුන් යහපත් දේවල් මෙන් යහපත් නොවන දේවල් තුළ සතුටට පත් වන නිසා පමණක් නොව, එහෙත් ඔබ වහන්සේගේ යහපත් දේවල් ඔවුන් තමන්ගේම ඒවා ලෙස සලකන බැවිනි. එසේත් නැතිනම් ඔබ වහන්සේ තුළ මෙන් සිටියත්, ඔවුන් ඔවුන්ගේම ප්‍රයෝජනය උදෙසා ඒවා සිදු කරන නිසාය. එසේත් නැතිනම් ඔබ වහන්සේගේ කරුණා අනුග්‍රහය නිසා පවා, මිත්‍රශීලී ප්‍රීතියෙන් නොව, අන් අයට එම කරුණා අනුග්‍රහය නිසා ඊර්ෂ්‍යා කරමිනි. මේ සියලු දේ හා සහ ඒ හා සමාන අන්තරායන් සහ ශ්‍රමය තුළ ඔබ වහන්සේ මගේ හදවතේ වෙව්ලීම දකින සේක, මගේ තුවාල මා විසින් ඇති නොකරනවාට වඩා ඔබ වහන්සේ විසින් සුව කරනු ඇතැයි මට හැඟේ.
40 වන පරිච්ඡේදය. ආත්මය සඳහා එකම සුරක්ෂිත විවේක ස්ථානය දෙවියන් වහන්සේ තුළ සොයා ගත හැකිය.
65. සත්‍යය වන තැනැන් වහන්ස, මා විසින් යටපත් කළ යුතු දේ ගැන දැනගත හැකි දේ ඔබ වහන්සේ වෙත ඉදිරිපත් කර, ඔබ වහන්සේගේ උපදෙස් විමසූ විට, වැළකී සිටිය යුතු දේ සහ ආශා කළ යුතු දේ යන දෙකම මට උගන්වා ඔබ වහන්සේ මා සමග නොගියේ කොතැනකටද? මට හැකි පරිදි, මගේ බාහිර ඉන්ද්‍රියයන් සමඟ, මම ලෝකය දෙස බැලුවෙමි, එහිදී මගේ ශරීරය මගෙන් ලබා ගන්නා ජීවිතය සහ මෙම මගේ ඉන්ද්‍රියයන් දුටුවෙමි. එතැන් සිට මම මගේ මතකයේ විවේක ස්ථානයට අභ්‍යන්තරව ඉදිරියට ගියෙමි, – පුදුමාකාර ලෙස ගණන් කළ නොහැකි තරම් වස්තුවලින් පිරී ඇති බහුවිධ කාමර; එහිදීි මම ඒ ගැන කල්පනා කර, බිය වුණෙමි. මට ඒ කිසිවක් ඔබ වහන්සේ නොමැතිව වෙන් කර හඳුනා ගැනීමට නොහැකි විය, ඒවායින් කිසිවක් ඔබ වහන්සේ වන බව මම හඳුනා නොගත්තෙමි. ඒ සියලු දේවල සොයාගත් තැනැත්තා වූයේද මා නොවේ. ඒ සියල්ල පරීක්ෂා කළ මා, එහි ගෞරවනීය බව අනුව ඒවා වෙන්කර හඳුනා ගැනීමටත්, අගය කිරීමටත්, මගේ ඉන්ද්‍රිය වාර්තා කරන දේවල් මත සමහර දේවල් පිළිගැනීමටත්, එමෙන්ම මා සමඟ මිශ්‍ර වී ඇති බවට මට හැඟෙන අනෙක් ඒවා ගැන ප්‍රශ්න කිරීමටත්, වාර්තාකරුවන් වෙන්කර හඳුනා ගැනීමට සහ අංකනය කිරීමටත්, එසේම මගේ මතකයේ විශාල ගබඩාව තුළ සමහර දේවල් විමර්ශනය කිරීමටත්, අනෙක් ඒවා පසෙක දැමීමටත්, තවත් ඒවා අත්හැර දැමීමටත් වෙහෙසුණෙමි. මා මෙය කරන විට එසේ කළේ මම නොවෙමි (එනම්, මා එය සිදු කළ මගේ හැකියාව) හෝ එය කළේ ඔබ වහන්සේද නොවේය, මන්ද, ඒ සියල්ලම උදෙසා, ඒවා සියල්ලම කුමක් වුවත්, ඒවා උදෙසා මා උපදෙස් ගත්තේ කිසිදි නැති නොවන ආලෝකය වන ඔබ වහන්සේගෙනි. එසේ ඒවායේ වටිනාකම කුමක්ද; ඔබ වහන්සේ මට උගන්වමින් අණ කරන බව මට ඇසිණි. එසේ මෙය මම බොහෝ විට කරමි; මෙය මට සතුටක් වන අතර, මට අවශ්‍ය රාජකාරිවලින් සහනයක් ලබා ගත හැකි තාක් දුරට, මෙම තෘප්තිය ලැබීම සඳහා මම යොමු වෙමි. ඔබ වහන්සේගෙන් උපදෙස් ලබා ගැනීමේදී මා සමාලෝචනය කරන මේ සියල්ල තුළ ඔබ වහන්සේ තුළ ආරක්ෂා වී සිටින පිණිස මට ආරක්ෂිත ස්ථානයක් සොයාගත නොහැකිය. ඔබ වහන්සේට පමණක් මගේ විසිරී සිටින සාමාජිකයන් එකට එකතු කළ හැකිය, එසේ මාගෙන් කිසිවක්ම ඔබ වහන්සේ වෙතින් ඉවත්ව නොයයි. සමහර විට ඔබ වහන්සේ මගේ අභ්‍යන්තරයේ ඉතා අසාමාන්‍ය සෙනෙහසකට මා හඳුන්වා දෙන සේක. එය විස්තර කළ නොහැකි මිහිරි බවකි. එය මා තුළ පරිපූර්ණ වූවා නම්, එහි ඇති දේ කුමන ස්ථානයකට එම ජීවිතය ගෙන නොයන්නේද යන්න මම නොදනිමි. එහෙත් මාගේ මෙම කාලකන්නි පව් නිසා, හෙබ්‍රේව් 12.1 මම නැවතත් මේ පහත් දේවලට ගිලී සිටිමි, එසේ මම පෙර චාරිත්‍රවලින් ආපසු ගසාගෙන ගොස්, ඒවායින් අල්ලාගනු ලැබ, බොහෝ සෙයින් දුක් වන්නෙමි, එහෙත් බොහෝ සෙයින් ඒවායින් අල්ලාගනු ලැබ සිටිමි. එවන් වූ දුරකට පුරුදුවල බර අප පහතට හෙළන්නේය. මට මේ ආකාරයෙන් ජීවත් විය හැකිය, එහෙත් මම එසේ ජීවත් නොවන්නෙමි. ඒ සම්බන්ධයෙන් මට කැමැත්තක් ඇත. එහෙත් එසේ කළ නොහැකිය. ඒ දෙයාකාරයෙන්ම මම දුක්ඛිතයෙක් වෙමි.
41 වන පරිච්ඡේදය. ඔහුගේ ත්‍රිත්ව ආශාව ජයගත් පසුව ඔහු ගැලවීම කරා පැමිණෙයි.
66. මෙසේ මම ඒ තුන් වැදෑරුම් තෘෂ්ණාවෙන් ඇති වන මාගේ පාපවල වෙහෙස ගැන මෙනෙහි කර, ඔබ වහන්සේගේ දකුණත මට පිහිට වන ලෙසට ආයාචනා කළෙමි. මන්ද තුවාල වූ හදවතකින් මම ඔබ වහන්සේගේ දීප්තිය දුටුවෙමි, එසේම පහර දෙන විට, එතැනට පැමිණිය හැකි කවරෙකුටද, යනුවෙන් මම මොර ගැසුවෙමි. ඔබ වහන්සේගේ ඇස් ඉදිරියෙන් මම පහ කරනු ලැබ සිටිමි. ඔබ වහන්සේ සියල්ල කෙරෙහි මුලසුන දරන සත්‍යය වන තැනැන් වහන්සේ වන සේක, එහෙත් මගේ තණ්හාව නිසා මම ඇත්තෙන්ම ඔබ වහන්සේ අත්හැරීමට ප්‍රාර්ථනා නොකළෙමි. එහෙත් ඔබ වහන්සේ සමග බොරුවක් හිමි කර ගැනීමට කැමති වීමි. ඒ කිසිවෙකුත් සත්‍යය නොදැන තමාගෙන්ම පැමිණියාක් මෙන් බොරු කීමට කැමති නැති නිසාය. එසේ මට ඔබ වහන්සේ අහිමි විය. මන්ද ඔබ වහන්සේ බොරුවකින් ප්‍රීති වීමට එකඟ නොවන බැවිනි.
42 වන පරිච්ඡේදය. බොහෝ අය මැදිහත්කරුවාණන් වහන්සේ සෙවූ ආකාරය.
67. මා ඔබ වහන්සේ සමග සමාදාන කිරීම පිණිස මට සොයා ගත හැක්කේ කවුරුන්වද? මම දේවදූතයන් මැදිහත්වීිම උදෙසා ඉල්ලා සිටිය යුතුද? ඒ කුමන යාච්ඤාවකින්ද? කුමන සක්‍රමේන්තු මගින්ද? බොහෝ දෙනෙක් ඔබ වහන්සේ වෙත ආපසු යාමට උත්සාහ කරති. එසේ වූවද මා අසා ඇති පරිදි, ඔවුන්ටම එය කර ගැනීමට නොහැකිය. එසේ කිරීමට මෙය උත්සාහ කර, කුතුහලයෙන් යුත් දර්ශන දැකීමේ ආශාවට වැටී ඇති අතර, ඔවුන් රැවටීමට ලක් වීමට සුදුසු යැයි සලකනු ලැබේ. මන්ද, ඔවුහු උසස් කරනු ලැබ, උගත්කමේ උඩඟුකමෙන් යුක්තව ඔබ වහන්සේ සෙවූහ. එහිදී ඔවුහු නිහතමානීව පසුතැවිලි වීම වෙනුවට අහංකාරකමින් යුක්තව, එවන් වූ හදවතකින් යුක්තව ඔවුන්ගේ හදවතේ එකඟතාවයෙන්, ඔවුන්ගේ උඩඟුකමේ සහචර කුමන්ත්‍රණකරුවන් වූ ආකාශයේ බලයේ අධිපතියා තමන් වෙතට ඇද ගත්හ. එපීස 2.2 ඔහු විසින් ඉන්ද්‍රජාලික බලපෑම් හරහා, ඔවුහු රවටනු ලැබූහ. එසේ ඔවුන් පවිත්‍ර වන පිණිස මැදිහත්කරුවෙකු සොයමින්, සිටියද ඒ සඳහා කිසිවෙකුත් සිටියේ නැත. මන්ද යක්ෂයා, ආලෝකයේ දූතයෙකු බවට ඔහුට පරිවර්තනය විය. 2 කොරින්ති 11.14 ඔහු අහංකාර වූ මාංසය බොහෝ සෙයින් පොලඹවා ගත්තේය. එය සිදු කිරීමේදී ඔහුට මාංසමය ශරීරයක් තිබුණේ නැත. මන්ද ඔව්හු මනුෂ්‍යයෝය, පව්කාරයෝය; එහෙත්, ස්වාමින් වහන්ස, ඔවුන් ආඩම්බරකමින් නැවතත් සමගි වීමට උත්සාහ කළ ඔබ වහන්සේ, අමරණීය තැනැන් වහන්සේය, පව් රහිත තැනැන් වහන්සේය. එහෙත් දෙවියන් වහන්සේ සහ මිනිසා අතර මැදිහත්කරුවෙකු වීමට දෙවියන් වහන්සේට සමාන දෙයක් තිබිය යුතුය, එසේම මිනිසුන්ට සමාන දෙයක් තිබිය යුතුය; ඒ දෙයාකාරයම මනුෂ්‍යයාට සමාන වුවහොත්, ඔහු දෙවියන් වහන්සේගෙන් බොහෝ දුස්ය. එසේම ඒ දෙයාකාරයම දෙවියන් වහන්සේට සමාන නම්, ඔහු මිනිසාගෙන් බොහෝ දුරස්ය. එසේ වූ විට මැදිහත්කරුවෙකු නොවිය යුතුය. එසේ නම්, ඔබ වහන්සේගේ රහසිගත විනිශ්චයේදී අහංකාර අය රවටනු ලැබීමට සුදුසු නිසා, එම වංචාකාරී මැදිහත්කරුට මිනිසා හා සමාන වන පොදු කාරණයක් ඇත. එය වූ කලි පාපයයි. තවත් දෙයක් වන්නේ ඔහු දෙවියන් වහන්සේ සමග සිටින බව පෙන්වයි. ඒ නිසා මාංසයේ මරණීය ශරීරයෙන් සැරසී නැත. ඔහු තමන් අමරණීය බව ප්‍රකාශ කරනු ඇත. එහෙත් පාපයේ කුලිය මරණය වන බැවින්, රෝම 6.23 ඔහුට මනුෂ්‍යයන් හා සමාන ලෙස මේ කාරණය ඇත්තේය. එනම් මනුෂ්‍යයින් සමග ඔහු මරණයට හෙළා දකිනු ලැබීමයි.
43 වන පරිච්ඡේදය. එකම අවස්ථාවේදීම දෙවියන් වහන්සේ සහ මනුෂ්‍යයා වන යේසුස් ක්‍රිස්තුස් වහන්සේ, සැබෑ මෙන්ම වඩාත්ම කාර්යක්ෂම මැදිහත්කරුවාණන් වහන්සේ වන සේක.
68. එහෙත්, ඔබ වහන්සේගේ රහසිගත දයා කරුණාවෙන් ඔබ වහන්සේ එවන ලද සැබෑ මැදිහත්කරුවාණන් වහන්සේ නිහතමානී අයට පෙන්වා දුන් සේක. ඒ උන් වහන්සේගේ ආදර්ශයෙන් ඔවුන්ද එම නිහතමානිකම ඉගෙන ගන්නා පිණිසය – දෙවියන් වහන්සේ සහ මනුෂ්‍යයා අතර ඒ මැදිහත්කරුවාණන් වහන්සේ වූ කලි, මනුෂ්‍යයා වන ක්‍රිස්තුස් යේසුස් වහන්සේය. 1 තිමෝති 2 :5 උන් වහන්සේ මරණීය පව්කාරයන් සහ අමරණීය ධර්මිෂ්ඨ තැනැන් වහන්සේ අතර පෙනී සිටි සේක – මිනිසුන් සමග මරණීය, දෙවියන් වහන්සේ සමග ධර්මිෂ්ඨ; ධර්මිෂ්ඨකමේ විපාකය වන්නේ ජීවිතය සහ සමාදානය වන නිසා, උන් වහන්සේට දෙවියන් වහන්සේ සමග සම්බන්ධ වූ ධර්මිෂ්ඨකමෙන්, ධර්මිෂ්ඨ කරන ලද පව්කාරයන්ගේ මරණය අවලංගු කළ හැකිය. එය උන් වහන්සේ ඔවුන් සමග පොදුවේ තබා ගැනීමට කැමති වූ සේක. එබැවින් උන් වහන්සේගේ දුක් විඳීම පැමිණීම සම්බන්ධයෙන් ඇති ආශාව කෙරෙහි ඇදහිල්ල කරණකොටගෙන, ඔවුන් අදහන පිණිස වූ අභිප්‍රාය නිසා උන් වහන්සේ පුරාණ ශුද්ධ මිනිසුන්ට පෙන්වා දෙන ලදී. එසේ කළේ අප අතීතයේ සිදු වූ දේ කෙරෙහි ඇති ඇදහිල්ල කරණකොටගෙන ගැලවීම ලබන පිණිසය. මන්ද උන් වහන්සේ මනුෂ්‍යයෙකු ලෙස ඔහු මැදිහත්කරු වූ සේක. එහෙත් වාක්‍යාණෝ ලෙස උන් වහන්සේ අතරමැද තත්වයේ නොසිටි සේක. උන් වහන්සේ දෙවියන් වහන්සේට සමාන නිසාත්, දෙවියන් වහන්සේ සමග සිටින නිසාත්, උන් වහන්සේ ශුද්ධාත්මයාණන් වහන්සේ සමග එකම දෙවියන් වහන්සේ වන නිසාත්ය.
69. යහපත් පියාණන් වහන්ස, ඔබ වහන්සේ අපට ප්‍රේම කළේ කෙසේද, ඔබ වහන්සේගේ එකම පුත්‍රයාණන් වහන්සේ ඉතිරි කර නොගත්තා පමණක් නොව, එහෙත් දුෂ්ටයන් වන අප වෙනුවෙන් උන් වහන්සේ පාවා දුන් සේක! ඔබ වහන්සේ අපට ප්‍රේම කළේ කෙසේද, ඔබ වහන්සේ හා සමාන වී සිටීම තමන් විසින් අල්ලාගෙනම සිටිය යුතු වූ වස්තුවක් ලෙස නොසිතා උන් වහන්සේ, මරණය දක්වා, කුරුසියේ මරණය දක්වා කීකරු වූ සේක. පිලිප්පි 2: 6, 8 උන් වහන්සේ පමණක්ම මළවුන් අතරෙන් නිදහස් වී සිටින සේක. උන් වහන්සේගේ ජීවිතය දීමට බලය ඇතිව සිටි අතර, එය නැවත ලබා ගැනීමට බලය ඇති තැනැන් වහන්සේ වන සේක. යොහන් 10:18 අප වෙනුවෙන් උන් වහන්සේ ඔබ වහන්සේ වෙත ජයග්‍රාහකයා සහ වින්දිතයා වූ සේක. එසේ වින්දිතයා බවට පත් වී ජයග්‍රාහකයා බවට පත් වූ සේක. මන්ද, අප උදෙසා උන් වහන්සේ ඔබ වහන්සේ වෙත පූජකයෙකු සහ පූජාවක් වූ සේක. එසේ පූජාව වීමෙන් පූජකයා බවට පත් වූ සේක. වහලුන් වන අප ඔබ වහන්සේගේ පුත්‍රයන් බවට පත් කිරීමෙන්, ඔබ වහන්සේ කරණකොටගෙන උපත ලබා අපට සේවය කරන සේක. ඒ නිසා මගේ බලාපොරොත්තුව නිවැරදි ලෙස උන් වහන්සේ කෙරෙහි ශක්තිමත්ව තබා ඇත. ඒ ඔබ වහන්සේගේ දකුණු පැත්තේ ඉඳගෙන අප වෙනුවෙන් මැදහත්කම් කරන උන් වහන්සේ කරණකොටගෙන ඔබ වහන්සේ මාගේ සියලු රෝග සුව කරන පිණිසය. රෝම 8:34 එසේ නොමැති නම් මම සම්පූර්ණයෙන්ම බලාපොරොත්තු සුන් විය යුතුය. මන්ද මාගේ දුර්වලකම් බොහෝ ඇති අතර ඒවා විශාලය. ඔව්, ඒවා බොහෝ සෙයින් වැඩිය, මහත්ය. එහෙත් ඔබ වහන්සේගේ ඖෂධය වඩා වැඩිය. ඔබ වහන්සේගේ වාක්‍යාණෝ මනුෂ්‍යයා සමග එක්වීමෙන් ඉවත් කරන ලද බවත්, උන් වහන්සේ මාංසයක් බවට පත් වී අප අතර වාසය නොකළේ නම් අප ගැනම බලාපොරොත්තු සුන් වූ බවත් අපට සිතිය හැකිය. යොහන් 1:14
70. මාගේ පාපයෙන්ද මාගේ දුක්ඛිත බරින්ද තැතිගැන්මට පත් වූ මම, මාගේ සිතෙහි අධිෂ්ඨාන කරගතිමි. එසේ කාන්තාරයට පියාසර කිරීම මෙනෙහි කළෙමි. එහෙත්, ඔබ වහන්සේ මට එසේ කිරීම තහනම් කොට, මෙසේ පවසමින් මා ශක්තිමත් කළ සේක, එබැවින් ක්‍රිස්තුන් වහන්සේ සියල්ලන් උදෙසා මිය ගිය සේක. එසේ කළේ ජීවත් වන අය මින් ඉදිරියට තමන් වෙනුවෙන්ම ජීවත් නොවන පිණිසත්, එහෙත් ඔවුන් වෙනුවෙන් මිය ගිය තැනැත්තා වෙනුවෙන් ජීවත් වන පිණිසත්ය. 2 කොරින්ති 5:15 ස්වාමින් වහන්ස, බැලුව මැනව, මා ජීවත් වන පිණිස මාගේ රැකවරණය ඔබ වහන්සේ කෙරෙහි තැබුවෙමි. ඔබ වහන්සේගේ ව්‍යවස්ථාවෙන් සිදු ඇති පුදුම දේවල් බැලුව මැනව. මාගේ අකාර්යක්ෂයභාවය, මාගේ දුර්වලකම්ද ඔබ වහන්සේ දන්නා සේක. මට ඉගැන්නුව මැනව, මා සුව කළ මැනව. ඔබ වහන්සේගේ එකම පුත්‍රයාණන් වහන්සේ – ප්‍රඥාවේ සහ දැනුමේ සියලු වස්තු උන් වහන්සේ තුළ සඟවා ඇත – උන් වහන්සේගේ රුධිරයෙන් මා මුදාගත් සේක. උඩඟු අය මා ගැන නපුර කතා නොකරත්වා, මන්ද මම මාගේ මිදීමේ මිලය සලකමි. එසේ කමින් බොමින් බෙදාහරිමි. එසේ උන් වහන්සේගෙන් තෘප්තිමත් වීමට ආශාවක් ඇති දුප්පත් අයෙකු වන මා, අනුභව කර තෘප්තිමත් වූ අය සමග එක්ව, උන් වහන්සේ සොයන ඒ සෙනග ස්වාමින් වහන්සේට ප්‍රශංසා කරති.